റഹൂഫ് കൂട്ടിലങ്ങാടി
മലപ്പുറം : എറണാകുളം കളമ്മശ്ശേരിയിൽ നടക്കുന്ന 24-ാമത് സംസ്ഥാന സ്പെഷൽ സ്കൂൾ കലോത്സവത്തിൽ മത്സരിച്ച എല്ലാ വിഭാഗത്തിലും എ ഗ്രേഡ് നേടി വള്ളിക്കാപ്പറ്റ കേരള സ്കൂൾ ഫോർ ദ ബ്ലൈന്റിലെ കെ. ഹിബാ ഫാത്തിമ താരമായി.
കാഴ്ച പരിമിതിയുള്ളവരുടെ യു പി വിഭാഗത്തിൽ ലളിത ഗാന മത്സരത്തിൽ ഫസ്റ്റ് എ ഗ്രേഡോടെ ഒന്നാം സ്ഥാനവും മലയാളം പദ്യം ചൊല്ലൽ, മാപ്പിളപ്പാട്ട് എന്നിവയിലും എ ഗ്രേഡ് നേടിയതോടൊപ്പം എ ഗ്രേഡ് നേടിയ സംഘഗാനം, ദേശഭക്തി ഗാനം എന്നിവക്ക് നേതൃത്വംനൽകിയതും ഹിബാ ഫാത്തിമയായിരുന്നു.
കോഴിക്കോട് പാവണ്ടൂരിലെ നൗഫൽ – ജസ്ലി ദമ്പതികളുടെ മൂന്ന് മക്കളിൽ മൂത്തവളാണ് ഹിബാ ഫാത്തിമ. തിങ്കളാഴ്ച നടക്കുന്ന മങ്കട ഉപജില്ലാ കലാമേളയിലും ഈ ഇനങ്ങിളിലെല്ലാം ഹിബാ ഫാത്തിമ മത്സരാർത്ഥിയാണ്.