തിരുവനന്തപുരം: പ്രധാനമന്ത്രി നരേന്ദ്ര മോദിക്ക് ജന്‍മദിനാശംസകള്‍ നേര്‍ന്ന് ശശി തരൂര്‍ എംപി. ആയുരാരോഗ്യത്തോടെ ദീര്‍ഘകാലം രാജ്യത്തെ സേവിക്കാന്‍ കഴിയട്ടെ എന്ന് തരൂര്‍ ആശംസയില്‍ പറഞ്ഞു
സന്തോഷകരമായ ജന്‍മദിനം ആശംസിക്കുന്നു. ആരോഗ്യത്തോടെ വിജയകരമായി ഇനിയും നിരവധി വര്‍ഷം രാജ്യത്തെ സേവിക്കാന്‍ അങ്ങേക്കാവട്ടെ. കൂടുതല്‍ വിജയകരമായി വികസനം നടപ്പാക്കാനും എല്ലാവരിലും എത്തുന്ന യഥാര്‍ത്ഥ വികസനം കൊണ്ടുവരാനും അങ്ങേക്കാവട്ടെ എന്ന് ആശംസിക്കുന്നു-തരൂര്‍ ഫെയ്‌സ്ബുക്കില്‍ കുറിച്ചു.
നരേന്ദ്ര മോദിയുടെ എഴുപതാം ജന്‍മദിനമാണ് ഇന്ന്. 1950 സെപ്റ്റംബര്‍ 17ന് ഗുജറാത്തിലെ മെഹസാന ജില്ലയില്‍ വഡനഗര്‍ എന്ന ഗ്രാമത്തിലാണ് മോദി ജനിച്ചത്.