എൽ.എസ്.എസ്, യു.എസ്.എസ് നേടി സഹോദരങ്ങൾ

റഹൂഫ് കൂട്ടിലങ്ങാടി

കൂട്ടിലങ്ങാടി: ഈ വർഷത്തെ എൽ.എസ്.എസ്, യു.എസ്.എസ് പരീക്ഷാ ഫലം പുറത്ത് വന്നപ്പോൾ രണ്ട് മക്കളും ഒരേ സ്കൂളിൽ നിന്ന് ജേതാക്കളായി ഇരട്ടി മധുരം നൽകിയ സന്തോഷത്തിലാണ് കൂട്ടിലങ്ങാടി കടുങ്ങൂത്ത് സ്വദേശി ചിറയക്കുത്ത് സമീറും കുടുംബവും.

സമീറിൻ്റെയും സുഹൈലത്തിൻ്റെയും മക്കളായ സൻഹാ മെഹ്റിഷ് യു.എസ്.എസും സൈഫാ ഷിറിൻ എൽ.എസ്.എസും നേടി.സൻഹാ മെഹ്റിഷ് 2020 ലെ എൽ.എസ്.എസ് ജേതാവുമായിരുന്നു. ഇരുവരും കൂട്ടിലങ്ങാടി ജി.യു.പി.സ്കൂൾ വിദ്യാർത്ഥിനികളാണ്. ഇവരുടെ മകനും ഇതേ സ്കൂളിലെ ഏഴാം ക്ലാസ് വിദ്യാർത്ഥിയുമായ ഷഹനിദ് ജിഷാനും എൽ.എസ്.എസ് ജേതാവായിരുന്നു.

പാഠ്യേതര രംഗത്തും മികവ് പുലർത്തുന്ന ഇവർ സ്കൂൾ – സബ് ജില്ലാ തല കലാമേളകളിൽ പങ്കെടുത്ത് ഒട്ടേറെ സമ്മാനങ്ങളും നേടിയിട്ടുണ്ട്.
സൻഹ മെഹ്റിഷ് നാല്, ആറ്, ഏഴ് ക്ലാസുകളിൽ നിന്ന് മികച്ച വിദ്യാർത്ഥിക്കുള്ള ‘ അവാർഡ് നേടിയിരുന്നു.

ഈ വർഷം മക്കരപറമ്പ ജി.എച്ച്.എസിൽ എട്ടാം ക്ലാസിലേക്ക് ചേർന്ന്
ജെ.ആർ.സി.യുടെ സബ് ജില്ലാതല ദേശഭക്തിഗാന മത്സരത്തിൽ രണ്ടാം സ്ഥാനം നേടിയ ടീമംഗം കൂടിയാണ് സൻഹ.