ക്രിസ്മസ് അവധിയോട് അനുബന്ധിച്ച് സംസ്ഥാനത്തേക്ക് ട്രെയിനുകള്‍ അനുവദിച്ചതില്‍ ഉത്തരകേരളത്തിലേക്ക് ആവശ്യമായ വണ്ടികള്‍ ലഭിക്കാതെപോയ സാഹചര്യം ശ്രദ്ധയില്‍പ്പെടുത്തി മുസ്‌ലിം ലീഗ്. എം.പിമാരായ ഇ.ടി. മുഹമ്മദ് ബഷീറും അബ്ദുസ്സമദ് സമദാനിയും റെയില്‍വേ ബോര്‍ഡ് ചെയര്‍മാന്‍ വി.കെ. ത്രിപാഠിക്ക് നിവേദനം നല്‍കിയാണ് കാര്യം ശ്രദ്ധയില്‍പ്പെടുത്തിയത്.
ട്രെയിന്‍ അനുവദിച്ചപ്പോള്‍ സംസ്ഥാനത്തിന്റെ പ്രധാനപ്പെട്ടൊരു ഭാഗം തീര്‍ത്തും അവഗണിക്കപ്പെട്ടതില്‍ ജനങ്ങള്‍ക്കുള്ള പ്രയാസത്തെപ്പറ്റി അദ്ദേഹത്തോട് ചര്‍ച്ച ചെയ്തു. ഏതാനും വണ്ടികളെങ്കിലും ഉത്തരകേരളത്തിലേക്ക് അനുവദിക്കണമെന്ന് ആവശ്യപ്പെട്ടതായി നേതാക്കള്‍ അറിയച്ചു.