ന്യൂഡല്‍ഹി: സംഘപരിവാര്‍ സൈദ്ധാതികനായ സവര്‍ക്കറുടെ ജന്മദിനമായ മെയ് 28ന് ഉദ്ഘാടനം നിര്‍വഹിക്കാന്‍ പോകുന്ന പുതിയ പാര്‍ലമെന്റ് മന്ദിരത്തെ പരിഹസിച്ച് എഴുത്തുകാരനും മഹാത്മാഗാന്ധിയുടെ ഇളയമകനുമായ തുഷാര്‍ ഗാന്ധി.
മന്ദിരത്തിന് സവര്‍ക്കര്‍ സദനം എന്നും സെന്ററല്‍ ഹാളിന് മാപ്പ് മുറിയെന്നും പേരിടണമെന്നും അദ്ദേഹം ട്വീറ്റ് ചെയ്തു.
വി.ഡി സവര്‍ക്കറിന്റെ ജന്മദിനമായ മെയ് 28ന് പ്രധാനമന്ത്രി പുതിയ പാര്‍ലമെന്റ് മന്ദിരം ഉദ്ഘാടനം ചെയ്യും. മന്ദിരത്തിന് അദ്ദേഹം സവര്‍ക്കര്‍ സദനമെന്നും സെന്ററല്‍ ഹാളിന് മാപ്പ് മുറിയെന്നും പേരിടണമെന്നും തുഷാര്‍ ഗാന്ധി പറഞ്ഞു.
സവര്‍ക്കരുടെ ജന്മദിനത്തിന്റെ അന്ന് പാര്‍ലമെന്റ് മന്ദിരത്തിന്റെ ഉദ്ഘാടനം നടത്തുന്നത് വലിയ പ്രതിഷേധങ്ങള്‍ക്ക് വഴിവെച്ചിട്ടുണ്ട്. രാജ്യത്തിന്റെ സ്ഥാപക പിതാക്കന്‍മാരെ നാണം കെടുത്തുന്ന തീരുമാണിതെന്നാണ് കോണ്‍ഗ്രസ് ആരോപിച്ചു.
അതേ സമയം പാര്‍ലമെന്റ് മന്ദിരത്തിന്റെ ഉദ്ഘാടനം നരേന്ദ്ര മോദി നിര്‍വഹിക്കുന്നതിനെതിരെയും പ്രതിഷേധങ്ങള്‍ ഉയര്‍ന്നിട്ടുണ്ട്. പുതിയ പാര്‍ലമെന്റ് മന്ദിരം ഉദ്ഘാടനം ചെയ്യേണ്ടത് മോദിയല്ലെന്നും രാഷ്ട്രപതി ദ്രൗപതി മുര്‍മുവാണെന്നും കോണ്‍ഗ്രസ് നേതാവ് രാഹുല്‍ ഗാന്ധി ട്വീറ്റ് ചെയ്തിരുന്നു.