തമിഴ് സിനിമാ താരം വിജയുടെ രാഷ്ട്രീയ പ്രവേശനത്തിലേക്കുളള ചര്‍ച്ചകള്‍ ചൂടുപിടിക്കുന്നതിനിടയില്‍ ഗതാഗത നിയമം ലംഘിച്ചെന്ന പേരില്‍ താരത്തിനു പിഴ. 500 രൂപ പിഴയാണ് വിജയിക്ക് ലഭിച്ചിരിക്കുന്നത്. വിജയ് മക്കള്‍ ഇയക്കത്തിന്റെ ഭാരവാഹികളുമായി കൂടിക്കാഴ്ച നടത്തി മടങ്ങി വരുന്നതിനിടെയില്‍ രണ്ടിലധികം സ്ഥലത്ത് വച്ച് സിഗ്‌നല്‍ തെറ്റിച്ചതിനും ഗതാഗത നിയമം ലംഘിച്ചതിനുമാണ് പിഴ.
പനൈയൂരില്‍ നിന്ന് നീലാംഗരെയിലെ വസതിയിലേക്കെത്തിയ താരത്തിനെ വന്‍ വരവേല്‍പ്പോടെയാണ് ആരാധകര്‍ അനുഗമിച്ചിരുന്നത്. ഇതിനു ശേഷം പനൈയൂരിലെ ഗസ്റ്റ് ഹൗസിലെ കൂടിക്കാഴ്ചയ്ക്ക് ശേഷം സ്വന്തം വാഹനത്തില്‍ വീട്ടിലേക്ക് മടങ്ങുന്നതിനിടെയാണ് ഗതാഗത നിയമലംഘനം നടത്തിയത്. എന്നാല്‍ ആരാധകര്‍ പിന്നാലെ കൂടുകയായിരുന്നു. ഇതിനു പിന്നാലെയാണ് വിജയയുടെ െ്രെഡവര്‍ ചുവന്ന സിഗ്‌നല്‍ രണ്ടിലധികം സ്ഥലങ്ങളില്‍ തെറ്റിച്ചത്. സിഗ്‌നലുകളില്‍ വിജയ്യുടെ കാര്‍ നിര്‍ത്താതെ പോകുന്ന വീഡിയോകള്‍ സമൂഹമാധ്യമങ്ങളില്‍ വൈറലാവുകയും ചെയ്തിരുന്നു. ഇതിന് പിന്നാലെയാണ് താരത്തിന് ഗതാഗത നിയമലംഘനത്തിന് പിഴയിട്ടത്.