മൈസൂര്‍ രാജാവായിരുന്ന ടിപ്പു സുല്‍ത്താനെ വിമര്‍ശിച്ച് ബോളിവുഡ് ചിത്രം വരുന്നു. ടിപ്പു എന്നാണ് ചിത്രത്തിന്റെ പേര്. ചിത്രത്തിന്റെ ഏറ്റവും പുതിയ മോഷന്‍ പോസ്റ്റര്‍ അണിയറപ്രവര്‍ത്തകര്‍ പുറത്തുവിട്ടിട്ടുണ്ട്.
അതിഗുരുതരമായ ആരോപണങ്ങളാണ് മോഷന്‍ പോസ്റ്ററില്‍ ടിപ്പുവിനെതിരെ ഉന്നയിച്ചിരിക്കുന്നത്. ടിപ്പുവിന്റെ മുഖത്ത് കരിതേച്ച് വികൃതമാക്കിയ നിലയിലാണ് പോസ്റ്ററില്‍ ഉള്ളത്. ‘മതഭ്രാന്തനായ സുല്‍ത്താന്റെ കഥ’ എന്ന ടാഗിലാണ് ചിത്രം എത്തുന്നത്.
ഇറോസ് ഇന്റര്‍നാഷണലും രശ്മി ശര്‍മ്മ ഫിലിംസും ചേര്‍ന്നാണ് ചിത്രം അവതരിപ്പിക്കുന്നത്. ‘പി.എം നരേന്ദ്ര മോദി, ബാല്‍ ശിവജി’ എന്നീ ചിത്രങ്ങള്‍ നിര്‍മ്മിച്ച സന്ദീപ് സിങ്ങും ഒപ്പം രശ്മി ശര്ഡമ്മയും ചേര്‍ന്നാണ് ടിപ്പു നിര്‍മ്മിക്കുന്നത്. ഹിന്ദി, കന്നഡ, തമിഴ്, തെലുങ്ക്, മലയാളം എന്നീ ഭാഷകളില്‍ ചിത്രം റിലീസ് ചെയ്യുമെന്ന് അധികൃതര്‍ അറിയിച്ചു. അതേസമയം ചിത്രത്തിന്റെ മോഷന്‍ പോസ്റ്ററിനെതിരെ വിമര്‍ശനം ഉയരുന്നുണ്ട്.