അബുദാബി: ഇന്ത്യയിലെ ഒഡീഷ്യയിലുണ്ടായ തീവണ്ടി ദുരന്തത്തില്‍ ഇന്ത്യയുടെ ദു:ഖത്തില്‍ പങ്കുചേരുന്നതായി യുഎഇ.
യുഎഇ വിദേശകാര്യമന്ത്രാലയമാണ് ഇന്ത്യയുടെ ദു:ഖത്തില്‍ പങ്കുചേരുകയും അനുശോചനം അറിയിക്കുകയും ചെയ്തത്. യുഎഇയിലെ വാര്‍ത്താ മാധ്യമങ്ങള്‍ വന്‍പ്രാധാന്യത്തോടെയാണ് ദുരന്തവാര്‍ത്ത നല്‍കിയത്.
ഇന്ത്യയുമായി നൂറ്റാണ്ടുകളായി തുടരുന്ന സൗഹൃദവും പതിറ്റാണ്ടുകളായുള്ള നയതന്ത്രബന്ധവും ഈടുറ്റതാണ്. ഇന്ത്യയുടെ ദു:ഖത്തിലും സന്തോഷത്തിലും അറബ് സമൂഹം എന്നും ചേര്‍ന്നുനില്‍ക്കുന്നവരാണ്.