വടകര: ലോക്‌സഭ തിരഞ്ഞെടുപ്പില്‍ വടകര മണ്ഡലത്തില്‍ നിന്നും ജനവിധി തേടുന്ന സ്വതന്ത്ര സ്ഥാനാര്‍ഥി സി ഒ ടി നസീര്‍ പരസ്യ പ്രചരണം ആരംഭിച്ചു. വോട്ട് അഭ്യര്‍ത്ഥനയുമായി വടകരയിലെ ജനങ്ങള്‍ക്കിടയിലാണ് നസീര്‍ ഇന്നെത്തിയത്. തുടര്‍ന്ന് വടകരയിലെ സിദ്ധാശ്രമ സ്ഥാപനം സന്ദര്‍ശിച്ചു.
ദേശീയ പാതയിലെ ഗതാഗത കുരുക്കിനെ കുറിച്ചായിരുന്നു വടകരയിലെ ജനങ്ങളുടെ പ്രധാന പരാതി. അടിസ്ഥാന സൗകര്യങ്ങളുടെ വികസനത്തിലെ അപര്യാപ്തതയെ കുറിച്ച് കൊയിലാണ്ടിയിലെ ജനങ്ങളില്‍ നിന്നും നിരവധി പരാതി ലഭിച്ചു. പല ജനപ്രതിനിധികളും തിരിച്ചറിയാതെ പോയ ജനങ്ങളുടെ ആവശ്യങ്ങള്‍ നിറവേറ്റേണ്ടതുണ്ടെന്നും നസീര്‍ പ്രതികരിച്ചു. ജനഹിതമറിയാന്‍ വടകരയിലൂടെ സഞ്ചരിക്കുമ്പോള്‍ വര്‍ഗീയ രാഷ്ട്രീയ സാഹചര്യങ്ങളോടുള്ള ജനങ്ങളുടെ വെറുപ്പ് തിരിച്ചറിയാന്‍ കഴിഞ്ഞതായി നസീര്‍ കൂട്ടിച്ചേര്‍ത്തു.