ജോഹന്നാസ്ബര്‍ഗ്ഗ്: വനിതാ ടി-20 ക്രിക്കറ്റില്‍ ഇന്ന് അയല്‍ക്കാരുടെ തകര്‍പ്പനങ്കം. ഹര്‍മന്‍പ്രീത് കൗര്‍ നയിക്കുന്ന ഇന്ത്യ നദീം ദറിന്റെ പാക്കിസ്താനുമായി കളിക്കുന്നു. ഓസ്‌ട്രേലിയന്‍ ആധിപത്യത്തില്‍ നടക്കുന്ന ടി-20 ലോകകപ്പില്‍ ഇന്ത്യയുടെ ആദ്യ മല്‍സരമാണിത്. കേപ്ടൗണിലെ അങ്കം വൈകീട്ട് ആറ് മണിക്കാണ്.
നായിക ഹര്‍മനെ കൂടാതെ ഇന്ത്യന്‍ കരുത്ത് സ്മൃതി മന്ദാന, ഷഫാലി വര്‍മ തുടങ്ങിയവരാണ്. ബാറ്റിംഗില്‍ അനുവ സമ്പന്നയാണ് ഹര്‍മന്‍. സമീപകാല ക്രിക്കറ്റില്‍ വലിയ സ്‌ക്കോര്‍ നേടിയ ആത്മവിശ്വാസവും. പാക്കിസ്താനെ തകര്‍ക്കാനാവുമെന്നാണ് ഹര്‍മന്‍ ആത്മവിശ്വാസത്തോടെ പറഞ്ഞത്. ഇന്ത്യ കിരീടം സ്വന്തമാക്കിയ അണ്ടര്‍ 19 ലോകകപ്പില്‍ ടീമിനെ നയിച്ച ഷഫാലി വര്‍മയാണ് ഇന്നിംഗ്‌സിന് തുടക്കമിടുക. ബൗളിംഗില്‍ ദീപ്തി ശര്‍മ, ദേവിക വൈദ്യ എന്നിവരാണ് പ്രധാനികള്‍. പാക്കിസ്താന്‍ ബാറ്റിംഗില്‍ നിദ ദര്‍, മുനീബ അലി എന്നിവര്‍ അപകടകാരികളാണ്. ബൗളിംഗിലും നിദാ ദര്‍ കരുത്ത് തെളിയിച്ചിട്ടുണ്ട്.
വിജയത്തോടെ ചാമ്പ്യന്‍ഷിപ്പില്‍ അരങ്ങേറാന്‍ ഇന്ത്യ കൊതിക്കുമ്പോള്‍ വെരുതെ വിടില്ല എന്നതാണ് പാക്കിസ്താന്‍ ലൈന്‍. ഇന്നലെ നടന്ന മല്‍സരത്തില്‍ ഇംഗ്ലീഷ് വനിതകള്‍ ഏഴ് വിക്കറ്റിന് വിന്‍ഡീസ് വനിതകളെ തോല്‍പ്പിച്ചു.