ലോകകപ്പിലെ അവസാന ഗ്രൂപ്പ് മത്സരത്തിൽ ബംഗ്ലാദേശിനെതിരെ ഓസ്ട്രേലിയക്ക് ജയം

ലോകകപ്പിലെ അവസാന ഗ്രൂപ്പ് മത്സരത്തിൽ ബംഗ്ലാദേശിനെതിരെ ഓസ്ട്രേലിയക്ക് ജയം. 8 വിക്കറ്റിന് ബംഗ്ലാദേശിനെ തകർത്ത ഓസ്ട്രേലിയ പട്ടികയിൽ മൂന്നാം സ്ഥാനം ഉറപ്പിച്ചു. ബംഗ്ലാദേശ് മുന്നോട്ടുവച്ച 307 റൺസ് വിജയലക്ഷ്യം 44.4 ഓവറിൽ 2 വിക്കറ്റ് മാത്രം നഷ്ടപ്പെടുത്തി ഓസ്ട്രേലിയ മറികടന്നു. 132 പന്തിൽ 177 റൺസ് നേടി പുറത്താവാതെ മിച്ചൽ മാർഷാണ് ഓസീസിൻ്റെ വിജയശില്പി. മൂന്നാം സ്ഥാനത്ത് ഫിനിഷ് ചെയ്ത ഓസ്ട്രേലിയ രണ്ടാം സെമിയിൽ ഈ മാസം 16, വ്യാഴാഴ്ച ദക്ഷിണാഫ്രിക്കയെ നേരിടും. കൊൽക്കത്ത ഈഡൻ ഗാർഡൻസിലാണ് മത്സരം.