യുപിയില്‍ അമ്മയെ വഞ്ചിച്ചതിന് പിതാവിനെയും മുത്തശ്ശനെയും മകന്‍ വെട്ടിക്കൊലപ്പെടുത്തി. സെപ്റ്റംബര്‍ ഏഴിന് ഗ്രേറ്റര്‍ നോയിഡയിലെ ദന്‍കൂരിലാണ് ഇരട്ട കൊലപാതകം നടന്നത്. സംഭവത്തില്‍ ജാസ്മിന്‍ എന്ന യുവാവിനെ പൊലീസ് അറസ്റ്റ് ചെയ്തു.
നിര്‍മ്മാണം നടന്നുകൊണ്ടിരിക്കുന്ന ഒരു കെട്ടിടത്തില്‍ വെച്ചായിരുന്നു അച്ഛനെയും മുത്തച്ഛനെയും ഇയാള്‍ കൊലപ്പെടുത്തിയത്. അമ്മയുമായുള്ള പിതാവിന്റെ വഴക്കു കാരണം കുടുംബം വലിയ ബുദ്ധിമുട്ടിലായിരുന്നുവെന്ന് കൊലയാളി പറയുന്നു.
കൊല്ലാമെന്ന് ഉറപ്പിച്ചായിരുന്നു ഇയാള്‍ സെപ്റ്റംബര്‍ ഏഴിന് ഈ കെട്ടിടത്തില്‍ എത്തിയത്. എന്നിട്ട് ഉറങ്ങിക്കിടക്കുകയായിരുന്ന അച്ഛനെ വെട്ടിക്കൊലപ്പെടുത്തുകയായിരുന്നു. ഇത് കേട്ട് ഞെട്ടിയുണര്‍ന്ന മുത്തച്ഛനെയും കൊലപ്പെടുത്തി. കൊലപാതകിയെ മുത്തച്ഛന്‍ തിരിച്ചറിയുമെന്ന ഭയത്തിലായിരുന്നു മുത്തച്ഛനെ കൊലപ്പെടുത്തിയത്.