Connect with us

Culture

സഹകരണ ബാങ്കുകള്‍ സുപ്രീംകോടതിയിലേക്ക്

Published

on

അഞ്ഞൂറ്, ആയിരം രൂപ നോട്ടുകള്‍ മാറുന്നതിന് അനുമതി നല്‍കാത്ത റിസര്‍വ് ബാങ്ക് തീരുമാനത്തിന് എതിരെ സഹകരണബാങ്കുകള്‍ സുപ്രീംകോടതിയെ സമീപിക്കും. നോട്ടു പ്രതിസന്ധിയെ തുടര്‍ന്ന് സഹകരണമന്ത്രി വിളിച്ച ജില്ലാ സഹകരണ ബാങ്ക് പ്രസിഡന്റുമാരുടെയും ജനറല്‍ മാനേജര്‍മാരുടെയും യോഗത്തിലാണ് തീരുമാനം. ജില്ലാ സഹകരണ ബാങ്കുകള്‍ക്കും പ്രാഥമിക സര്‍വീസ് സഹകരണ ബാങ്കുകള്‍ക്കും നോട്ട് മാറി നല്‍കുന്നതിന് അനുമതി നിഷേധിച്ചതിനെയാണ് കോടതിയില്‍ ചോദ്യം ചെയ്യുക. സംസ്ഥാനത്തെ 14 ജില്ലാ സഹകരണ ബാങ്കുകളും ഒരുമിച്ചാകും സുപ്രീംകോടതിയില്‍ ഹര്‍ജി നല്‍കുക.

യോഗത്തില്‍ ബാങ്ക് പ്രതിനിധികള്‍ മുന്നോട്ടുവെച്ച നിര്‍ദ്ദേശങ്ങള്‍ക്ക് ധനകാര്യവകുപ്പിന്റേയും, സര്‍ക്കാരിന്റെയും പിന്തുണ യോഗത്തില്‍ പങ്കെടുത്ത ധനകാര്യമന്ത്രി തോമസ് ഐസക് വാഗ്ദാനം ചെയ്തു. ജില്ലാ സഹകരണ ബാങ്ക് വഴി പ്രാഥമിക സഹകരണ സംഘത്തിലെ ഇടപാടുകാര്‍ക്ക് ആവശ്യമായ പണം ലഭിക്കാനും, ഉപയോഗപ്പെടുത്താനും സാഹചര്യം ലഭിക്കുന്നതിനാല്‍ സംഘത്തിന്റെ അക്കൗണ്ടില്‍ നിന്നും മറ്റ് ബാങ്കുകളിലേക്ക് ആര്‍.ടി.ജി.എസ്, എന്‍.ഇ.എഫ്.ടി, ചെക്ക് ക്ലിയറിംഗ് എന്നിവ വഴി പണം മാറ്റുന്നത് പരമാവധി കുറക്കണമെന്നും യോഗം തീരുമാനിച്ചു. ഇത്തരത്തില്‍ ആവശ്യം വേണ്ടി വരുന്ന സാഹചര്യവും തുകയും ജില്ലാ ബാങ്കുമായി നേരിട്ട് ആലോചിച്ച് മാത്രം നടപ്പിലാക്കാന്‍ പ്രാഥമിക സംഘം പ്രത്യേകം കരുതലെടുക്കേണ്ടതാണ്. യോഗത്തില്‍ ഉയര്‍ന്നു വന്ന ബദല്‍ പദ്ധതികള്‍ ഫലപ്രദമായി നടപ്പിലാക്കാന്‍ ജില്ലാ തലങ്ങളില്‍ പ്രാഥമിക സഹകരണ സംഘങ്ങളുടെ യോഗം നവംബര്‍ 21 മുതല്‍ 23 വരെ ജില്ലാ ബാങ്ക് പ്രസിഡന്റും, സഹകരണ സംഘം ജോയിന്റ് റജിസ്ട്രാറും സംയുക്തമായി വിളിക്കണം.

ഇതുമായി ബന്ധപ്പെട്ട് വ്യപാരി വ്യവസായി പ്രതിനിധികളുടെ യോഗം വിളിക്കാനും ധാരണയായി. കേന്ദ്ര സര്‍ക്കാറിന്റെ പദ്ധതികളായ ജന്‍ധന്‍ യോജന, കര്‍ഷകര്‍ക്കുള്ള പലിശയിളവ് എന്നീ പദ്ധതികളുടെ ആനുകൂല്യം, വായ്പകള്‍ യഥാസമയം ഒടുക്കാന്‍ കഴിയാതെ വരുന്നത് മൂലം കര്‍ഷകര്‍ക്ക് ലഭ്യമാകാത്ത അവസ്ഥയുമുണ്ട്. ഇത് കാര്‍ഷിക മേഖലയെ പ്രതിസന്ധിയിലേക്ക് തള്ളിവിടുമെന്ന് ജില്ലാ ബാങ്ക് പ്രതിനിധികള്‍ അറിയിച്ചു. സഹകരണ ബാങ്കുകളുമായി ബന്ധപ്പെട്ട കേസ് കൈകാര്യം ചെയ്യാന്‍ സുപ്രീംകോടതിയിലെ മുതിര്‍ന്ന അഭിഭാഷകരുടെ സേവനം തേടിയിട്ടുണ്ടെന്ന് യോഗത്തില്‍ പങ്കെടുത്ത ജില്ലാ സഹകരണ ബാങ്ക് ഭാരവാഹികളും അറിയിച്ചു.

സഹകരണ ബാങ്കുകളില്‍ കള്ളപ്പണ നിക്ഷേപമുണ്ടെങ്കില്‍ കണ്ടത്തൊന്‍ ആവശ്യമായ നടപടികള്‍ ആദായ നികുതി വകുപ്പു സ്വീകരിക്കണമെന്നും ആദായ നികുതി വകുപ്പിന്റെ പരിശോധനയെ ഒരു തരത്തിലും തടസപ്പെടുത്താന്‍ ആരും തയാറായിട്ടില്ലെന്നും യോഗതീരുമാനങ്ങള്‍ വിശദീകരിച്ച സഹകരണമന്ത്രി എ.സി. മൊയ്തീന്‍ വാര്‍ത്താസമ്മേളനത്തില്‍ അറിയിച്ചു. യോഗത്തില്‍ സംസ്ഥാന സഹകരണ ബാങ്ക് എം.ഡി കെ.സി സഹദേവന്‍, കണ്‍സ്യൂമര്‍ഫെഡ് എം.ഡി ഡോ. എം രാമനുണ്ണി, സഹകരണ സംഘം രജിസ്ട്രാര്‍ എസ്.ലളിതാംബിക, സഹകരണ വകുപ്പ് സെക്രട്ടറിയുടെ ചുമതലയുള്ള റാണി ജോര്‍ജ്ജ് തുടങ്ങിയവര്‍ പങ്കെടുത്തു.

Continue Reading
Advertisement
Click to comment

Leave a Reply

Your email address will not be published. Required fields are marked *

Culture

IFFK 2022: സമകാലിക ജീവിത കാഴ്ചകളുമായി വനിതാ സംവിധായകരുടെ 32 ചിത്രങ്ങള്‍

ലോകമെങ്ങുമുള്ള സ്ത്രീകളുടെ സമകാലിക ജീവിതക്കാഴ്ചയുമായി രാജ്യാന്തര മേളയില്‍ വനിതാ സംവിധായകരുടെ 32 ചിത്രങ്ങള്‍.

Published

on

ലോകമെങ്ങുമുള്ള സ്ത്രീകളുടെ സമകാലിക ജീവിതക്കാഴ്ചയുമായി രാജ്യാന്തര മേളയില്‍ വനിതാ സംവിധായകരുടെ 32 ചിത്രങ്ങള്‍. അന്താരാഷ്ട്ര മത്സര വിഭാഗത്തിലെ ഉക്രൈന്‍ ചിത്രം ക്ലൊണ്ടൈക്കും വിയറ്റ്‌നാം ചിത്രം മെമ്മറിലാന്‍ഡും ഉള്‍പ്പടെ 17 രാജ്യങ്ങളിലെ വനിതകളുടെ ചിത്രങ്ങളാണ് മേളയില്‍ പ്രദര്‍ശിപ്പിക്കുന്നത് .

ലോക സിനിമ വിഭാഗത്തിലെ 25 ചിത്രങ്ങളും, 19(1)(മ) എന്ന ഇന്ദു വി എസ് ചിത്രം, ഫ്രീഡം ഫൈറ്റ് എന്ന ആന്തോളജിയുടെ ഭാഗമായ കുഞ്ഞില മാസിലാമണി ചിത്രം അസംഘടിതര്‍ എന്നീ രണ്ട് മലയാള ചിത്രങ്ങളും ഓറ്റര്‍ ഓട്‌സ് വിഭാഗത്തിലെ ബോത്ത് സൈഡ്‌സ് ഓഫ് ദി ബ്ലേഡ് /ഫയര്‍ ,കലെയ്‌ഡോസ്‌കോപ്പ് വിഭാഗത്തിലെ നന്ദിതാ ദാസ് ചിത്രം സ്വിഗാറ്റോ,ബേലാ താറിനൊപ്പം ആഗ്‌നസ് റെനസ്‌കി സംവിധാനം ചെയ്ത ദ ട്യൂറിന്‍ ഹോഴ്‌സ് ,വെര്‍ക്ക്മീസ്റ്റര്‍ ഹാര്‍മണീസ് തുടങ്ങിയ ചിത്രങ്ങളാണ് വനിതകള്‍ ഒരുക്കിയിരിക്കുന്നത് .

ഉക്രൈനിലെ സ്ത്രീകളുടെ ജീവിത യാഥാര്‍ഥ്യങ്ങളാണ് ലോക സിനിമാ വിഭാഗത്തില്‍ പ്രദര്‍ശിപ്പിക്കുന്ന മറീന എര്‍ ഗോര്‍ബച് ചിത്രം ക്ലൊണ്ടൈക്ക് പ്രമേയമാക്കുന്നത് . മിയ ഹാന്‍സെന്‍ ലു ചിത്രം വണ്‍ ഫൈന്‍ മോര്‍ണിംഗ് , മറിയം തുസാനിയുടെ ദ ബ്ലൂ കഫ്താന്‍, മാരീ ക്രോയ്ട്‌സാ ,കോസ്റ്റാറിക്കന്‍ സംവിധായിക വാലന്റ്റീന മൗരേല്‍, അല്ലി ഹാപസലോ, കാര്‍ല സിമോണ്‍ , ജൂലിയ മുറാദ്, തുടങ്ങിയവരുടെ ചിത്രങ്ങളും മേളയില്‍ പ്രദര്‍ശിപ്പിക്കും .

Continue Reading

Culture

സംസ്ഥാന സ്കൂള്‍ കായികോത്സവത്തിന് ശനിയാഴ്ച തുടക്കം

ഡിസംബര്‍ മൂന്ന് മുതല്‍ ആറുവരെ തിരുവനന്തപുരം ചന്ദ്രശേഖരന്‍ നായര്‍ സ്റ്റേഡിയം, യൂണിവേഴ്സിറ്റി സ്റ്റേഡിയം എന്നിവിടങ്ങളിലാണ് മേള

Published

on

64-ാമത് സംസ്ഥാന സ്കൂള്‍ കായികോത്സവത്തിന് നാളെ തിരുവനന്തപുരത്ത് തുടക്കം. ഡിസംബര്‍ മൂന്ന് മുതല്‍ ആറുവരെ തിരുവനന്തപുരം ചന്ദ്രശേഖരന്‍ നായര്‍ സ്റ്റേഡിയം, യൂണിവേഴ്സിറ്റി സ്റ്റേഡിയം എന്നിവിടങ്ങളിലാണ് മേള.86 വ്യക്തിഗത ഇനങ്ങളും രണ്ട് ക്രോസ് കണ്‍ട്രി മത്സരങ്ങളും 10 ടീം ഇനങ്ങളും ഉള്‍പ്പെടെ 98 ഇനങ്ങളിലാണ് മത്സരങ്ങള്‍ നടക്കുന്നത്.

സബ് ജൂനിയര്‍, ജൂനിയര്‍, സീനിയര്‍ കാറ്റഗറികളിലായി 2737 മത്സരാര്‍ഥികളാണ് പങ്കെടുക്കുന്നത്. ഇതില്‍ 1443 ആണ്‍കുട്ടികളും, 1294 പെണ്‍കുട്ടികളും ഉള്‍പ്പെടുന്നു. 350 ഓളം ഒഫിഷ്യല്‍സും മേളയില്‍ പങ്കെടുക്കും. സ്കൂള്‍ കായികമേളയുടെ മുഴുവന്‍ മത്സരക്രമവും ഫലങ്ങളും തത്സമയം ലഭിക്കുന്നതിനുള്ള ഓണ്‍ലൈന്‍ സംവിധാനം കൈറ്റ് സജ്ജമാക്കി.മത്സര വേദികളിലെ തത്സമയ ഫലവും, മീറ്റ് റിക്കാര്‍ഡുകളും www.sports.kite.kerala.gov.in എന്ന പോര്‍ട്ടലിലൂടെ ലഭിക്കും.

Continue Reading

Culture

അന്തരാഷ്ട്ര ഡോക്യുമെന്ററി ഫെസ്റ്റിവല്‍ എന്‍ട്രികള്‍ ഡിസംബര്‍ 31 വരെ സ്വീകരിക്കുന്നു

ഇരുപതു മിനുട്ടില്‍ താഴെ ദൈര്‍ഘ്യമുള്ള ഡോക്യുമെന്ററികളാണ് മത്സരത്തിനായി പരിഗണിക്കുക.

Published

on

അന്തരിച്ച ചലച്ചിത്രകാരന്‍ കെ. ആര്‍. മോഹനന്റെ സ്മരണക്കായി ഇന്‍സൈറ്റ് ദ് ക്രിയേറ്റീവ് ഗ്രൂപ് നടത്തിവരുന്ന കെ. ആര്‍. മോഹനന്‍ മെമ്മോറിയല്‍ ഇന്റര്‍നാഷണല്‍ ഡോക്യുമെന്ററി ഫെസ്റ്റിവലിന്റെ ആറാമത് എഡിഷന്‍ 2023 ഫെബ്രുവരി 19 നു ഞായറാഴ്ച പാലക്കാട് ലയണ്‍സ് സ്‌കൂളിലെ ഗോള്‍ഡന്‍ ജൂബിലി ഹാളില്‍ വച്ചു നടക്കും.

ഇരുപതു മിനുട്ടില്‍ താഴെ ദൈര്‍ഘ്യമുള്ള ഡോക്യുമെന്ററികളാണ് മത്സരത്തിനായി പരിഗണിക്കുക.

ഡോക്യുമെന്ററി/ചലച്ചിത്ര മേഖലയിലെ പ്രഗത്ഭര്‍ അടങ്ങുന്ന ജൂറി തിരഞ്ഞെടുക്കുന്ന ഡോക്യൂമെന്ററിക്കു പതിനായിരം രൂപയും ഫലകവും പ്രശസ്തിപത്രവും അടങ്ങുന്ന കെ. ആര്‍. മോഹനന്‍ മെമ്മോറിയല്‍ ഡോക്യുമെന്ററി അവാര്‍ഡ് സമ്മാനിക്കും. ‘മോഹനസ്മൃതി’ കെ. ആര്‍. മോഹനന്‍ അനുസ്മരണവും മേളയുടെ ഭാഗമായി നടക്കും.

മത്സര ഡോക്യൂമെന്ററികള്‍ ഡിസംബര്‍ 31 വരെ www.insightthecreativegroup.com എന്ന വെബ്സൈറ്റിലൂടെ സമര്‍പ്പിക്കാവുന്നതാണ്. കൂടുതല്‍ വിവരങ്ങള്‍ക്ക്: Phone 9446000373, 9496094153

 

Continue Reading

Trending