More
വാഗ്ദാനങ്ങള് നിറവേറ്റാന് 45 വര്ഷം വേണ്ടി വരുമോ: മോദിയോട് രാഹുല്

ഗുജറാത്ത് നിയമസഭാ തെരഞ്ഞെടുപ്പിന് ദിവസങ്ങള് മാത്രം ബാക്കി നില്ക്കെ മോദി സര്ക്കാരിനെതിരെ രൂക്ഷ പരിഹാസവുമായി കോണ്ഗ്രസ് ഉപാധ്യക്ഷന് രാഹുല് ഗാന്ധി. കഴിഞ്ഞ തെരഞ്ഞെടുപ്പ് കാലത്ത് ബിജെപി സര്ക്കാര് ഗുജറാത്തിലെ ജനങ്ങള്ക്ക് നല്കിയ വാഗ്ദാനങ്ങള് ഈ തെരഞ്ഞെടുപ്പ് കാലം വരെ പാലിക്കപ്പെട്ടില്ലെന്ന് രാഹുല് പരിഹസിച്ചു. ട്വിറ്ററിലൂടെയായിരുന്നു മോദിക്കെതിരെ രാഹുല് രംഗത്തെത്തിയത്.
2012ലെ നിയമസഭാ തെരഞ്ഞെടുപ്പ് കാലത്ത് ഗുജറാത്തിലെ പാവപ്പെട്ട ജനങ്ങള്ക്ക് 50 ലക്ഷം വീടുകള് നിര്മ്മിച്ചു നല്കുമെന്ന് ബിജെപി വാഗ്ദാനം ചെയ്തിരുന്നു. എന്നാല് കഴിഞ്ഞ അഞ്ച് വര്ഷം കൊണ്ട് വെറും 4.72 ലക്ഷം വീടുകള് മാത്രമാണ് നിര്മ്മിച്ചിട്ടുള്ളത്. ബാക്കിയുള്ളത് നിര്മ്മിക്കാന് ഇനിയും 45 വര്ഷം വേണ്ടി വരുമോ എന്ന് രാഹുല് പരിഹാസ രൂപേണ ചോദിച്ചു. 2012ലെ ഗുജറാത്ത് നിയമസഭാ തിരഞ്ഞെടുപ്പ് പ്രകടന പത്രികയില് പാവപ്പെട്ടവര്ക്ക് വേണ്ടി അമ്പത് ലക്ഷം വീടുകള് നിര്മ്മിച്ചു കൊടുക്കുമെന്ന് ബിജെപി വാഗ്ദാനം ചെയ്തിരുന്നു. അന്നത്തെ ഗുജറാത്ത് മുഖ്യമന്ത്രിയായ നരേന്ദ്രമോദിയായിരുന്നു പ്രകടന പത്രിക പുറത്തിറക്കിയത്. ഇത് പരാമര്ശിച്ചു കൊണ്ടായിരുന്നു രാഹുലിന്റെ പരിഹാസം.
22 വര്ഷമായി ബി.ജെ. പി ഭരിക്കുന്ന ഗുജറാത്തില് ജനങ്ങള് ഇപ്പോള് തേടുന്നത് പല ചോദ്യങ്ങള്ക്കുമുള്ള ഉത്തരമാണെന്നും അദ്ദേഹം പറഞ്ഞു. അഭിനയത്തിന്റെ കാര്യത്തില് നരേന്ദ്ര മോദി അമിതാഭ് ബച്ചനെക്കാളും മികച്ചയാളാണെന്ന് സാവര് കുന്ദ്ലയില് തെരഞ്ഞെടുപ്പ് റാലിയെ അഭിസംബോധന ചെയ്യവെ രാഹുല് ആരോപിച്ചു. കരയാന് അദ്ദേഹത്തിന് പ്രത്യേകിച്ച് കോണ്ടാക്ട് ലെന്സൊന്നും വേണ്ട. വരും ദിനങ്ങളില് ഇനിയും അദ്ദേഹം വൈകാരികമായി പ്രതികരിക്കുമെന്നും രാഹുല് പറഞ്ഞു. അധികാരത്തിലെത്തി 15 ദിവസത്തിനകം കര്ഷകരുടെ വായ്പ എഴുതിത്തള്ളുമെന്നായിരുന്നു മോദി പറഞ്ഞിരുന്നത്. പക്ഷേ പകരം വന് വ്യവസായികളുടെ വായ്പകള് എഴുതിത്തള്ളിയിരിക്കുന്നു.
Education
യു.ജി.സി നെറ്റ് 2025 പരീക്ഷ ഫലം ഉടന് പ്രസിദ്ധീകരിക്കും
നാഷനല് ടെസ്റ്റിങ് ഏജന്സി (എന്.ടി.എ) 2025 ജൂണില് നടത്തിയ യു.ജി.സി നെറ്റ് പരീക്ഷാഫലം ഉടന് പ്രസിദ്ധീകരിക്കും.

നാഷനല് ടെസ്റ്റിങ് ഏജന്സി (എന്.ടി.എ) 2025 ജൂണില് നടത്തിയ യു.ജി.സി നെറ്റ് പരീക്ഷാഫലം ഉടന് പ്രസിദ്ധീകരിക്കും. പരീക്ഷ നടത്തി 33 മുതല് 42 ദിവസത്തിനകം ഫലം പ്രസിദ്ധീകരിക്കുന്ന രീതിയിലായിരുന്നു കഴിഞ്ഞ വര്ഷം. ഇത് കണക്കിലെടുത്താല് ഈ വര്ഷം ആഗസ്റ്റ് ഒന്നിനോ ആഗസ്റ്റ് 10നോ യു.ജി.സി നെറ്റ് ഫലം പുറത്തുവരുമെന്നാണ് ലഭിക്കുന്ന സൂചന. ഈ പറഞ്ഞ തീയതികള്ക്കകം ഉറപ്പായും യു.ജി.സി നെറ്റ് പരീക്ഷ ഫലം അറിയാന് സാധിക്കും. പരീക്ഷ എഴുതിയവര്ക്ക് ugcnet.nta.ac.in എന്ന വെബ്സൈറ്റില് കയറി പരിശോധിക്കാവുന്നതാണ്.
ഫലം എങ്ങനെ പരിശോധിക്കാം?
സൈറ്റില് കയറി യു.ജി.സി നെറ്റ് റിസല്റ്റ് 2025 എന്ന ലിങ്കില് ക്ലിക്ക് ചെയ്യുക. അതിനു ശേഷം ലോഗിന് വിവരങ്ങള് നല്കുക. അപ്പോള് ഫലം സ്ക്രീനില് കാണാന് സാധിക്കും. പിന്നീട് മാര്ക്ക് ഷീറ്റിന്റെ പി.ഡി.എഫ് ഡൗണ്ലോഡ് ചെയ്ത് എടുക്കാം.
News
കോപ്പികാറ്റുകള്ക്ക് പണമില്ല: ഒരു കോടി ഫേസ്ബുക്ക് അക്കൗണ്ടുകള് നീക്കം ചെയ്ത് മെറ്റ
ഫേസ്ബുക്കും യൂട്യൂബും പോലുള്ള പ്രധാന പ്ലാറ്റ്ഫോമുകള് കര്ശനമായ ഉള്ളടക്ക നയങ്ങള് നടപ്പിലാക്കാനുള്ള ശ്രമങ്ങള് ശക്തമാക്കുന്നതിനാല് ഡിജിറ്റല് ഉള്ളടക്ക സ്രഷ്ടാക്കള് പുതിയ തടസ്സങ്ങള് നേരിടുകയാണ്.

ഫേസ്ബുക്കും യൂട്യൂബും പോലുള്ള പ്രധാന പ്ലാറ്റ്ഫോമുകള് കര്ശനമായ ഉള്ളടക്ക നയങ്ങള് നടപ്പിലാക്കാനുള്ള ശ്രമങ്ങള് ശക്തമാക്കുന്നതിനാല് ഡിജിറ്റല് ഉള്ളടക്ക സ്രഷ്ടാക്കള് പുതിയ തടസ്സങ്ങള് നേരിടുകയാണ്. ലോകമെമ്പാടുമുള്ള ദശലക്ഷക്കണക്കിന് ആളുകള് വരുമാനത്തിനായി ഈ പ്ലാറ്റ്ഫോമുകളെ ആശ്രയിക്കുന്നതിനാല്, പ്രത്യേകിച്ച് വീഡിയോ ഉള്ളടക്കത്തിലൂടെ, ഒറിജിനല് മെറ്റീരിയല് അപ്ലോഡ് ചെയ്യുന്നതില് പരാജയപ്പെടുന്ന ഉപയോക്താക്കളെയാണ് അടിച്ചമര്ത്തല് ലക്ഷ്യമിടുന്നത്. ഇത് നിരവധി സ്രഷ്ടാക്കളുടെ വരുമാനത്തെ സാരമായി ബാധിച്ചേക്കാം.
ഉള്ളടക്കം പകര്ത്തി ഒട്ടിക്കുന്നതായി കണ്ടെത്തിയ അക്കൗണ്ടുകള്ക്കെതിരെ മെറ്റ കര്ശന നടപടി പ്രഖ്യാപിച്ചു. ഉള്ളടക്ക മോഷണത്തെ ചെറുക്കാനുള്ള പ്രതിബദ്ധതയ്ക്ക് അടിവരയിടുന്നതാണ് മെറ്റയുടെ ഏറ്റവും പുതിയ പ്രഖ്യാപനം. മറ്റ് സ്രഷ്ടാക്കളില് നിന്നുള്ള ടെക്സ്റ്റോ ഫോട്ടോകളോ വീഡിയോകളോ തുടര്ച്ചയായി പകര്ത്തുന്ന ഉപയോക്താക്കള്ക്ക് അവരുടെ അക്കൗണ്ടുകള് അടയ്ക്കാനും ധനസമ്പാദനം നിര്ത്താനും സാധ്യതയുണ്ട്. ഇവയുടെ റീച്ചും ഗണ്യമായി കുറയും. ഈ നടപടികള്ക്ക് അനുസൃതമായി, പ്രമുഖ ഉള്ളടക്ക സ്രഷ്ടാക്കളില് നിന്ന് പോസ്റ്റുകള് പകര്ത്തുന്നതായി കണ്ടെത്തിയ 1 കോടി പ്രൊഫൈലുകള് Meta ഇതിനകം നീക്കം ചെയ്തിട്ടുണ്ട്.
സ്പാമുമായി ബന്ധിപ്പിച്ച 5 ലക്ഷം അക്കൗണ്ടുകളും മെറ്റാ അടച്ചുപൂട്ടി. യഥാര്ത്ഥ ഉള്ളടക്കം ഇല്ലെങ്കിലും പണം സമ്പാദിക്കുന്ന വ്യാജ പോസ്റ്റുകള് കണ്ടെത്താനുള്ള ശ്രമത്തിലാണ് കമ്പനി.
അദ്വിതീയമായ ഉള്ളടക്കം സൃഷ്ടിക്കാതെ ഉപയോക്താക്കളെ ലാഭത്തില് നിന്ന് പിന്തിരിപ്പിക്കാന്, കോപ്പി-പേസ്റ്റിംഗില് ഏര്പ്പെടുന്നവരില് നിന്നുള്ള കമന്റുകളുടെ ദൃശ്യപരതയും മെറ്റ കുറയ്ക്കുന്നു. ഈ സമീപനം അവരുടെ ധനസമ്പാദന അവസരങ്ങള് തടയാന് ലക്ഷ്യമിടുന്നു. ഈ പ്രവര്ത്തനങ്ങള് YouTube-ന്റെ സമീപകാല നീക്കങ്ങളെ പ്രതിഫലിപ്പിക്കുന്നു, അത് ആവര്ത്തിച്ചുള്ളതും AI- ജനറേറ്റുചെയ്തതുമായ വീഡിയോകള് അതിന്റെ പ്ലാറ്റ്ഫോമില് നിന്ന് നീക്കം ചെയ്യാന് തുടങ്ങി.
kerala
എഴുത്തുകാരി വിനീത കുട്ടഞ്ചേരി തൂങ്ങി മരിച്ച നിലയില്

തൃശൂര്: എഴുത്തുകാരിയും സോഷ്യല് മീഡിയ ഇന്ഫ്ളുവന്സറുമായ വിനീത കുട്ടഞ്ചേരി (44) അന്തരിച്ചു. തൃശൂര് എരുമപ്പെട്ടി സ്വദേശിനിയാണ്. ഇന്നലെ രാത്രി 7.30 ഓടെ വീട്ടില് തൂങ്ങി മരിച്ച നിലയില് കണ്ടെത്തുകയായിരുന്നു.
ഭാരതീയ ദലിത് സാഹിത്യ അക്കാദമിയുടെ മലയാള സാഹിത്യത്തിനുള്ള 2019 ലെ അവാര്ഡ് ജേതാവാണ്. ജൂലൈ 13 ന് ആയിരുന്നു വിനീതയുടെ ‘വിന്സെന്റ് വാന്ഗോഗിന്റെ വേനല്പക്ഷി’ എന്ന പുസ്തകം മന്ത്രി ആര് ബിന്ദു പ്രകാശനം ചെയ്തത്.
തൃശൂര് പ്രസ്സ്ക്ലബില് വച്ചായിരുന്നു പ്രകാശനം. ഭര്ത്താവ് മണിത്തറ കാങ്കില് രാജു. ‘നിനക്കായ്…’ എന്ന ഗാനത്തിന്റെ സംഗീത സംവിധായക എന്ന നിലയിലും അവര് പ്രശസ്തി നേടിയിട്ടുണ്ട്.
-
kerala2 days ago
എഴുത്തുകാരി വിനീത കുട്ടഞ്ചേരി തൂങ്ങി മരിച്ച നിലയില്
-
india2 days ago
നിമിഷപ്രിയ കേസ്; ‘വിഷയത്തില് ഇടപെട്ടത് ഒരു മനുഷ്യന് എന്ന നിലക്ക്’: കാന്തപുരം
-
Film3 days ago
സ്റ്റണ്ട് മാസ്റ്റര് എസ്. എം രാജുവിന്റെ മരണം: സംവിധായകന് പാ രഞ്ജിത്തിനെതിരെ കേസ്
-
Film2 days ago
സുരേഷ് ഗോപി ചിത്രം “ജെ എസ് കെ- ജാനകി വി vs സ്റ്റേറ്റ് ഓഫ് കേരള” ട്രെയ്ലർ പുറത്ത്; റിലീസ് ജൂലൈ 17ന്
-
kerala2 days ago
നിപ; സംസ്ഥാനത്ത് 675 പേര് സമ്പര്ക്ക പട്ടികയില്
-
More3 days ago
ലോകത്തിലെ പ്രായം കുറഞ്ഞ തടവുകാരൻ; ഫലസ്തീൻ ബാലന് യൂസുഫ് അൽ സാഖ് ഇസ്രായേൽ വ്യോമാക്രമണത്തിൽ കൊല്ലപ്പെട്ടു
-
News2 days ago
കോപ്പികാറ്റുകള്ക്ക് പണമില്ല: ഒരു കോടി ഫേസ്ബുക്ക് അക്കൗണ്ടുകള് നീക്കം ചെയ്ത് മെറ്റ
-
india2 days ago
കോളേജില് വിദ്യാര്ത്ഥിനിയെ പീഡിപ്പിച്ചു; ബെംഗളൂരുവില് 2 അധ്യാപകരടക്കം 3 പേര് അറസ്റ്റില്