സംസ്ഥാനത്ത് 54 പേര്‍ക്ക് കൂടി ഒമിക്രോണ്‍ റിപ്പോര്‍ട്ട് ചെയ്തതായി ആരോഗ്യ വകുപ്പ് അറിയിച്ചു. എറണാകുളം (12), കോഴിക്കോട് (10), മലപ്പുറം (7), തൃശൂര്‍ (6), കോട്ടയം (5) എന്നി ജില്ലകളിലാണ് ഏറ്റവുമധികം കേസുകള്‍ സ്ഥിരീകരിച്ചത്. തിരുവനന്തപുരം, പാലക്കാട് 3 വീതവും കൊല്ലം, ആലപ്പുഴ 2 വീതവും ഒമിക്രോണ്‍ റിപ്പോര്‍ട്ട് ചെയ്തു. വയനാട്, കണ്ണൂര്‍ ഒന്ന് വീതവുമുണ്ട്. ഹൈ റിസ്‌ക് രാജ്യങ്ങളില്‍ നിന്ന് 6 പേരും ലോ റിസ്‌ക് രാജ്യങ്ങളില്‍ നിന്ന് 33 പേരുമാണ് എത്തിയത്. 5 പേര്‍ മറ്റു സംസ്ഥാനങ്ങളില്‍ നിന്ന് എത്തിയതാണ്. കേരളത്തില്‍ ഇതുവരെ 645 പേര്‍ക്കാണ് ഒമിക്രോണ്‍ ബാധിച്ചത്.