അഞ്ചാംതലമുറ ടെലികോം സ്‌പെക്ട്രം സേവനങ്ങള്‍ക്ക് രാജ്യത്ത് ഔദ്യോഗിക തുടക്കം. 5ജി സേവനങ്ങള്‍ക്ക് പ്രധാനമന്ത്രി നരേന്ദ്രമോദി തുടക്കം കുറിച്ചു. ഡല്‍ഹിയില്‍ ഇന്ത്യന്‍ മൊബൈല്‍ കോണ്‍ഗ്രസ് 2022ന്റെ ആറാം പതിപ്പിലാണ് പ്രധാനമന്ത്രി 5 ജി സേവനങ്ങളുടെ ഉദ്ഘാടനം നിര്‍വഹിച്ചത്.റിലയന്‍സ് ജിയോ, എയര്‍ടെല്‍, വോഡോഫോണ്‍- ഐഡിയ കമ്പനി മേധാവികളും ചടങ്ങില്‍ സംബന്ധിച്ചു.
13 ഇന്ത്യന്‍ നഗരങ്ങളിലാകും ആദ്യഘട്ടത്തില്‍ സേവനം ലഭ്യമാകുക. ഡല്‍ഹി, മുംബൈ, ചെന്നൈ, കൊല്‍ക്കത്ത തുടങ്ങിയ നഗരങ്ങളിലായിരിക്കും ആദ്യഘട്ടത്തില്‍ 5ജി സേവനങ്ങള്‍ ലഭ്യമാകുക. കേരളത്തില്‍ അടുത്ത വര്‍ഷമേ 5ജി സേവനം ലഭ്യമാകൂ.