അല് അഖ്സ പള്ളിയിലേക്ക് മുസ്ലിംകള്ക്കുള്ള പ്രവേശനം തടഞ്ഞ് ഇസ്രായേല് പൊലീസ്. ആരും പ്രതീക്ഷിക്കാതെ പൊലീസെത്തി പള്ളിയുടെ മുഴുവന് ഗേറ്റുകളും പൂട്ടുകയായിരുന്നുവെന്ന് മുസ്ലിം വഖഫ് ഡിപ്പാര്ട്ട്മെന്റ് അറിയിച്ചു.
പള്ളിയിലേക്ക് ഏതൊരു പ്രായത്തിലുമുള്ള വിശ്വാസികള്ക്കും പ്രവേശനം നിഷേധിച്ചാതായാണ് അന്താരാസ്ട്ര മാധ്യമങ്ങള് റിപ്പോര്ട്ട് ചെയ്യുന്നത്. ഇന്ന് രാവിലെ മുതല് ഇസ്രായേല് പൊലീസ് പള്ളിയിലേക്കുള്ള പ്രവേശനത്തില് നിയന്ത്രണം ഏര്പ്പെടുത്തിയിരുന്നു എങ്കിലും പ്രായമായവര്ക്ക് പള്ളിയില് പ്രവേശനം അനുവദിച്ചിരുന്നു.
എന്നാല്, അപ്രതീക്ഷിതമായി മുഴുവന് വിശ്വാസികളുടേയും പള്ളിയിലേക്കുള്ള പ്രവേശനം തടയുകയായിരുന്നു. അതേസമയം, ജൂത വിശ്വാസികളെ പള്ളി കോമ്പോണ്ടിലേക്ക് പ്രവേശിക്കുന്നുണ്ട്. അവര്ക്ക് ആചാരങ്ങള് സ്വതന്ത്രമായി നടത്താനുള്ള അനുവാദവും നല്കുന്നുണ്ടെന്നാണ് അറിയാന് സാധിക്കുന്നത്.