ന്യൂയോര്‍ക്ക്: മാഞ്ചസ്റ്റര്‍ യുണൈറ്റഡിന്റെ മുന്‍ ഇതിഹാസ താരം വെയ്ന്‍ റൂണിയെ അമേരിക്കന്‍ ക്ലബായ ഡി.സി യുണൈറ്റഡ് പരിശീലക സ്ഥാനത്ത് നിന്നു നീക്കി. ഡി.സി യുണൈറ്റഡ് പ്ലേ ഓഫ് യോഗ്യത നേടില്ല എന്ന് ഉറപ്പായതോടെയാണ് റൂണിയും ക്ലബുമായി പിരിഞ്ഞത്. കഴിഞ്ഞ വര്‍ഷമായിരുന്നു റൂണി ഡി.സി യുണൈറ്റഡില്‍ പരിശീലകനായി എത്തിയത്.
ഈ സീസണില്‍ ഡി.സി യുണൈറ്റഡ് 34 മത്സരങ്ങളില്‍ 40 പോയിന്റ് ആണ് ക്ലബ് നേടിയത്. റൂണി നേരത്തെ 2018ല്‍ ഡി.സി യുണൈറ്റഡില്‍ കളിക്കാരനായി എത്തിയിരുന്നു. അന്ന് ഡി.സി യുണൈറ്റഡ് ആരാധകരുടെ പ്രിയ താരമായി മാറാന്‍ വെയ്ന്‍ റൂണിക്കായിരുന്നു. എന്നാല്‍ പരിശീലകനായി അതേ പ്രകടനം ആവര്‍ത്തിക്കാന്‍ റൂണിക്ക് ആയിട്ടില്ല. ഇതിനു മുമ്പ് ഇംഗ്ലീഷ് ക്ലബായ ഡര്‍ബി കൗണ്ടിയുടെ പരിശീലകനായിരുന്നു റൂണി.