പിതൃതുല്യനായിരുന്നു തനിക്ക് ഉമ്മന്‍ ചാണ്ടിയെന്ന് മുസ്‌ലിം ലീഗ് നേതാവും മുന്‍ മന്ത്രിയുമായ എം കെ മുനീര്‍. ഉമ്മന്‍ ചാണ്ടി തനിക്ക് ഭരണപരമായ തീരുമാനങ്ങള്‍ എടുക്കുന്നതിന് ഒരു മാതൃകയായിരുന്നു. ജനങ്ങള്‍ നേരിട്ട് കൊടുക്കുന്ന പരാതികളില്‍ കാല താമസമില്ലാതെ തീരുമാനമെടുക്കാന്‍ എപ്പോഴും ശ്രദ്ധിച്ചിരുന്നുവെന്നും ഉമ്മന്‍ ചാണ്ടിയെ കുറിച്ച് എം കെ മുനീര്‍ ഓര്‍മ്മിച്ചു. സ്വന്തം കുടുംബത്തില്‍ നിന്നാരോ നഷ്ടപ്പെട്ടതു പോലൊരു തോന്നലാണ്. അദ്ദേഹത്തിന്റെ വിയോഗം ഞങ്ങള്‍ക്കൊന്നും ആലോചിക്കാന്‍ പോലും സാധിക്കുന്നതല്ല. കേരള രാഷ്ട്രീയത്തിന്, കേരള സമൂഹത്തിന് ഒരു തീരാ നഷ്ടമാണ് ഉമ്മന്‍ ചാണ്ടിയുടെ വേര്‍പാട്. എം.കെ മുനീര്‍ മാധ്യമങ്ങളോടു പറഞ്ഞു.