കഴിഞ്ഞ 12 മുതല്‍ 16 വരെ ചേര്‍ന്ന സിറോ മലബാര്‍ സഭ സിനഡിന് നല്‍കിയ കുറിപ്പില്‍ എറണാകുളം-അങ്കമാലി അതിരൂപത വൈദികര്‍ക്കും സംഘടനകള്‍ക്കുമെതിരെ ഗുരുതര ആരോപണങ്ങള്‍. വൈദിക,
അല്‍മായസംഘടനകള്‍ക്ക് തീവ്രവാദി-സഭാവിരുദ്ധ സംഘടനകളുമായി ബന്ധം, വൈദികര്‍ക്ക് അച്ചടക്കമില്ല, കര്‍ദിനാളിനും സഭയ്ക്കുമെതിരെ നിരന്തര പ്രചാരണം തുടങ്ങിയ ആരോപണങ്ങള്‍ നിരത്തിയിട്ടുണ്ട്.
ആര്‍ച്ച് ബിഷപ്പ് ആന്റണി കരിയിലിനെ ബ്ലാക്‌മെയില്‍ ചെയ്ത് രേഖകള്‍ ഒപ്പിടുവിച്ചു എന്നതാണ് മറ്റൊരു ആരോപണം. അതിരൂപത ചുമതലയില്‍ നിന്ന് ആര്‍ച് ബിഷപ് മാര്‍ ആന്‍ഡ്രൂസ് താഴത്ത് ഒഴിയാന്‍ സന്നദ്ധത അറിയിച്ചുവെന്നും കുറിപ്പിലുണ്ട്. അതിരൂപത വിഭജിക്കുന്നതടക്കം വിവിധ നിര്‍ദേശങ്ങള്‍ അടങ്ങിയ കുറിപ്പ് പകര്‍പ്പ് കണ്ടെത്തി.