കോണ്‍ഗ്രസ് എം പി രാഹുല്‍ ഗാന്ധി പാര്‍ലമെന്റില്‍ ‘ഫ്‌ളൈയിങ് കിസ്’ നല്‍കിയെന്ന ആരോപണത്തില്‍ പ്രതികരിച്ച് ബിജെപി എം പി ഹേമ മാലിനി. കേന്ദ്ര മന്ത്രി സ്മൃതി ഇറാനിയും ബിജെപി നേതാക്കളും ആരോപിക്കുന്നത് പോലെ രാഹുല്‍ ഫ്‌ളൈയിങ് കിസ് ചെയ്യുന്നത് താന്‍ കണ്ടിട്ടില്ലെന്ന് ഹേമ മാലിനി പ്രതികരിച്ചു.
അവിശ്വാസ പമേയത്തില്‍ നടത്തിയ പ്രസംഗത്തിന് ശേഷം സഭയില്‍ നിന്നിറങ്ങവെ വനിതാ ബിജെപി അംഗങ്ങളെ നോക്കി രാഹുല്‍ ഫ്‌ളൈയിങ് കിസ് നല്‍കി എന്നാണ് കേന്ദ്രമന്ത്രി സ്മൃതി ഇറാനിയുടെ ആരോപണം.
‘എനിക്കറിയില്ല. ഞാനത് കണ്ടിട്ടുമില്ല’ എന്നായിരുന്നു ഹേമ മാലിനി പ്രതികരിച്ചത്. എന്നാല്‍ സംഭവത്തില്‍ സ്പീക്കര്‍ക്ക് പരാതി നല്‍കിയ എംപിമാരുടെ കൂട്ടത്തില്‍ ഹേമ മാലിനിയുടെ പേരും ഉണ്ട്. ഫ്‌ളൈയിങ് കിസ് ആരോപണത്തില്‍ ബിജെപി വനിതാ എംപിമാര്‍ ലോക്‌സഭാ സ്പീക്കര്‍ ഓം ബിര്‍ലയ്ക്ക് പരാതി നല്‍കിയിട്ടുണ്ട്. മന്ത്രി ശോഭ കരന്ദ്‌ലജയുടെ നേതൃത്വത്തിലുള്ള സംഘമാണ് സ്പീക്കറെ കണ്ടത്.