വന്ദേഭാരത് ട്രെയിനില്‍ യാത്രക്കാരുടെ എണ്ണം കുറയുന്ന സാഹചര്യത്തില്‍ ഹ്രസ്വദൂര യാത്രയ്ക്കുള്ള ടിക്കറ്റിന്റെ നിരക്ക് കുറയ്ക്കാന്‍ തയ്യാറായി റെയില്‍വേ. ഇന്‍ഡോര്‍-ഭോപ്പാല്‍, ഭോപ്പാല്‍-ജബല്‍പൂര്‍, നാഗ്പൂര്‍- ബിലാസ്പുര്‍ തുടങ്ങിയ ചില റൂട്ടുകളില്‍ യാത്രക്കാര്‍ വളരെ കുറവാണെന്ന് കണ്ടെത്തിയതിനെ തുടര്‍ന്നാണ് പുതിയ തീരുമാനം.
ടിക്കറ്റ് നിരക്ക് കുറയ്ക്കുന്നത് വഴി ഈ റൂട്ടുകളില്‍ കൂടുതല്‍ യാത്രക്കാരെ ലഭിക്കുമെന്നാണ് വിലയിരുത്തുന്നത്. അതേസമയം ചുരുക്കം ചില റൂട്ടുകള്‍ ഒഴിച്ച് വന്ദേഭാരത് എക്‌സ്പ്രസ് സര്‍വീസ് നടത്തുന്ന റൂട്ടുകളിലെല്ലാം നല്ല തിരക്കുണ്ടെന്നാണ് റെയില്‍വേയുടെ കണ്ടെത്തല്‍.