Connect with us

gulf

ഷാര്‍ജ, അജ്മാന്‍, റാസല്‍ഖൈമ എന്നിവിടങ്ങളില്‍ ട്രാഫിക് പിഴകള്‍ക്ക് 50 ശതമാനം ഇളവ്

യുഎഇ ദേശീയദിനാഘോഷത്തോടനുബന്ധിച്ചു ഇതര എമിറേറ്റുകളിലും ഇളവ് പ്രഖ്യാപിക്കാന്‍ സാധ്യത.

Published

on

റസാഖ് ഒരുമനയൂര്‍

അബുദാബി: ഷാര്‍ജ, അജ്മാന്‍ റാസല്‍ഖൈമ എന്നീ എമിറേറ്റുകളില്‍ ട്രാഫിക് പിഴകള്‍ക്ക് 50 ശതമാനം ഇളവ് പ്രഖ്യാപിച്ചു. ഷാര്‍ജയിലും അജ്മാനിലും ഈ മാസം 21 മുതല്‍ ജനുവരി ആറുവരെയാണ് ഇളവ് ലഭ്യമാവുകയെന്ന് ഷാര്‍ജ, അജ്മാന്‍ പൊലീസ് അറിയിപ്പില്‍ വ്യക്തമാക്കി. അജ്മാനില്‍ 2022 നവംബര്‍ 11ന് മുമ്പുള്ള ഗതാഗത പിഴകള്‍ക്കാണ് ഇളവ് അനുവദിച്ചിട്ടുള്ളത്.

റാസല്‍ഖൈമയിലും ഗതാഗത പിഴകള്‍ നേര്‍പകുതിയാക്കി കുറച്ചിട്ടുണ്ട്. നിശ്ചിത സമയത്തിനകം അടക്കുന്നവര്‍ക്കാണ് ഇളവ് ലഭിക്കുക. പിഴകള്‍ക്ക് ഇളവ് പ്രഖ്യാപനം പ്രവാസികള്‍ക്ക് ഏറെ ആശ്വാസം പകരുകതന്നെ ചെയ്യും. അതേസമയം അപകടകരമായ വിധത്തില്‍ വാഹനമോടിച്ചവര്‍ക്ക് ചുമത്തിയ പിഴകള്‍ക്ക് ഇളവ് ലഭിക്കുകയില്ലെന്ന് ഷാര്‍ജ പൊലീസ് വ്യക്തമാക്കി. ചുവപ്പ് ട്രാഫിക് സിഗ്‌നലുകള്‍ മറികടന്നവര്‍, നിശ്ചിത വേഗതക്കപ്പുറം വാഹനമോടിച്ചവര്‍, വാഹനങ്ങളില്‍ അനധികൃത മാറ്റങ്ങള്‍ വരുത്തിയവര്‍, നിരോധിത മേഖലകളില്‍ വലിയ വാഹനങ്ങള്‍ ഓവര്‍ടേക്ക് ചെയ്തവര്‍ തുടങ്ങിയവര്‍ക്കും ഷാര്‍ജയില്‍ പിഴയില്‍ ഇളവ് ഉണ്ടായിരിക്കുന്നതല്ല.

gulf

ഭൂകമ്പത്തിനിടെ ജയില്‍ചാട്ടം, ഐ.എസ്സുകാര്‍ക്ക് ഇതും തുണ

ജയിലിന്റെ മതിലുകളും വാതിലുകളും കേടുവന്നിട്ടുണ്ട്.

Published

on

സിറിയയിലെയുംതുര്‍ക്കിയിലെയും ഭൂകമ്പത്തില്‍ ജനം വിങ്ങുമ്പോള്‍ ഐ.എസ് തടവുകാര്‍ ജയില്‍ചാടി. കിട്ടിയ തക്കത്തിന് 20 പേരാണ് തടവുചാടിയത.് സിറിയയിലെ റജോയിലാണ ്‌സംഭവം. തടവുകാര്‍തമ്മില്‍ ഇതിനിടെ വാക്കുതര്‍ക്കമുണ്ടാകുകയും ചിലര്‍ക്ക് പരിക്കേല്‍ക്കുകയുമുണ്ടായി. മതില്‍ തകര്‍ന്നതുവഴിയാണ് രക്ഷപ്പെടല്‍. അതേസമയം 1300 പേരില്‍ കുറച്ചുപേര്‍ മാത്രമേ രക്ഷപ്പെട്ടിട്ടുള്ളൂവെന്നാണ് അധികൃതരുടെ വിശദീകരണം. ജയിലിന്റെ മതിലുകളും വാതിലുകളും കേടുവന്നിട്ടുണ്ട്.

Continue Reading

Features

സമാജം യുവജനോത്സവം: ഐശ്വര്യ ഷൈജിത് കലാതിലകം

മൂന്നുറിലധികം കുട്ടികള്‍ മാറ്റുരച്ച കലാമാമാങ്കം പ്രവാസികള്‍ക്ക് വേറിട്ട അനുഭവമായിരുന്നു

Published

on

അബുദാബി മലയാളി സമാജം മൂന്ന് ദിവസങ്ങളിലായി നടത്തിയ യു.എ.ഇ ഓപ്പണ്‍ യുവജനോത്സവം സമാപിച്ചു. മൂന്ന് വേദികളിലായി മൂന്നുറിലധികം കുട്ടികള്‍ മാറ്റുരച്ച കലാമാമാങ്കം പ്രവാസികള്‍ക്ക് വേറിട്ട അനുഭവമായിരുന്നു.

നാടോടി നൃത്തം, ഭരതനാട്യം കുച്ചുപ്പിടി,മോണോ ആക്ട്, എന്നിവയില്‍ ഒന്നാം സ്ഥാനവും മോഹിനിയാട്ടത്തില്‍ രണ്ടാംസ്ഥാനവും കരസ്ഥമാക്കി 23 പോയിന്റ് നേടിയ പ്രൈവറ്റ് ഇന്റര്‍നാഷണല്‍ സ്‌കൂള്‍ (ഭവന്‍സ്) വിദ്യാര്‍ത്ഥിനി ഐശ്വര്യ ഷൈജിത് ഈ വര്‍ഷത്തെ സമാജം കലാതിലകമായി.
ഷൈജിത് കെ.പി.പ്രേമാ ഷൈജിത് ദമ്പതികളുടെ മകളാണ്.
കലാതിലക ട്രോഫി സമാജം പ്രസിഡന്റും ഡോ. ജസ്ലിന്‍ ജോസും ചേര്‍ന്ന് നല്‍കി. വനിതാവിഭാഗം ഭാരവാഹികള്‍ വിജയകിരീടം അണിയിച്ചു

വിവിധ ഗ്രുപ്പ് വിജയികളായി 15 പോയിന്റോടെ ശിവാനി സജീവ്,16 പോയിന്റോടെ ജേനാലിയ ആന്‍ 10 പോയിന്റോടെ നന്ദകൃഷ്ണ എന്നിവരെയും തിരഞ്ഞെടുത്തു.

2020 ല്‍ 4200 കലാകാരികളെ അണിനിരത്തി മോഹിനിയാട്ടത്തില്‍ ഗിന്നസ് നേടിയ കലാമണ്ഡലം ഡോ. ധനുഷ സന്യാല്‍, കലാമണ്ഡലം അധ്യാപികയായ ലതിക എന്നിവര്‍ നാട്ടില്‍നിന്നെത്തി ഡാന്‍സ് മത്സരങ്ങള്‍ക്ക് വിധി കര്‍ത്താക്കളായി.

ഗള്‍ഫിലെ കുട്ടികള്‍ ക്ലാസ്സിക്കല്‍ ഡാന്‍സ് ഇനങ്ങളില്‍ മികച്ച നിലവാരം പുലര്‍ത്തിയതായും ശാസ്ത്രീയമായി ഡാന്‍സ് അഭ്യസിക്കുന്ന കുട്ടികളുടെ പ്രകടനങ്ങള്‍ കേരളത്തേക്കാള്‍ മികച്ചതായി അനുഭവപ്പെട്ടുവെന്നും അവര്‍ അഭിപ്രായപ്പെട്ടു.

എമിറേറ്റ്‌സ് ഫ്യൂച്ചര്‍ ഇന്റര്‍നാഷണല്‍ അക്കാദമി സ്‌കൂളില്‍നടന്ന
സമാപനച്ചടങ്ങില്‍ സമാജം പ്രസിഡന്റ് റഫീഖ് കയനയില്‍ അധ്യക്ഷത വഹിച്ചു. എല്‍എല്‍എച്ച് ഹോസ്പിറ്റല്‍ സ്പെഷ്യലിസ്റ്റ് ന്യുറോളജിസ്റ്റ് ഡോ.ജസ്ലിന്‍ ജോസ് മുഖ്യാതിഥിയായിരുന്നു. ഇഫ സ്‌കൂള്‍ പ്രിന്‍സിപ്പാള്‍ സജി ഉമ്മന്‍, എല്‍എല്‍എച്ച് മാര്‍ക്കറ്റിംഗ് മാനേജര്‍ നിവിന്‍ വര്‍ഗ്ഗീസ് സംസാരിച്ചു.

സമാജം കലാവിഭാഗം സെക്രട്ടറി റിയാസുദ്ധീന്‍ പി.ടി ആമുഖ ഭാഷണവും ജനറല്‍ സെക്രട്ടറി എം.യു.ഇര്‍ഷാദ് സ്വാഗതവും നടത്തി.
ട്രഷറര്‍ അജാസ് അപ്പാടത്ത്, കമ്മിറ്റി അംഗങ്ങളായ സാബു അഗസ്റ്റിന്‍, യേശുശീലന്‍, സലിം ചിറക്കല്‍, എ.എം.അന്‍സാര്‍, അനില്‍കുമാര്‍ ടി.ഡി,ഫസലുദ്ധീന്‍ വനിതാ കമ്മിറ്റി ഭാരവാഹികളായ അനുപ ബാനര്‍ജി, ലാലി സാംസണ്‍, ബിനിമോള്‍ ടോമിച്ചന്‍, ബദരിയ്യ സിറാജ്, വാലന്റീര്‍ ടീം അനീഷ് ഭാസി, അമീര്‍ കല്ലമ്പലം, സലിം, ഷാജികുമാര്‍, ബിജുവാര്യര്‍ എന്നിവരും ഇതര സംഘടനാ ഭാരവാഹികളും മുന്‍ ജനറല്‍ സെക്രട്ടറിമാരും ചേര്‍ന്ന് ട്രോഫിയും സര്‍ട്ടിഫിക്കറ്റുകളും വിതരണം ചെയ്തു. വൈസ്പ്രസിഡന്റ് രേഖിന് സോമന്‍ നന്ദി പറഞ്ഞു

Continue Reading

gulf

ഭൂകമ്പ ദുരിതം: യുഎഇ 100 ദശലക്ഷം ഡോളര്‍ സഹായം

സിറിയയിലും തുര്‍ക്കിയിലുമായി ഉണ്ടായ ഭൂകമ്പത്തില്‍ 4300 ലേറെ പേര്‍ക്കാണ് ജീവഹാനി നേരിട്ടത്

Published

on

അബുദാബി: കഴിഞ്ഞ ദിവസമുണ്ടായ ഭൂകമ്പത്തില്‍ സര്‍വ്വവും നഷ്ടപ്പെട്ടവരെ സഹായിക്കുന്നതിനായി യുഎഇ 100ദശലക്ഷം അമേരിക്കന്‍ ഡോളര്‍ നല്‍കും.
യുഎഇ പ്രസിഡണ്ട് ശൈഖ് മുഹമ്മദ് ബിന്‍ സായിദ് അല്‍നഹ്‌യാന്‍ ഇതുസംബന്ധിച്ച ഉത്തരവ് പുറപ്പെടുവിച്ചു കഴിഞ്ഞു. സിറിയക്കും തുർക്കിക്കും 50 ദശലക്ഷം ഡോളര്‍ വീതമാണ് നല്‍കുക.

സിറിയയിലും തുര്‍ക്കിയിലുമായി ഉണ്ടായ ഭൂകമ്പത്തില്‍ 4300 ലേറെ പേര്‍ക്കാണ് ജീവഹാനി നേരിട്ടത്. 15,000 ലധികം പേര്‍ക്ക് പരുക്കേറ്റതായാണ് റിപ്പോര്‍ട്ട് ചെയ്യപ്പെട്ടിട്ടുള്ളത്.

ചൊവ്വാഴ്ച പുലര്‍ച്ചെയും തുര്‍ക്കിയില്‍ വീണ്ടും ഭൂചലനമുണ്ടായി. എന്നാല്‍ ഇതില്‍ ആളപായമൊന്നും റിപ്പോര്‍ട്ട് ചെയ്യപ്പെട്ടിട്ടില്ല.

Continue Reading

Trending