ഹേഗ് (നെതര്‍ലാന്റ്‌സ്): അന്താരാഷ്ട്ര നീതിന്യായ കോടതി (ഐ.സി.ജെ) പ്രസിഡണ്ടായി അബ്ദുല്‍ ഖവി അഹ്മദ് യൂസുഫ് തെരഞ്ഞെടുക്കപ്പെട്ടു. ഷ്യൂ ഹാന്‍ഖിന്‍ ആണ് വൈസ് പ്രസിഡണ്ട്. മൂന്നു വര്‍ഷമാണ് ഇവരുടെ കാലാവധി.
I congratulate Judge Abdulqawi Ahmed Yusuf on his election as President of the International Court of Justice. A moment of pride for the Somali nation and Africa.
And historic moment in the annals of the #ICJ.#Somalia pic.twitter.com/JBRtY9PDjJ— SomaliPM (@SomaliPM) February 7, 2018
ഫ്രഞ്ച് ജഡ്ജ് റോണി അബ്രഹാം ഒഴിയുന്ന സ്ഥാനത്താണ് അബ്ദുല്‍ ഖവി യൂസുഫ് നിയമിതനാവുന്നത്. 2015 മുതല്‍ വൈസ് പ്രസിഡണ്ടായിരുന്ന അദ്ദേഹം ഐ.സി.ജെയുടെ 25-ാമത്തെ പ്രസിഡണ്ടാണ്. 2009 മുതല്‍ അദ്ദേഹം ഐ.സി.ജെയില്‍ ന്യായാധിപനാണ്.
സോമാലിയയിലെ നുഗാല്‍ പ്രവിശ്യയില്‍ 1948-ല്‍ ജനിച്ച അബ്ദുല്‍ ഖവി സ്വിറ്റ്‌സര്‍ലാന്റിലെ ഇന്‍സ്റ്റിറ്റിയൂട്ട് ഓഫ് ഇന്റര്‍നാഷണല്‍ സ്റ്റഡീസ് ജനറലില്‍ നിന്നാണ് അന്താരാഷ്ട്ര നിമയത്തില്‍ പി.എച്ച്.ഡി നേടിയത്. യുനെസ്‌കോ, യുനിഡോ തുടങ്ങിയ അന്താരാഷ്ട്ര സന്നദ്ധ സംഘടകള്‍ക്കു വേണ്ടി നിയമോപദേശകനായി പ്രവര്‍ത്തിച്ചിട്ടുണ്ട്.
ചൈനയിലെ ഷാങ്ഹയില്‍ 1955-ല്‍ ജനിച്ച ഷ്യൂ ഹാന്‍ഖിന്‍ 2010 മുതല്‍ ഐ.സി.ജെയില്‍ ന്യായാധിപയാണ്. ചൈനയുടെ പ്രതിനിധിയായി ലോകത്തിന്റെ വിവിധ ഭാഗങ്ങളില്‍ പ്രവര്‍ത്തിച്ചിട്ടുണ്ട്.
Be the first to write a comment.