Connect with us

Culture

വീരമൃത്യു വരിച്ച സൈനികന്റെ കുടുംബത്തെ അപമാനിച്ച് യോഗി ആദിത്യനാഥ്

Published

on

ന്യൂഡല്‍ഹി: വാഹനങ്ങളിലെ ചുവന്ന ബോര്‍ഡും ബീക്കണ്‍ ലൈറ്റും നീക്കി വി.വി.ഐ.പി പരിഷ്‌കാരം അവസാനിപ്പിക്കാന്‍ പ്രധാനമന്ത്രി നരേന്ദ്രമോദി മുന്നിട്ടിറങ്ങിയതിനു പിന്നാലെ യു.പി മുഖ്യമന്ത്രി യോഗി ആദിത്യനാഥ് വിവാദത്തില്‍.

കശ്മീര്‍ അതിര്‍ത്തിയില്‍ വീരമൃത്യു വരിച്ച സൈനികന്റെ വീട്ടില്‍ സന്ദര്‍ശനം നടത്താന്‍ മുഖ്യമന്ത്രി യോഗി ആദിത്യനാഥിനു വേണ്ടി നടത്തിയ ഒരുക്കങ്ങളാണ് വിവാദത്തിന് വഴിയൊരുക്കിയത്. ബി.എസ്.എഫ് ഹെഡ്‌കോണ്‍സ്റ്റബിള്‍ ആയിരുന്ന പ്രേം സാഗറിന്റെ തിംകബര്‍ വില്ലേജിലുള്ള വസതിയില്‍ വെള്ളിയാഴ്ചയാണ് ആദിത്യനാഥ് സന്ദര്‍ശനം നടത്തിയത്.

സര്‍ക്കാറിന്റെ ധനസഹായം കൈമാറാനാണ് മുഖ്യമന്ത്രി എത്തിയത്. മുഖ്യമന്ത്രി വരുന്നത് പ്രമാണിച്ച് ദിയോറ ജില്ലാ ഭരണകൂടം സൈനികന്റെ വസതിയില്‍ വലിയ ക്രമീകരണങ്ങളാണ് ഒരുക്കിയത്. ഡ്രോയിങ് റൂമില്‍ എ.സി ഫിറ്റ് ചെയ്തു. വില കൂടിയ സോഫയും എത്തിച്ചു. മേശയും മുഖ്യമന്ത്രിക്ക് ഇരിക്കാനുള്ള കേസരയും കവര്‍ ചെയ്ത് കാവി നിറത്തിലുള്ള തുണി വിരിച്ചു.

വീട്ടിലെത്തിയ മുഖ്യമന്ത്രി അര മണിക്കൂര്‍ സമയം ഇവിടെ ചെലവഴിക്കുകയും കുടുംബത്തോട് സംസാരിക്കുകയും ചെയ്തു. തുടര്‍ന്ന് സര്‍ക്കാര്‍ ധനസഹായമായി ചെക്ക് കൈമാറി. മാധ്യമങ്ങള്‍ ഫോട്ടോ പകര്‍ത്തുകയും ചെയ്തു. എന്നാല്‍ മുഖ്യമന്ത്രി വസതി വിട്ടതിനു പിന്നാലെ ജില്ലാ ഭരണകൂടം ഒരുക്കിയ രാജകീയ സൗകര്യങ്ങളെല്ലാം അപ്രത്യക്ഷമായി. എ.സിയും സോഫയും മറ്റ് സൗകര്യങ്ങളും ഒരുക്കിയവര്‍ തന്നെ എടുത്തുകൊണ്ടുപോയി.

മുഖ്യമന്ത്രിയുടെ അര മണിക്കൂര്‍ സന്ദര്‍ശനത്തിന് എന്തിനാണ് ഇത്ര വലിയ സൗകര്യങ്ങള്‍ ഒരുക്കിയതെന്ന ചോദ്യവുമായി വീരമൃത്യു വരിച്ച സൈനികന്റെ കുടുംബം തന്നെ രംഗത്തെത്തിയതോടെയാണ് സര്‍ക്കാര്‍ പുലിവാല് പിടിച്ചത്. എ.സിയോ മറ്റ് സൗകര്യങ്ങളോ ഏര്‍പ്പെടുത്താന്‍ തങ്ങള്‍ ആവശ്യപ്പെട്ടിരുന്നില്ലെന്ന് കുടുംബം പറഞ്ഞു. അതേസമയം എല്ലാ വി.വി.ഐ.പി സന്ദര്‍ശനങ്ങള്‍ക്കും ഇത്തരം ഒരുക്കങ്ങള്‍ നടത്താറുണ്ടെന്നും ഇതില്‍ തെറ്റില്ലെന്നുമാണ് ജില്ലാ ഭരണകൂടത്തിന്റെ വിശദീകരണം. എന്നാല്‍ എ.സിയും സോഫയും എവിടെനിന്ന് കൊണ്ടുവന്നെന്നോ എവിടേക്കാണ് തിരിച്ചു കൊണ്ടുപോയതെന്നോ ഉള്ള ചോദ്യത്തിന് ജില്ലാ ഭരണകൂടത്തിനും ഉത്തരമില്ല. പൂഞ്ച് സെക്ടറില്‍ പാക് സൈന്യത്തിന്റെ ആക്രമണത്തിലാണ് പ്രേംസാഗര്‍ വീരമൃത്യു വരിച്ചത്.

Continue Reading
Advertisement
Click to comment

Leave a Reply

Your email address will not be published. Required fields are marked *

Film

തിയറ്ററിലിരുന്ന് കരയുകയായിരുന്നു, എന്‍റെ ജീവിതമാണത്’: നജീബ്

നടൻ പൃഥ്വിരാജിനെ കണ്ടിരുന്നെങ്കിൽ കെട്ടിപ്പിടിച്ച് ഉമ്മ കൊടുക്കുമായിരുന്നു എന്നും അദ്ദേഹം പറഞ്ഞു

Published

on

കൊച്ചി: ‘ആടുജീവിതം’ സിനിമ കണ്ടപ്പോൾ ചില രംഗങ്ങൾ കണ്ട് തിയേറ്ററിനുള്ളിൽ ഇരുന്ന് കരയുകയായിരുന്നു താനെന്ന് നജീബ്. തന്റെ ജീവിതമാണ് സ്ക്രീനിലൂടെ കണ്ടതെന്നും നടൻ പൃഥ്വിരാജിനെ കണ്ടിരുന്നെങ്കിൽ കെട്ടിപ്പിടിച്ച് ഉമ്മ കൊടുക്കുമായിരുന്നു എന്നും അദ്ദേഹം പറഞ്ഞു. ‘ആടുജീവിതം’ ആദ്യ ഷോ കണ്ടിറങ്ങിയപ്പോഴായിരുന്നു നജീബിന്‍റെ പ്രതികരണം.

പൃഥ്വിരാജ് വളരെ നന്നായി അഭിനയിച്ചിട്ടുണ്ട്. സിനിമ തിയേറ്ററിൽ എത്തുന്നത് കുടുംബം കാത്തിരിക്കുകയായിരുന്നു. എന്നാൽ മകന്റെ കുഞ്ഞ് മരിച്ചതോടെ എല്ലാവരും ദുഃഖത്തിലാണ്. എല്ലാവരും നിർബന്ധിച്ചത് കൊണ്ടാണ് ഇന്ന് സിനിമ കാണാൻ എത്തിയത്. ഇന്ന് തന്നെ സിനിമ കാണുമെന്ന് പറഞ്ഞ് നിരവധി പേരാണ് തന്നെ വിളിക്കുന്നത് -നജീബ് പറഞ്ഞു.

അതേസമയം, ഇന്ന് തിയറ്ററുകളിലെത്തിയ ചിത്രത്തിന് മികച്ച അഭിപ്രായമാണ് ലഭിക്കുന്നത്. ലോകോത്തര നിലവാരത്തിലുള്ള സിനിമയെന്നും, ബ്ലെസ്സി എന്ന സംവിധായകന്‍റെ 16 വർഷത്തെ കഠിനാധ്വാനം ഫലം കണ്ടിരിക്കുന്നുവെന്നുമെല്ലാം പ്രേക്ഷകർ അഭിപ്രായപ്പെടുന്നു.

Continue Reading

Art

സ്റ്റാൻഡപ്പ് കോമഡി വേദികളിൽ നിന്നും ചലച്ചിത്ര അരങ്ങിലേക്ക്

ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്.

Published

on

മലയാളത്തിലെ ആദ്യത്തെ സ്റ്റാൻഡപ്പ് കോമഡി റിയാലിറ്റി ഷോ ആയ ഫൺസ് അപ്പോൺ എ ടൈം സീസൺ 3 യുടെ മത്സരാർത്ഥികൾ ചലച്ചിത്ര അരങ്ങിലേക്ക്. ഷോയിലൂടെ ശ്രദ്ധേയരായ അൻസിൽ, ധരൻ, സംഗീത് റാം, സോബിൻ കുര്യൻ എന്നീ 4 കോമേഡിയന്മാരാണ് ആദ്യ സിനിമയിലേക്ക് ചുവട് വെച്ചത്. ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്. വയലുങ്കൽ ഫിലംസ്ന്റെ ബാന്നറിൽ ഒരുങ്ങുന്ന ചിത്രത്തിന്റെ പേര് വൈകാതെ പ്രഖ്യാപിക്കും.

സംവിധായകനൊപ്പം ധരൻ ചിത്രത്തിന്റെ കഥ തിരക്കഥ കൈകാര്യം ചെയ്തിരിക്കുന്നു. മറ്റുള്ളവർ പ്രധാനപ്പെട്ട വേഷങ്ങളും കൈകാര്യം ചെയ്തിരിക്കുന്നു. വിഷ്ണു പ്രസാദ്, ബോബൻ ആലുമ്മൂടൻ, സജി വെഞ്ഞാറമൂട്, കൊല്ലം തുളസി, യവനിക ഗോപാലകൃഷ്ണൻ, ഹരിശ്രീ മാർട്ടിൻ, ഷാജി മാവേലിക്കര, വിനോദ്, ഭാസി, അരുൺ വെഞ്ഞാറമൂട് തുടങ്ങിയവർ അഭിനയിച്ചിരിക്കുന്നു.

ക്യാമറ: എ കെ ശ്രീകുമാർ, എഡിറ്റ്‌: ബിനോയ്‌ ടി വർഗീസ്, കൺട്രോളർ: രാജേഷ് നെയ്യാറ്റിൻകര. സംഗീതം: ജസീർ, ആലാപനം: അരവിന്ദ് വേണുഗോപാൽ, വൈക്കം വിജയലക്ഷ്മി, തൊടുപുഴയിൽ ചിത്രീകരണം പൂർത്തിയായ ചിത്രം വൈകാതെ തീയേറ്ററുകളിൽ എത്തും.

Continue Reading

Film

നടി നേഹ ശർമ്മ കോൺഗ്രസ് സ്ഥാനാർത്ഥിയായേക്കും; സൂചന നൽകി പിതാവ്

ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ.

Published

on

ബോളിവുഡ് താരം നേഹ ശര്‍മ്മ വരാനിരിക്കുന്ന ലോക്സഭാ തിരഞ്ഞെടുപ്പില്‍ കോണ്‍ഗ്രസിനായി മത്സരിച്ചേക്കുമെന്ന സൂചന നല്‍കി പിതാവ്. ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ. സഖ്യകക്ഷികളുമായുള്ള ധാരണയ്‌ക്കൊടുവില്‍ ഭഗല്‍പൂര്‍ സീറ്റ് കോണ്‍ഗ്രസിന് ലഭിക്കുകയാണെങ്കില്‍ മകളെ നാമനിര്‍ദേശം ചെയ്യുമെന്ന് അജയ് അറിയിച്ചു.

‘കോണ്‍ഗ്രസിന് ഭഗല്‍പൂര്‍ ലഭിക്കണം, ഞങ്ങള്‍ മത്സരിച്ച് സീറ്റ് നേടും. കോണ്‍ഗ്രസിന് ഭഗല്‍പൂര്‍ ലഭിച്ചാല്‍, എന്റെ മകള്‍ നേഹ ശര്‍മ്മ മത്സരിക്കണമെന്ന് ഞാന്‍ ആഗ്രഹിക്കുന്നു. പക്ഷേ പാര്‍ട്ടിക്ക് ഞാന്‍ മത്സരിക്കണമെന്നാണ് ആഗ്രഹിമെങ്കില്‍ അത് ചെയ്യും’ അജയ് ശര്‍മ്മ പറഞ്ഞു.

Continue Reading

Trending