ശ്രീനഗര്‍: ജമ്മു കശ്മീരില്‍ സൈനിക വാഹനത്തിന് തീപിടിച്ച് 5 സൈനികര്‍ മരിച്ചു. പൂഞ്ച് മേഖലയിലാണ് അപകടമുണ്ടായത്. സംഭവം ഭീകരാക്രമണമെന്ന് സൈന്യം. ഭീകരരുടെ ഗ്രനേഡ് ആക്രമണത്തിലാണ് ട്രക്കിന് തീപിടിച്ചത് എന്നാണ് സൈന്യം അറിയിച്ചത്. സൈന്യം അപകടം നടന്ന മേഖലയില്‍ തിരച്ചില്‍ നടത്തിവരികയാണ്. ഉന്നത സൈനിക ഉദ്യോഗസ്ഥര്‍ സ്ഥലത്തെത്തിട്ടുണ്ട്.
സൈനിക വാഹനത്തിന് തീപിടിക്കുന്നതിന്റെ ദൃശ്യങ്ങള്‍ പുറത്തുവന്നിട്ടുണ്ട്. തീപടര്‍ന്നതിന് പിന്നാലെ വാഹനം കത്തിനശിക്കുന്നതായി ദൃശ്യങ്ങളില്‍ കാണാം.