Connect with us

Art

കാവ് ശ്രീ പുരസ്‌കാരം ഇന്ദ്രന്‍സിന്

25,000 രൂപയും ശില്‍പവും പ്രശസ്തിപത്രവുമടങ്ങുന്നതാണ് പുരസ്‌കാരം

Published

on

അഡ്വ. വികെ പ്രശാന്ത് എംഎല്‍എയുടെ നേതൃത്വത്തില്‍ സംഘടിപ്പിക്കുന്ന വട്ടിയൂര്‍ക്കാവ് ഫെസ്റ്റിന്റെ ഭാഗമായി ഏര്‍പ്പെടുത്തിയ പ്രഥമ കാവ് ശ്രീ പുരസ്‌കാരത്തിന് നടന്‍ ഇന്ദ്രന്‍സിനെ തെരെഞ്ഞെടുത്തു. 25,000 രൂപയും ശില്‍പവും പ്രശസ്തിപത്രവുമടങ്ങുന്നതാണ് പുരസ്‌കാരം. ഫെബ്രുവരി 10 മുതല്‍ 15 വരെ നടക്കുന്ന രണ്ടാമത് വട്ടിയൂര്‍ക്കാവ് ഫെസ്റ്റില്‍ പുരസ്‌കാരം സമ്മാനിക്കും.

Art

കേരള സർവ്വകലാശാല ഭരത് മുരളി നാടകോത്സവത്തിന് നാളെ തിരുവനന്തപുരത്ത് തിരി തെളിയും

മേളയുടെ ഭാഗമായി നടക്കുന്ന മുരളി സ്മൃതിയിൽ മുൻ പ്രതിപക്ഷ നേതാവായ രമേശ്‌ ചെന്നിത്തല എം എൽ എ പ്രഭാഷണം നടത്തും

Published

on

കേരള സർവ്വകലാശാല സംഘടിപ്പിക്കുന്ന ഭരത് മുരളി നാടകോത്സവത്തിന് നാളെ തിരുവനന്തപുരത്ത് തിരി തെളിയും. മന്ത്രി ഡോ. ആർ ബിന്ദു ഉദ്ഘാടനം ചെയ്യും.കേരള സർവ്വകലാശാല പാളയം സെനറ്റ് ക്യാമ്പസിൽ നടക്കുന്ന മേളയിൽ തെരഞ്ഞെടുത്ത 9 മലയാള നാടകങ്ങൾ അവതരിപ്പിക്കും.മൂന്നു  വേദികളിലായാണ് നാടകോത്സവം നടക്കുക.മേളയുടെ ഭാഗമായി നടക്കുന്ന മുരളി സ്മൃതിയിൽ മുൻ പ്രതിപക്ഷ നേതാവായ രമേശ്‌ ചെന്നിത്തല എം എൽ എ പ്രഭാഷണം നടത്തും. ഏപ്രിൽ 4 വരെയാണ് നാടകോത്സവം.

അശോക് ശശി സംവിധാനം ചെയ്ത ഇതിഹാസം, കെ ആർ രമേശ്‌ സംവിധാനം ചെയ്ത ആർട്ടിക്, സൂര്യ കൃഷ്ണ മൂർത്തി സംവിധാനം ചെയ്ത പ്രേമലേഖനം, അരുൺ ലാൽ സംവിധാനം ചെയ്ത ദ വില്ലന്മാർ, മാർത്താണ്ഡന്റെ സ്വപ്‌നങ്ങൾ, ഹസിം അമരവിള സംവിധാനം ചെയ്ത സോവിയറ്റ് സ്റ്റേഷൻ കടവ്, അർജുൻ ഗോപാൽ സംവിധാനം ചെയ്ത സിംഹാരവം ഘോരാരവം, അമൽ രാജും ജോസ് പി റാഫേലും ചേർന്ന് ഒരുക്കിയ തോമ കറിയ കറിയ തോമ, ശ്രീജിത്ത്‌ രമണൻ സംവിധാനം ചെയ്ത തീണ്ടാരിപ്പച്ച എന്നീ നാടകങ്ങൾ ആണ് അരങ്ങിലെത്തുന്നത്.

Continue Reading

Art

നാടകാചാര്യന്‍ വിക്രമന്‍ നായര്‍ അന്തരിച്ചു

തിങ്കളാഴ്ച രാത്രി കോഴിക്കോട്ടെ സ്വകാര്യാശുപത്രിയിലായിരുന്നു അന്ത്യം

Published

on

നാടക എഴുത്തുകാരനും അഭിനേതാവുമായ വിക്രമന്‍ നായര്‍ (78) അന്തരിച്ചു. ആറുപത് വര്‍ഷത്തോളം നാടകജീവിതത്തിനൊപ്പം തന്നെ സിനിമ, സീരിയല്‍ രംഗങ്ങളിലും അദ്ദേഹം തിളങ്ങി. തിങ്കളാഴ്ച രാത്രി കോഴിക്കോട്ടെ സ്വകാര്യാശുപത്രിയിലായിരുന്നു അന്ത്യം.

ജനനംകൊണ്ട് മണ്ണാര്‍ക്കാട്ടുകാരനാണെങ്കിലും കോഴിക്കോട് സെയ്ന്റ് ജോസഫ് ഹൈസ്‌കൂളിലെ വിദ്യാഭ്യാസകാലമാണ് വിക്രമന്‍നായരെ നാടകതത്പരനാക്കുന്നത്. 16 വയസ്സുമുതല്‍ കോഴിക്കോട്ടെ കലാസമിതിപ്രവര്‍ത്തകരുമായി സഹകരിച്ചുപോന്നിരുന്നു. കെ.ടി. മുഹമ്മദടക്കമുള്ള നാടകാചാര്യന്മാരോടൊപ്പം നാടകരംഗത്ത് തന്റേതായ കൈയൊപ്പ് പതിപ്പിക്കാന്‍ അദ്ദേഹത്തിന് സാധിച്ചു.

Continue Reading

Art

‘നാട്ടു നാട്ടു’വിന് ഓസ്‌കാര്‍, ‘ദി എലിഫന്റ് വിസ്‌പെറേഴ്‌സ്’ മികച്ച ഡോക്യുമെന്ററി ഷോര്‍ട്ട് ഫിലിം

Published

on

95-ാംമത് ഓസ്‌കര്‍ പുരസ്‌കാരദാന ചടങ്ങില്‍ ഇന്ത്യക്ക് ചരിത്ര നേട്ടം. മികച്ച ഗാനത്തിനുള്ള പുരസ്‌കാരം എസ്എസ് രാജമൗലി സംവിധാനം ചെയ്ത ‘ആര്‍ആര്‍ആര്‍’ എന്ന ചിത്രത്തിലെ ‘നാട്ടു നാട്ടു..’ എന്ന ഗാനം നേടി. എം എം കീരവാണി സംഗീത സംവിധാനം നിര്‍വഹിച്ച ഗാനത്തിന് വരികള്‍ എഴുതിതിയിരിക്കുന്നത് ചന്ദ്രബോസ് ആണ്.

മൂന്ന് മിനിറ്റും 36 സെക്കന്റുമാണ് ഗാനത്തിന്റെ ദൈര്‍ഘ്യം. രാഹുല്‍ സിപ്ലിഗഞ്ച്, കാല ഭൈരവ എന്നിവര്‍ ചേര്‍ന്നാണ് നാട്ടു നാട്ടു പാടിയത്. മികച്ച ഷോര്‍ട് ഡോക്യുമെന്ററി വിഭാഗത്തിലും ഇന്ത്യ പുരസ്‌കാരം നേടി. കാര്‍ത്തികി ഗോണ്‍സാല്‍വസ് സംവിധാനം ചെയ്ത ‘ ദി എലഫന്റ് വിസ്‌പേഴ്‌സ്’ ആണ് പുരസ്‌കാരത്തിന് അര്‍ഹമായ ചിത്രം.

ഹോളിവുഡിലെ ഡോള്‍ബി തിയറ്ററിലാണ് ചടങ്ങ് നടന്നത്. റെഡ് കാര്‍പ്പറ്റിന് പകരം ഷാംപെയ്ന്‍ നിറത്തിലെ കാര്‍പ്പറ്റിലാണ് താരങ്ങളെ സ്വീകരിച്ചത്. ‘ആര്‍ആര്‍ആര്‍’ ടീമില്‍ നിന്നും സംവിധായകന്‍ രാജമൗലി, നടമ്മാരായ രാം ചരണ്‍, ജൂനിയര്‍ എന്‍.ടി.ആര്‍ തുടങ്ങിയവര്‍ തിയറ്ററിലെത്തി.

മികച്ച സംവിധായകന്‍: ഡാനിയല്‍ ക്വാന്‍, ഡാനിയേല്‍ ഷൈനേര്‍ട്ട് (എവരിതിങ് എവരിവേര്‍ ആള്‍ അറ്റ് വണ്‍സ്)

മികച്ച ചിത്രം: എവരിതിങ് എവരിവേര്‍ ആള്‍ അറ്റ് വണ്‍സ്

മികച്ച നടി: മിഷേല്‍ യോ (എവരിതിങ് എവരിവേര്‍ ആള്‍ അറ്റ് വണ്‍സ്)

മികച്ച നടന്‍: ബ്രന്റണ്‍ ഫെസര്‍ (ദ വെയ്ല്‍)

മികച്ച ഗാനം: നാട്ടു നാട്ടു… (ആര്‍ ആര്‍ ആര്‍)

വിഷ്വല്‍ എഫക്ട്‌സ്: അവതാര്‍ വേ ഓഫ് വാട്ടര്‍

പ്രൊഡക്ഷന്‍ ഡിസൈനര്‍: ഓള്‍ ക്വയറ്റ് ഓണ്‍ ജ വെസ്‌റ്റേണ്‍ ഫ്രണ്ട്

മികച്ച സഹനടന്‍: കി ഹൂയ് ക്വിവാന്‍ (എവരിതിങ് എവരിവേര്‍ ആള്‍ അറ്റ് വണ്‍സ്)

മികച്ച സഹനടി: ജാമി ലീ കേര്‍ട്ടീസ് (എവരിതിങ് ഓള്‍ അറ്റ് വണ്‍സ്)

മികച്ച ഡോക്യുമെന്ററി: ‘ദി എലഫന്റ് വിസ്‌പേഴ്‌സ്’

മികച്ച ആനിമേഷന്‍ ചിത്രം: പിനോക്കിയോ

മികച്ച ഡോക്യുമെന്ററി ഫീച്ചര്‍: നവാല്‍സി

 

Continue Reading

Trending