ബെംഗളൂരു നഗരത്തില്‍ പെയ്ത മഴയെ തുടർന്നുണ്ടായ വെള്ളപ്പൊക്കത്തിൽ ജ്വല്ലറിയില്‍നിന്ന് സ്വര്‍ണാഭരണങ്ങള്‍ ഒഴുകിപ്പോയതായി പരാതി.മല്ലേശ്വരത്ത് ജ്വല്ലറിയില്‍ വെള്ളം കയറി രണ്ടരക്കോടി രൂപയുടെ നാശനഷ്ടമുണ്ടായതായാണ് റിപ്പോര്‍ട്ട്. കടയിലെ ഏതാനും ആഭരണങ്ങളും ഫര്‍ണിച്ചറുകളും ഒലിച്ചുപോയതായി കടയുടമ പ്രിയ അറിയിച്ചു.മല്ലേശ്വരത്തെ നിഹാന്‍ ജ്വല്ലറിയിലാണ് അഞ്ചടിയോളം ഉയരത്തില്‍വെള്ളം കയറിയത്. മല്ലേശ്വരത്ത് പെയ്ത മഴയിൽ നാശനഷ്ടമുണ്ടായതായാണ് റിപ്പോര്‍ട്ട്.കാറ്റിലും മഴയിലും നൂറിലേറെ മരങ്ങള്‍ വിവിധയിടങ്ങളിലായി കടപുഴകി വീണു. മരം വീണ് കാറുകൾ തകര്‍ന്നു.