More
സ്‌ഫോടന സ്ഥലവും പ്രതികളുടെ അറസ്റ്റിലും അവ്യക്തത; ലക്നോ, മധ്യപ്രദേശ് ഏറ്റുമുട്ടലും ഭീകരവേട്ടയും വ്യാജമെന്ന് സംശയം
ന്യൂഡല്‍ഹി: ഉത്തര്‍ പ്രദേശ് തെരഞ്ഞടുപ്പിന്റെ തലേന്ന് ലക്നോവിലും മധ്യപ്രദേശിലുമായി നടന്ന ഏറ്റുമുട്ടലും ഭീകരവേട്ടയും വ്യജമായിരുന്നു എന്ന സംശയം ബലപ്പെടുന്നു. ഭോപ്പാലില്‍ ട്രെയിനില്‍ സ്‌ഫോടനമുണ്ടായ സ്ഥലവും പ്രതികളുടെ അറസ്റ്റ് രേഖപ്പെടുത്തിയ സ്ഥലും തമ്മിലുള്ള ദൂരവും സമയവും പൊരുത്തപ്പെടാത്തതാണ് സംശയത്തിന് അടിസ്ഥാനം. പോലീസ് മേധാവിമാരുടെ പ്രസ്താവനയിലും വൈരുദ്ധ്യം പ്രകടമായിരുന്നു.
വേല ൂൗശി.േരീാ എന്ന വാര്‍ത്താ പോര്‍ട്ടലാണ് ഇതുസം ബന്ധിച്ച സംശയങ്ങളുമായി രംഗത്തെത്തിയിരിക്കുന്നത്. മധ്യപ്രദേശിലെ ഷാജാപൂറിന് സമീപം ഭോപ്പാല്-ഉജ്ജൈന്‍ പാസഞ്ചര്‍ ട്രെയിനില്‍ സ്‌ഫോടനമുണ്ടായത് 7 ന് രാവിലെ 10 മണിക്ക്. മണിക്കൂറുകള്‍ക്കകം ഉത്തര്‍ പ്രദേശിലെ കാണ്‍പൂരില്‍ നിന്നും മധ്യപ്രദേശിലെ പിപാരിയയില്‍ നിന്നും പ്രതികളെ പിടികൂടി. എന്നാല്‍ സ്‌ഫോടനമുണ്ടായ ഷാജാപൂരില്‍ നിന്ന് പിപാരിയയിലേക്ക് റോഡ്-ട്രെയിന്‍ യാത്രക്ക് ചുരങ്ങിയത് ഏഴ് മണിക്കൂറും കാണ്‍പൂരിലേക്ക് 11.30 മണിക്കൂറും വേണം. പക്ഷേ ഈ സമയം തികയും മുമ്പേയായിരുന്നു അറസ്റ്റുകള്‍. പ്രതികള്‍ ഇനി വ്യോമ മാര്‍ഗമാണ് രക്ഷപ്പെട്ടത് എന്ന് കരുതിയാലും ഏതെങ്കിലും ഒരിടത്ത് നിന്നേ അറസ്റ്റ് രേഖപ്പെടുത്തൂ എന്ന് വൈബ്‌സൈറ്റ് ചൂണ്ടിക്കാട്ടുന്നു. പിടിക്കപ്പെട്ടവര്‍ നിരപരാധികളാണെന്ന് ബന്ധുക്കള്‍ ആരോപിക്കുന്നുമുണ്ട്.
യു.പി തലസ്ഥാനമായ ലക്നോവിന് സമീപത്തെ താക്കൂര്‍ഗഞ്ചില്‍ ഏറ്റുമുട്ടലിനൊടുവില്‍ പൊലീസ് കൊലപ്പെടുത്തിയ സൈഫുള്ള എന്ന ഭീകരനും ട്രെയിന്‍ സ്‌ഫോടനത്തില്‍ പങ്കുണ്ടെന്നാണ് പോലീസ് പറയുന്നത്. പക്ഷേ സൈഫുള്ള തമ്പടിച്ച വീട് സ്ഥിതി ചെയ്യുന്ന താക്കൂര്‍ ഗഞ്ചിലേക്ക് സ്‌ഫോടനം നടന്ന ഷാജാപുരില്‍ നിന്ന് എളുപ്പ വഴിയിലൂടെയാണെങ്കിലും 13 മണിക്കൂര്‍ യാത്രയുണ്ട്.
പക്ഷേ ഈ സമയം പോലും തികയും മുമ്പാണ് താക്കൂര്‍ ഗഞ്ചിലെ ഭീകരനെ പിടികൂടാനുള്ള ശ്രമം യു.പി ഭീകര വിരുദ്ധ സേന ആരംഭിച്ചത്. താക്കൂര്‍ ഗഞ്ചില്‍ രണ്ട് ഭീകരര്‍ തമ്പടിച്ചിട്ടുണ്ടെന്ന യു.പി ഡിജിപിയുടെ പ്രസ്താവനയും എന്നാല്‍ ഏറ്റുട്ടലിനൊടുവില്‍ ഒരാളുടെ മൃതദേഹം മാത്രം കണ്ടെടുത്തതും സംശയം ബലപ്പെടുത്തുന്നു.
india
വനിതാ ചെസ് ലോകകപ്പ് ഫൈനലില്‍ കൊനേരു ഹംപിയെ പരാജയപ്പെടുത്തി ദിവ്യ ദേശ്മുഖ്
അഭിമാനകരമായ കിരീടനേട്ടത്തിനുമപ്പുറം ഈ വിജയത്തോടെ ദിവ്യ ദേശ്മുഖ് ഗ്രാന്‍ഡ്മാസ്റ്റര്‍ പദവിയും സ്വന്തമാക്കി
kerala
കൂടത്തായി കൊലപാതകം: ജോളിയുടെ ആദ്യ ഭര്‍ത്താവിന്റെ മരണം സയനൈഡ് ഉള്ളില്‍ച്ചെന്നെന്ന് ഫൊറന്‍സിക് സര്‍ജന്‍
കോഴിക്കോട് മെഡിക്കല്‍ കോളജ് ഫൊറന്‍സിക് വിഭാഗം മുന്‍ സര്‍ജന്‍ ഡോ.കെ പ്രസന്നനാണ് സാക്ഷി വിസ്താരത്തിനിടെ കോടതിയില്‍ മൊഴി നല്‍കിയത്
കോഴിക്കോട്: കൂടത്തായി കൊലപാതക പരമ്പരയില്‍ പ്രതി ജോളിയുടെ ആദ്യ ഭര്‍ത്താവ് റോയ് തോമസ് മരിച്ചത് സയനൈഡ് ഉള്ളില്‍ച്ചെന്നാണെന്ന് ഫൊറന്‍സിക് സര്‍ജന്റെ മൊഴി. റോയ് തോമസിന്റെ ശരീരഭാഗങ്ങളുടെ രാസപരിശോധനാ റിപ്പോര്‍ട്ട് പ്രകാരം സയനൈഡ് സാന്നിധ്യം സ്ഥിരീകരിച്ചുവെന്നാണ് മൊഴി. കോഴിക്കോട് മെഡിക്കല്‍ കോളജ് ഫൊറന്‍സിക് വിഭാഗം മുന്‍ സര്‍ജന്‍ ഡോ.കെ പ്രസന്നനാണ് സാക്ഷി വിസ്താരത്തിനിടെ കോടതിയില്‍ മൊഴി നല്‍കിയത്.
കടലക്കറിയില്‍ സയനൈഡ് കലര്‍ത്തി ജോളി ആദ്യ ഭര്‍ത്താവ് റോയ് തോമസിനെ കൊലപ്പെടുത്തിയെന്നായിരുന്നു കേസ്. റോയി തോമസിന്റെ പോസ്റ്റുമോര്‍ട്ടം നടത്തിയ ഡോ.ആര്‍.സോനു അന്തരിച്ചതിനാലാണ് അന്നു വകുപ്പിന്റെ ചുമതല വഹിച്ചുവന്ന ഡോ.കെ.പ്രസന്നന്റെ സാക്ഷി വിസ്താരം കോടതിയില്‍ രേഖപ്പെടുത്തിയത്. റോയിയുടെ മരണം ആത്മഹത്യയാണെന്നായിരുന്നു അന്ന് കണ്ടെത്തിയത്. റോയ് തോമസ് ഹൃദയാഘാതത്തെ തുടര്‍ന്ന് മരിച്ചു എന്നായിരുന്നു പ്രതി ജോളിയുടെ മൊഴി.
കൂടത്തായിയില്‍ 2002 മുതല്‍ 2016വരെ ഒരേ കുടുംബത്തിലെ ആറുപേരെയാണ് ജോളി കൊലപ്പെടുത്തിയത്. റിട്ട. വിദ്യാഭ്യാസവകുപ്പ് ഉദ്യോഗസ്ഥന്‍ കൂടത്തായി പൊന്നാമറ്റം ടോം തോമസ് (66), ഭാര്യ റിട്ട. അധ്യാപിക അന്നമ്മ തോമസ് (60), ജോളിയുടെ ആദ്യ ഭര്‍ത്താവ് റോയ് തോമസ് (40), അന്നമ്മയുടെ സഹോദരന്‍ എം.എം. മാത്യു മഞ്ചാടിയില്‍ (68), ടോം തോമസിന്റെ സഹോദരപുത്രന്‍ ഷാജു സ്‌കറിയയുടെ ഭാര്യ സിലി (44), മകള്‍ ആല്‍ഫൈന്‍ (2) എന്നിവരാണ് കൊല്ലപ്പെട്ടത്.
kerala
എംആര്‍ അജിത് കുമാറിനെ പൊലീസില്‍ നിന്ന് മാറ്റി; എക്‌സൈസ് കമ്മീഷണറായി പുതിയ നിയമനം
ശബരിമല ട്രാക്ടര്‍ യാത്ര വിവാദമായതിന് പിന്നാലെയാണ് അജിത് കുമാറിനെ പൊലീസില്‍ നിന്ന് മാറ്റാനുള്ള തീരുമാനം ഉണ്ടായത്
തിരുവന്തപുരം: എഡിജിപി എംആര്‍ അജിത് കുമാറിനെ പൊലീസില്‍ നിന്ന് മാറ്റി. എക്‌സൈസ് കമ്മീഷണറായിട്ടാണ് പുതിയ നിയമനം. ഇത് സംബന്ധിച്ച ഉത്തരവ് പുറത്തിറങ്ങി. ശബരിമല ട്രാക്ടര്‍ യാത്ര വിവാദമായതിന് പിന്നാലെയാണ് അജിത് കുമാറിനെ പൊലീസില്‍ നിന്ന് മാറ്റാനുള്ള തീരുമാനം ഉണ്ടായത്. സംഭവത്തില്‍ അജിത് കുമാറിന് വീഴ്ച സംഭവിച്ചതായി ഡിജിപി റിപ്പോര്‍ട്ട് നല്‍കുകയും നടപടിക്ക് ശുപാര്‍ശ നല്‍കിയിരുന്നു.
നിലവിലെ എക്‌സൈസ് കമ്മീഷണര്‍ മഹിപാല്‍ യാദവ് ചികിത്സാര്‍ഥം ലീവിലാണ്. ആ ഒഴിവിലാണ് പുതിയ നിയമനം. ബറ്റാലിയന്‍ എഡിജിപി സ്ഥാനത്ത് നിന്ന് മാറ്റിയാണ് അജിത് കുമാറിനെ എക്‌സൈസ് കമ്മീഷണറാക്കുന്നത്.
-
kerala2 days agoതാമരശ്ശേരി ചുരത്തില് നിന്ന് കൊക്കയിലേക്ക് ചാടിയ എംഡിഎംഎ കേസിലെ പ്രതി പിടിയില്
-
kerala2 days agoഗോവിന്ദച്ചാമിയെ വിയ്യൂരിലെ അതീവ സുരക്ഷാ ജയിലിലേക്ക് കൊണ്ടുപോയി
-
News2 days agoഇസ്രാഈല് ഉപരോധത്തിനിടെ ഗസയില് 2 കുട്ടികളടക്കം 9 ഫലസ്തീനികള് പട്ടിണി മൂലം മരിച്ചു
-
kerala2 days agoമൂന്നാറില് ദേശീയപാതയില് മണ്ണിടിച്ചില്; നാല് കടകള് പൂര്ണമായും തകര്ന്നു
-
kerala2 days agoപ്രായപ്പൂര്ത്തിയാകാത്ത പെണ്കുട്ടിയെ പീഡിപ്പിച്ചതായി പരാതി; യൂട്യൂബര് ഷാലു കിംഗ് അറസ്റ്റില്
-
india2 days agoകുവൈത്ത് -ഗോവ സെക്ടറിലെ യാത്ര അവസാനിപ്പിക്കുന്നതായി എയര് ഇന്ത്യ
-
kerala2 days agoകൊച്ചിയില് സ്വകാര്യ ബസ് ബൈക്കിലിടിച്ച് അപകടം; വിദ്യാര്ഥി മരിച്ചു
-
india2 days agoഇരുണ്ട നിറവും പാചകം ചെയ്യാനുള്ള കഴിവില്ലായ്മയും കാരണം ഭാര്യയെ പരിഹസിക്കുന്നത് ആത്മഹത്യാ പ്രേരണയല്ല; ബോംബെ ഹൈക്കോടതി