Connect with us

More

മണലില്‍ കുടുങ്ങുന്ന കാറുകള്‍ക്ക് സംരക്ഷണം തീര്‍ത്ത് ഖത്തരി യുവാക്കള്‍

Published

on

ദോഹ: രാജ്യത്ത് ശൈത്യകാലം വന്നെത്തിയതോടെ ക്യാമ്പിങ് സീസണിന് തുടക്കമാവുകയാണ്. ദൈനം ദിന ജോലിത്തിരക്കുകളില്‍ നിന്ന് ആശ്വാസം തേടി രാജ്യത്തിന്റെ വിവിധ ബീച്ചുകളിലും മറ്റ് മരുപ്രദേശങ്ങളിലും ശൈത്യകാലം ആസ്വദിക്കാന്‍ തയ്യാറെടുക്കുന്നവര്‍ക്ക് ആശ്വാസമാവുകയാണ് ഒരു കൂട്ടം ഖത്തരി യുവാക്കള്‍. മരുഭൂമിയിലും തീരങ്ങളിലുമെത്തുന്നവരുടെ വാഹനങ്ങള്‍ മണലില്‍ കുടങ്ങുകയാണെങ്കില്‍ സൗജന്യമായി ഈ സംഘം വാഹനം ഉയര്‍ത്തി നല്‍കുകയും തുടര്‍ യാത്രയ്ക്ക് സഹായിക്കുകയും ചെയ്യും. കഴിഞ്ഞ ഒരു വര്‍ഷത്തിനിടെ ഈ സംഘം 1000ത്തിലധികം വാഹനങ്ങളാണ് മണലിലില്‍ നിന്നും കുഴികളില്‍ നിന്നും കയറ്റി നല്‍കിയത്. തങ്ങളുട സേവനം എപ്പോള്‍ വേണമെങ്കിലും ഉപയോഗപ്പെടുത്താമെന്നും ദേശവും ഭാഷയും തരവും ഒന്നും നോക്കാതെയുളള മാനുഷിക സഹായമാണ് നല്‍കുന്നതെന്നും സംഘത്തിന് നേതൃത്വം നല്‍കുന്ന സഊദ് ഖത്തര്‍ ട്രിബ്യൂണിനോട് പറഞ്ഞു.

രാജ്യത്തെ പ്രധാന ക്യാമ്പ് ഓപറേറ്റര്‍മാര്‍ക്കെല്ലാം തങ്ങള്‍ മൊബൈല്‍ നമ്പര്‍ നല്‍കിയിട്ടുണ്ടെന്നും എപ്പോള്‍ വേണമെങ്കിലും സഹായം ലഭിക്കുമെന്നും അദ്ദേഹം പറഞ്ഞു. സാമൂഹിക മാധ്യമങ്ങളിലും ഇവരുടെ നമ്പര്‍ ലഭ്യമാണ്. മരുഭൂമിയിലെ ഒറ്റപ്പെട്ട പ്രദേശത്ത് കുടുങ്ങി ആരാലും സഹായിക്കാനില്ലാത്ത അവസരത്തിലാണെങ്കിലും വെറുമൊരു ഫോണ്‍ കോളിലൂടെ വലിയ ദുരന്തത്തില്‍ നിന്നും രക്ഷപ്പെടാന്‍ കഴിയും. ഈ സംഘം സ്ഥലത്ത് എത്തി വേണ്ടതെല്ലാം ചെയ്ത് നല്‍കിയ ശേഷമേ മടങ്ങുകയുള്ളൂ. ഖത്തരി സംഘത്തിന്റെ കൈയ്യില്‍ വണ്ടി ഉയര്‍ത്താനാവശ്യമായ എല്ലാ സൗകര്യങ്ങളുമുണ്ട്. തങ്ങളുടെ ജോലിയുടെയും കുടുംബകാര്യങ്ങളുടെയും ഉത്തരവാദിത്തത്തിന് പുറമെയാണ് ഈ സംഘം സമൂഹത്തിനായി പ്രവര്‍ത്തന നിരതരാവുന്നത്. സംഘത്തില്‍ പത്ത് പേരാണ് അംഗങ്ങളായുള്ളത്.
ചിലപ്പോള്‍ കുട്ടികളും കുടുംബവുമായി ഷോപ്പിങ് നടത്തുന്നതിനിടെയാണ് സഹായത്തിനായി വിളി വരുന്നതെന്നു ആ നിമിഷം മുരൂഭൂമിയിലെവിടെയായായും ഓടിയെത്താറുണ്ടെന്ന് സംഘത്തിലെ രണ്ടാമന്‍ സാലിഹ് പറഞ്ഞു. വാഹനത്തിനും അതില്‍ അകപ്പെട്ടവര്‍ക്കും എല്ലാ സഹായങ്ങളും തങ്ങള്‍ നല്‍കാറുണ്ട്. ക്യാമ്പ് സംഘാടകരും മറ്റും വളരെ ആദരവോടെയാണ് ഈ സംഘത്തെ കാണുന്നത്. സംഘത്തിന് ഇതുവരെ അവാര്‍ഡുകളൊന്നും കിട്ടിയില്ലെങ്കിലും അത്തരമൊരു അംഗീകാരത്തിന് വേണ്ടിയല്ല തങ്ങള്‍ പ്രവര്‍ത്തിക്കുന്നതെന്ന് ഇവര്‍ പറയുന്നു. മരുഭൂമിയുടെ എല്ലാ ഭാഗങ്ങളും വ്യക്തമായി പരിചയമുളള ഈ സംഘം 1989 മുതല്‍ ഈ പ്രവൃര്‍ത്തി ചെയ്തുവരുന്നുണ്ട്. മണലില്‍ കുടുങ്ങുന്നവര്‍ വലിയ തോതില്‍ ചൂഷണത്തിന് ഇരയാവുന്നതായി അറിയാന്‍ കഴിഞ്ഞതോടെയാണ് പദ്ധതി തങ്ങള്‍ ആലോചിച്ചതെന്ന് സംഘാംഗമായ അബ്ദുല്ല പറഞ്ഞു.
വണ്ടി ഉയര്‍ത്താന്‍ എത്തുന്നവര്‍ 1000 റിയാല്‍ വരെ ഈടാക്കുന്നതായി പരാതിയുണ്ടായിരുന്നു. തങ്ങളുടെ പ്രവൃത്തിയെക്കുറിച്ച് കേട്ടറിഞ്ഞ ചില പ്രവാസികള്‍ സംഘത്തില്‍ ചേരാന്‍ തയാറാണെന്ന് പറഞ്ഞ് മുന്നോട്ട് വന്നതായും സംഘത്തില്‍ ആരെ ഉള്‍പ്പെടുത്തുന്നതിലും സന്തോഷം മാത്രമേ ഉള്ളുവെന്നും സഊദ് പറഞ്ഞു. പരിക്കേറ്റവര്‍ക്ക് പ്രാഥമിക ചികിത്‌സ നല്‍കുന്നതിന് ഈ സംഘത്തിന് ഹമദ് മെഡിക്കല്‍ കോര്‍പറേഷന്‍ സര്‍ട്ടിഫിക്കറ്റ് നല്‍കിയിട്ടുണ്ട്. ഇതിനുള്ള പരിശീലനവും ഇവര്‍ക്ക് ലഭിച്ചിട്ടുണ്ട്.

More

പോളണ്ടിലെ നിര്‍മാണ കമ്പനിയില്‍ ദുരിതം പേറി ഇന്ത്യക്കാരായ തൊഴിലാളികള്‍, രക്ഷകനായി മലയാളി വ്യവസായി

പോളണ്ടില്‍ ബിസിനസ് നടത്തുന്ന പാലക്കാട് സ്വദേശി ചന്ദ്രമോഹന്‍ നല്ലൂര്‍ ആണ് പോളണ്ടിലെ ഏറ്റവും വലിയ നിര്‍മ്മാണ കമ്പനിയായ ഓര്‍ലെനില്‍ ജോലിക്കെത്തിയ മലയാളികള്‍ ഉള്‍പ്പെട്ട നിരവധി ഇന്ത്യന്‍ തൊഴിലാളികളെ ദുരിതത്തില്‍ നിന്നും കരകയറ്റിയത്

Published

on

വാര്‍സൊ: പോളണ്ടില്‍ ദേശീയതലത്തില്‍ ശ്രദ്ധ ആകര്‍ഷിച്ച ഓര്‍ലെന്‍ കേസില്‍ വഴിത്തിരിവായി മലയാളി വ്യവസായിയുടെ ഇടപെടല്‍. പോളണ്ടില്‍ ബിസിനസ് നടത്തുന്ന പാലക്കാട് സ്വദേശി ചന്ദ്രമോഹന്‍ നല്ലൂര്‍ ആണ് പോളണ്ടിലെ ഏറ്റവും വലിയ നിര്‍മ്മാണ കമ്പനിയായ ഓര്‍ലെനില്‍ ജോലിക്കെത്തിയ മലയാളികള്‍ ഉള്‍പ്പെട്ട നിരവധി ഇന്ത്യന്‍ തൊഴിലാളികളെ ദുരിതത്തില്‍ നിന്നും കരകയറ്റിയത്.
ഓര്‍ലെന്‍ നിര്‍മ്മാണ കമ്പനിയില്‍ നിന്നും പുറത്തെത്തിയ മലയാളികളായ തൊഴിലാളികളാണ് ഇന്‍ഡോ പോളിഷ് ചേമ്പറില്‍ ഡയറക്ടര്‍ കൂടിയായ ചന്ദ്രമോഹനെ തൊഴിലാളികള്‍ അനുഭവിക്കുന്ന യാതനകളെക്കുറിച്ചു അറിയിക്കുന്നത്. വിവരങ്ങള്‍ മനസിലാക്കിയ ചന്ദ്രമോഹന്‍ തൊഴിലാളികളെ ജോലിക്കെത്തിച്ച കമ്പനിയുമായി ബന്ധപ്പെട്ടു കാര്യങ്ങള്‍ മനസിലാക്കാന്‍ ശ്രമിച്ചെങ്കിലും, കമ്പനി അധികൃതരുടെ ഭാഗത്തുനിന്നും യാതൊരു തരത്തിലുള്ള പിന്തുണയും ലഭിച്ചില്ല.

അതേസമയം ഓര്‍ലെന്‍ ആയിരകണക്കിന് വിദേശ തൊഴിലാളികള്‍ ജോലി ചെയ്യുന്ന കമ്പനി ആയതുകൊണ്ടും പോളിഷ് സര്‍ക്കാരിന് വലിയ ഷെയര്‍ ഉള്ള കമ്പനിയാണ് എന്നതും ഓര്‍ലെന്‍ കേസിന്റെ ഗൗരവം വര്‍ധിപ്പിച്ചു. അധികൃതര്‍ വഴി ചില ഇടപെടലുകള്‍ നടത്തിയെങ്കിലും ഫലം കാണാതെ വന്ന ചന്ദ്രമോഹന്‍ പോളണ്ടിലെ ഒരു ഇന്‍വെസ്റ്റിഗേറ്റിവ് മാധ്യമത്തെ വിവരം അറിയിച്ചു. വിഷയം ഏറ്റെടുത്ത മാധ്യമം രണ്ടുമാസമായി നടത്തിയ അന്വോഷണത്തില്‍ ശമ്പളം ലഭിക്കാത്തവരുടെയും പറഞ്ഞുറപ്പിച്ച ശമ്പളത്തില്‍ നിന്നും വളരെ താഴ്ന്ന വരുമാനത്തില്‍ പണിയെടുക്കുന്നവരുടെയും, ശോചനീയമായ താമസവും, വിസയും റെസിഡന്‍സ് പെര്‍മിറ്റും പുതുക്കി നല്‍കാതെയും, ഇന്‍ഷുറന്‍സും മറ്റു ആനുകൂല്യങ്ങളും നിഷേധിച്ചും മാസങ്ങളായി നടന്നു വരുന്ന വന്‍തൊഴില്‍ ലംഘനങ്ങളുടെ വിവരങ്ങള്‍ പുറത്തിവിട്ടു.

പരാതിക്കാരെ അന്ന് തെന്നെ പുറത്താക്കി തൊഴിലാളികളുടെ വായ അടപ്പിക്കാനും കമ്പനി ഇതിനിടയില്‍ ശ്രമം നടത്തുകയും ചിലരെ ബൗണ്സര്‍ഴ്‌സിനെ ഉപയോഗിച്ച് ഭയപ്പെടുത്തി ഓടിക്കുകയും ചെയ്തു.

രാജ്യത്തെ പ്രമുഖ മാധ്യമങ്ങള്‍ വിഷയം ഏറ്റെടുത്തതോടെ സര്‍ക്കാര്‍ പ്രശ്നത്തിന് നേരിട്ട് മുന്‍കൈ എടുക്കേണ്ടതായി വന്നു. രാജ്യത്തെ മനുഷ്യാവകാശ കമ്മീഷനും വിഷയത്തില്‍ ഇടപെട്ടതോടെ ഇതൊരു ദേശിയവിഷയമായി ദൃശ്യമാധ്യമങ്ങളില്‍ അവതരിക്കപ്പെട്ടു. ഓര്‍ലെന്‍ കമ്പനി തൊഴിലാളികളെ റിക്രൂട്ട് ചെയ്യാന്‍ നല്‍കിയ ഉപകമ്പനികളാണ് തൊഴിലാളികളെ വഞ്ചിച്ചതെന്നു സര്‍ക്കാര്‍ അന്വേക്ഷണത്തില്‍ ബോധ്യമായി. 358 ഇന്ത്യക്കാരെ റിക്രൂട്ട് ചെയ്തതില്‍ വെറും 114 പേര്‍ക്ക് മാത്രമാണ് നിയമപരമായി രേഖകള്‍ നല്‍കിയിരുന്നത്. ബാക്കിയുള്ളവരാണ് വലിയ തൊഴില്‍ ലംഘനങ്ങള്‍ക്ക് വിധേയമായത്. ഇന്ത്യക്കാരെകൂടാതെ മറ്റു ചില രാജ്യങ്ങളില്‍ നിന്നുള്ള തൊഴിലാളികളും ഉള്‍പ്പെട്ടിരുന്നു.

സര്‍ക്കാര്‍ അന്വേഷണത്തിനൊടുവില്‍ കഴിഞ്ഞ ആഴ്ചയോടു കൂടി റിക്രൂട്ട്മെന്റ് തട്ടിപ്പു നടത്തിയ ഉപകമ്പനികളുടെ ലൈസന്‍സ് റദ്ദാക്കുകയും തൊഴിലാളികളുടെ ശമ്പള കുടിശിക നല്കിയതോടൊപ്പം അവരെ പുനരധിവസിപ്പിക്കാനുള്ള നടപടി സ്വീകരിക്കുകയും ചെയ്തു. പോളണ്ടില്‍ മലയാളി ബിയര്‍ ഉള്‍പ്പെടെ വിവിധ മേഖലയില്‍ പ്രവര്‍ത്തിക്കുന്ന ചന്ദ്രമോഹന്‍ ഇതിനും മുമ്പും പോളണ്ടില്‍ കുടുങ്ങിയ പ്രവാസികളെ സഹായിച്ചിരുന്നു. ഉക്രൈനെ-റഷ്യ യുദ്ധം തുടങ്ങിയ സമയത്ത് പോളണ്ടില്‍ എത്തിയ ആയിരകണക്കിന് ഇന്ത്യന്‍ വിദ്യാര്‍ത്ഥികളെ നാട്ടിലെത്തിക്കാനുള്ള ഹെല്‍പ്‌ഡെസ്‌കിന്റെ ചുമതലയും ചന്ദ്രമോഹനായിരുന്നു.

Continue Reading

india

പ്രജ്വല്‍ രേവണ്ണയുടെ പാസ്‌പോര്‍ട്ട് റദ്ദാക്കാണം; കേന്ദ്രത്തിന് കത്തയച്ച് കര്‍ണാടക സര്‍ക്കാര്‍

കഴിഞ്ഞ 27നാണ് പ്രജ്വല്‍ ജര്‍മനിയിലേക്ക് പോയത്

Published

on

ബെംഗളൂരു: ലൈംഗിക അതിക്രമകേസ് പ്രതി പ്രജ്വല്‍ രേവണ്ണയുടെ നയതന്ത്ര പാസ്‌പോര്‍ട്ട് റദ്ദാക്കാന്‍ ആവശ്യപ്പെട്ട് കര്‍ണാടക സര്‍ക്കാര്‍ കേന്ദ്ര വിദേശകാര്യ മന്ത്രാലയത്തിന് കത്തയച്ചു. ആഭ്യന്തര മന്ത്രി ഡോ. ജി. പരമേശ്വരയാണ് ഇക്കാര്യം അറിയിച്ചത്. പാസ്‌പോര്‍ട്ട് റദ്ദാക്കിയാല്‍ ഇന്ത്യയിലേക്ക് തിരിച്ചുവരാന്‍ പ്രജ്വല്‍ നിര്‍ബന്ധിതനാവുമെന്ന് ആഭ്യന്തര മന്ത്രി പറഞ്ഞു.

കഴിഞ്ഞ 27നാണ് പ്രജ്വല്‍ ജര്‍മനിയിലേക്ക് പോയത്. ലൈംഗിക അതിക്രമകേസ് അന്വേഷിക്കുന്ന എസ്.ഐ.ടി പ്രജ്വലിനോട് ഹാജരാവാന്‍ ആവശ്യപ്പെട്ടെങ്കിലും അദ്ദേഹത്തെക്കുറിച്ച് വിവരമില്ല. എസ്.ഐ.ടി ലുക്ക് ഔട്ട് നോട്ടീസും ഇന്റര്‍പോള്‍ ബ്ലൂ കോര്‍ണര്‍ നോട്ടീസും പുറപ്പെടുവിച്ചിരുന്നു. കഴിഞ്ഞ ദിവസം മടങ്ങി വരുമെന്ന വാര്‍ത്തകള്‍ പ്രചരിച്ചെങ്കിലും പ്രജ്വല്‍ തിരിച്ചെത്തിയില്ല.

മുന്‍ പ്രധാനമന്ത്രിയും ജെ.ഡി.എസ് ആചാര്യനുമായ എച്ച്.ഡി ദേവഗൗഡയുടെ കൊച്ചുമകനാണ് പ്രജ്വല്‍ രേവണ്ണ. ഇവരുടെ വീട്ടില്‍ജോലിക്കാരിയായിരുന്ന 47കാരിയാണ് ആദ്യമായി പരാതിയുമായി രംഗത്തെത്തിയത്. വീട്ടുജോലിക്കാരായ സ്ത്രീകളെ പ്രജ്വലും രേവണ്ണയും ചേര്‍ന്ന് ബലാത്സംഗം ചെയ്യുകയും വീഡിയോ പകര്‍ത്തുകയും ചെയ്‌തെന്നാണ് പരാതിയിലുളളത്. പേടി കാരണം ഇത്രകാലം സഹിച്ച പ്രയാസം പ്രജ്വലിനെതിരെ എസ്.ഐ.ടി അന്വേഷണം ആരംഭിച്ച വേളയില്‍ വെളിപ്പെടുത്തുകയായിരുന്നു. പരാതിയില്‍ ഒരേ സ്ത്രീയെ നിരന്തരം ബലാത്സംഗം ചെയ്യല്‍, അതിക്രമം, പൊതുപ്രവര്‍ത്തകയോട് ലൈഗികവേഴ്ച ആവശ്യപ്പെടുക തുടങ്ങിയ വകുപ്പുകള്‍ പ്രകാരമാണ് എസ്.ഐ.ടി കേസെടുത്തത്.

Continue Reading

kerala

ഇന്നും ശക്തമായ മഴയ്ക്ക് സാധ്യത; 2 ജില്ലകളിൽ റെഡ് അലർട്ട്; 8 ജില്ലകളിൽ ഓറഞ്ച് അലർട്ട്

തിരുവനന്തപുരം, കൊല്ലം, ആലപ്പുഴ, കോട്ടയം, എറണാകുളം, തൃശ്ശൂർ, പാലക്കാട്, മലപ്പുറം എന്നീ 8 ജില്ലകളിൽ ഓറ‍ഞ്ച് അലർട്ടും പ്രഖ്യാപിച്ചിട്ടുണ്ട്

Published

on

സംസ്ഥാനത്ത് അതിതീവ്ര മഴ തുടരുന്നു. ഇന്ന് 14 ജില്ലകളിലും മഴ മുന്നറിയിപ്പുണ്ട്. ബം​ഗാൾ ഉൾക്കടലിൽ ന്യൂനമർദം രൂപപ്പെടാൻ സാധ്യതയെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പുണ്ട്. പത്തനംതിട്ട, ഇടുക്കി ജില്ലകളിൽ റെഡ് അലേർട്ട് തുടരുകയാണ്. തെക്കൻ കേരളത്തിലും മധ്യകേരളത്തിലും മലയോര മേഖലകളിലും മഴ കനക്കാൻ സാധ്യതയുമുണ്ട്.

തിരുവനന്തപുരം, കൊല്ലം, ആലപ്പുഴ, കോട്ടയം, എറണാകുളം, തൃശ്ശൂർ, പാലക്കാട്, മലപ്പുറം എന്നീ 8 ജില്ലകളിൽ ഓറ‍ഞ്ച് അലർട്ടും പ്രഖ്യാപിച്ചിട്ടുണ്ട്. കേരളാ തീരത്ത് ഉയർന്ന തിരമാലകൾക്ക് സാധ്യതയുണ്ട്. മത്സ്യബന്ധനത്തിനുള്ള വിലക്കും തുടരുകയാണ്. അടുത്ത മണിക്കൂറുകളിൽ തെക്ക് പടിഞ്ഞാറൻ ബംഗാൾ ഉൾക്കടലിൽ ന്യൂനമർദ്ദം രൂപപ്പെട്ടേക്കും. പിന്നീട് ഇത് തീവ്രന്യൂനമർദ്ദമായി മാറാൻ സാധ്യതയുണ്ട്.

തിരുവനന്തപുരം, കൊല്ലം, ആലപ്പുഴ, കോട്ടയം, എറണാകുളം, തൃശൂർ, പാലക്കാട്, മലപ്പുറം ജില്ലകളിൽ ഓറഞ്ച് അലർട്ട്. കോഴിക്കോട്, വയനാട്, കണ്ണൂർ, കാസറഗോഡ് ജില്ലകളിൽ യെല്ലോ മുന്നറിയിപ്പും നൽകി. അതിശക്തമായ മഴ രണ്ടുദിവസം കൂടി തുടരും എന്നാണ് പ്രവചനം.ഇടുക്കി പാലക്കാട് ജില്ലകളിൽ നാളെ റെഡ് അലർട്ട് ഉണ്ട്. മഴക്കൊപ്പം ശക്തമായ കാറ്റിനും ഇടിമിന്നലിനും സാധ്യതയുണ്ട്. മലയോര മേഖലകളിൽ ജാഗ്രത തുടരണം.

Continue Reading

Trending