ദമ്മാം : ദമ്മാം കൊണ്ടോട്ടിയൻസ് സൗഹൃദ കൂട്ടായ്മ സംഘടിപ്പിക്കുന്ന പാചക മത്സരം ദമാം റോയൽ മലബാർ റസ്റ്റോറൻറ് ഹാളിൽ വെച്ച് മാർച്ച് ഒന്നിന് വെള്ളിയാഴ്ച ഉച്ചയ്ക്ക് മൂന്ന് മണി മുതൽ വൈകിട്ട് 7 മണി വരെ നടക്കുമെന്ന് സംഘാടകർ അറിയിച്ചു. വിജയികൾക്ക് മടക്കയാത്ര ഉൾപ്പടെ നാട്ടിലേക്കുള്ള വിമാന ടിക്കറ്റ് സമ്മാനമായി ലഭിക്കും.
മത്സരത്തിൽ സ്ത്രീകൾക്കും പുരുഷന്മാർക്കും പങ്കാളികളാകാം.
പരിപാടിയോടനുബന്ധിച്ച് വൈവിധ്യമാർന്ന കലാപരിപാടികളും സാംസ്കാരിക സദസും ഉണ്ടാകും.
സൗദി കിഴക്കൻ പ്രവിശ്യയിലെ രാഷ്ട്രീയ, സാംസ്കാരിക, മാധ്യമ, പൊതുപ്രവർത്തന രംഗത്തെ പ്രമുഖ വ്യക്തിത്വങ്ങൾ പരിപാടിയിൽ പങ്കെടുക്കും.