കോഴിക്കോട്: വടകര പാര്ലമെന്റ് മണ്ഡലത്തിലെ യു.ഡി.എഫ് സ്ഥാനാര്ത്ഥി കെ. മുരളീധരന് നേരെ സി.പി.എം പ്രവര്ത്തകരുടെ കൈയേറ്റ ശ്രമം. തലശ്ശേരിയില് ചൊക്ലി 157ാം ബൂത്തിലാണ് സംഭവം. ബൂത്ത് സന്ദര്ശനത്തിനിടെ സി.പി.എം ഗുണ്ടകള് കെ. മുരളീധരനോട് ഇറങ്ങിപ്പോകാന് ആക്രോശിക്കുകയായിരുന്നു. ഇതില് എതിര്പ്പ് പ്രകടിപ്പിച്ച കെ. മുരളീധരനെതിരെ സി.പി.എമ്മുകാര് തിരിയുകയായിരുന്നു. പരാജയഭീതിയിലായ സി.പി.എം അക്രമത്തിന് മുതിരുകയാണെന്ന് കെ. മുരളീധരന് പ്രതികരിച്ചു. ഇന്ന് പോളിങ് കഴിഞ്ഞാല് അക്രമം അഴിച്ചുവിടാന് സി.പി.എം ശ്രമിക്കുന്നതായും മുരളീധരന് ആരോപിച്ചു. പോളിങ് പരമാവധി സമാധാനാപൂര്ണ്ണമായിരിക്കാന് എല്ലാ പ്രവര്ത്തകരും ശ്രമിക്കണമെന്ന് മുരളീധരന് ആവശ്യപ്പെട്ടു.
കഴിഞ്ഞ ദിവസം ആലത്തൂരിലെ യു.ഡി.എഫ് സ്ഥാനാര്ത്ഥി രമ്യ ഹരിദാസിന് സി.പി.എം പ്രവര്ത്തകരുടെ കല്ലേറില് പരിക്കേറ്റിരുന്നു. കൊട്ടിക്കലാശ ദിവസം മുതല് സംസ്ഥാനത്ത് വ്യാപക സംഘര്ഷം നടത്താനുള്ള ശ്രമത്തിലാണ് സി.പി.എം. തിരുവനന്തപുരത്ത് മുതിര്ന്ന നേതാവായ എ.കെ ആന്റണിയെ വരെ കയ്യേറ്റം ചെയ്യാന് ശ്രമം നടന്നിരുന്നു.