ബ്രസീല്‍ ഫുട്‌ബോള്‍ മുന്‍ സൂപ്പര്‍ താരം ഡാനി ആല്‍വെസിന്റെ ഇതിഹാസ പദവി തിരിച്ചെടുത്ത് ബാഴ്‌സലോണ. ബലാത്സംഗ കേസില്‍ ആല്‍വെസ് ശിക്ഷിക്കപ്പെട്ടതിനു പിന്നാലെയാണ് സ്പാനിഷ് ക്ലബിന്റെ നടപടി.
ബ്രസീലിന്റെയും ബാഴ്‌സലോണയുടെയും എക്കാലത്തെയും മികച്ച താരനിരയില്‍ ഇടം പിടിച്ച താരമാണ് ഡാനി ആല്‍വസ്. ഇതിന്റെ ആദര സൂചകമായാണ് ആല്‍വസിന് ഇതിഹാസ പദവി നല്‍കി ബാഴ്‌സലോണ ആദരിച്ചത്.
2022 ഡിസംബര്‍ 31നാണ് കേസിനാസ്പദമായ സംഭവം. നിശാ ക്ലബില്‍ യുവതിയെ ബലാത്സംഗത്തിനിരയാക്കിയെന്ന ബ്രസീല്‍ മുന്‍ താരത്തിനെതിരെ ആരോപണം ഉയര്‍ന്നു. പിന്നാലെ അറസ്റ്റിലായ താരം കഴിഞ്ഞ വര്‍ഷം മുതല്‍ റിമാന്‍ഡിലായിരുന്നു. കഴിഞ്ഞയാഴ്ച കേസിലെ വിധി വന്നു. നാലു വര്‍ഷവും ആറു മാസവും താരം തടവിന് ശിക്ഷിക്കപ്പെട്ടു.
ബാഴ്‌സലോണക്കുവേണ്ടി മുന്നൂറോളം മത്സരങ്ങളില്‍ താരം കളത്തിലിറങ്ങിയിട്ടുണ്ട്. ബ്രസീല്‍ താരമായി 128 മത്സരങ്ങളിലും ആല്‍വസ് പന്ത് തട്ടി. ബാഴ്‌സലോണക്കൊപ്പം മൂന്ന് ചാമ്പ്യന്‍സ് ലീഗ് താരം സ്വന്തമാക്കിയിരുന്നു.