ഡോക്ടര്‍ വന്ദന കൊലക്കേസില്‍ പൊലീസും ഡോക്ടര്‍മാര്‍ക്കും വീഴ്ച പറ്റിയെന്ന് ആരോഗ്യവകുപ്പിന്റെ അന്വേഷണ റിപ്പോര്‍ട്ട്. സംഭവം തടയുന്നതില്‍ രണ്ട് ഡോക്ടര്‍മാര്‍ക്കും പൊലീസും കുറ്റകരമായ ജാഗ്രതക്കുറവുണ്ടായെന്നാണ് കണ്ടെത്തല്‍. മെഡിക്കല്‍ ഓഫീസറെ ഡോ.വന്ദന കാര്യങ്ങള്‍ ധരിപ്പിക്കാന്‍ പോയ സമയത്താണ് അക്രമം നടന്നതെന്നും റിപ്പോര്‍ട്ട്.
ഹൗസ് സര്‍ജന്‍ ഡോക്ടര്‍ വന്ദനാ ദാസിന്റെ കൊലപാതകവുമായി ബന്ധപ്പെട്ട് കൊല്ലം ഡെപ്യൂട്ടി ഡിഎംഒ സാജന്‍ മാത്യു തയ്യാറാക്കിയ റിപ്പോര്‍ട്ടിലാണ് പൊലീസിനും സംഭവ ദിവസം ഡ്യൂട്ടിലുണ്ടായിരുന്ന 2 ഡോക്ടര്‍മാര്‍ക്കുമെതിരെ ഗുരുതര കണ്ടെത്തലുകള്‍ ഉള്ളത്. ആക്രമണം തടയുന്നതില്‍ രണ്ട് ഡോക്ടര്‍മാര്‍ക്കും പൊലീസിനും കുറ്റകരമായ ജാഗ്രക്കുറവുണ്ടായെന്നാണ് പുതിയ കണ്ടെത്തല്‍.