Connect with us

Culture

കളിക്കളങ്ങള്‍ മാതൃകയാവണം

Published

on

കളിക്കളങ്ങളില്‍ രക്തം ചിന്തരുത് എന്ന മുദ്രാവാക്യത്തിന് കാലപ്പഴക്കമുണ്ട്. പുരാതന ഒളിംപിക്‌സുകളില്‍ മല്ലയുദ്ധങ്ങളും ദ്വന്ദ്വയുദ്ധങ്ങളും മല്‍സരക്കളങ്ങളെ രക്തക്കളങ്ങളായി മാറ്റിയപ്പോള്‍ കായികമെന്നത് രക്തവേദിയല്ല സമാധാന വേദിയാണെന്ന് പ്രഖ്യാപിച്ചത് ആധുനിക ഒളിംപിക്‌സിന്റെ പിതാവായി ഗണിക്കപ്പെടുന്ന ഫ്രഞ്ചുകാരന്‍ പിയറി ഡി ഗോബര്‍ട്ടിനാണ്. മല്‍സരങ്ങളില്‍ വീറും വാശിയും സ്വാഭാവികമാണ്. പക്ഷേ അതെല്ലാം കളിനിയമങ്ങളെ ബഹുമാനിച്ചും പ്രതിയോഗികളെ അംഗീകരിച്ചുമാണ്. വാക്ക് കൊണ്ടോ നോക്ക് കൊണ്ടോ പരസ്പര ശത്രുത പ്രകടിപ്പിക്കരുതെന്ന മുദ്രാവാക്യം എല്ലാ ഗെയിമുകളിലുമുണ്ട്. എന്നാല്‍ സമീപകാലത്തായി നമ്മുടെ മല്‍സരവേദികളില്‍ നടക്കുന്ന ചില പ്രവണതകള്‍ മല്‍സരങ്ങളുടെ അന്തസിനെ ബാധിക്കുന്നു എന്ന് പറയാതെ വയ്യ. ഇന്ത്യയും ഓസ്‌ട്രേലിയയും തമ്മില്‍ സമാപിച്ച ബോര്‍ഡര്‍-ഗവാസ്‌ക്കര്‍ ട്രോഫി ടെസ്റ്റ് പരമ്പരയും ലാറ്റിനമേരിക്കയില്‍ നടന്ന ലോകകപ്പ് ഫുട്‌ബോള്‍ യോഗ്യതാ മല്‍സരങ്ങളും യൂറോപ്യന്‍ ലീഗുകളിലെ താരങ്ങളുടെ വെല്ലുവിളികളും കളിക്കളങ്ങളിലെ സമാധാനത്തെ ഗുരുതരമായി ബാധിക്കുന്നുണ്ട്. ഇന്ത്യയും ഓസ്‌ട്രേലിയയും തമ്മില്‍ നടന്ന ടെസ്റ്റ് പരമ്പര വാര്‍ത്തകളില്‍ സ്ഥാനം നേടിയത് ഇരു ടീമുകളിലെയും താരങ്ങള്‍ തമ്മലുള്ള വാഗ്വാദങ്ങളുടെ പേരിലായിരുന്നു-അതും ക്യാപ്റ്റന്മാര്‍. ക്രിക്കറ്റ് എന്നാല്‍ അത് ഒരു കാലത്ത് ജെന്റില്‍മാന്‍സ് ഗെയിം-അഥവാ മാന്യന്മാരുടെ ഗെയിം എന്ന പേരില്‍ അറിയപ്പെട്ടതാണ്. വെളുത്ത വസ്ത്രങ്ങളില്‍ മാത്രം കളിച്ച സമാധാനത്തിന്റെ കളി. പക്ഷേ ക്രിക്കറ്റ് വെളുപ്പില്‍ നിന്ന് കളറിലേക്ക് മാറിയപ്പോള്‍ ഗെയിമിന്റെ മാന്യതയെല്ലാം ചോര്‍ന്ന് പോയിരിക്കുന്നു. സമീപകാലത്തായി ആ ചോര്‍ച്ചയുടെ ആഴവും വര്‍ധിച്ചിരിക്കുന്നു. ഇന്ത്യ-ഓസ്‌ട്രേലിയ പരമ്പരയിലെ ആദ്യ ടെസ്റ്റ് നടന്ന പൂനെയില്‍ കണ്ടത് ഇന്ത്യന്‍ ക്യാപ്റ്റന്‍ വിരാത് കോലിയും ഓസീസ് നായകന്‍ സ്റ്റീവന്‍ സ്മിത്തും തമ്മിലുള്ള വാദപ്രതിവാദങ്ങളായിരുന്നു. ഈ തുടക്കം പരമ്പരയെ മൊത്തം ബാധിച്ചു. എല്ലാ വേദികളിലും താരങ്ങള്‍ കൊമ്പ് കോര്‍ത്തു. ഒടുവില്‍ പരമ്പര ഇന്ത്യ സ്വന്തമാക്കിയപ്പോള്‍ ഓസ്‌ട്രേലിയന്‍ നായകന്‍ സ്മിത്ത് തന്റെ പെരുമാറ്റത്തില്‍ ഖേദം പ്രകടിപ്പിച്ചു. വിരാത് കോലിയും തന്റെ പെരുമാറ്റത്തെ ന്യായീകരിച്ചുമില്ല. പരമ്പരക്കൊടുവില്‍ വെടി നിര്‍ത്തിയെങ്കിലും കളി തല്‍സമയം വീക്ഷിക്കുന്ന ക്രിക്കറ്റ് പ്രേമികള്‍ക്ക് ടീമിലെ സീനിയര്‍ താരങ്ങള്‍ തമ്മിലുള്ള വഴിവിട്ട പെരുമാറ്റം നല്‍കിയത് നല്ല ചിന്തകളല്ല.

ലോക ഫുട്‌ബോളിനെ നയിക്കുന്ന ഫിഫയുടെ മുദ്രാവാക്യം തന്നെ ഫെയര്‍ പ്ലേ എന്നതാണ്. പക്ഷേ അടുത്ത വര്‍ഷം റഷ്യയില്‍ നടക്കാനിരിക്കുന്ന ലോകകപ്പ് യോഗ്യതാ മല്‍സരങ്ങള്‍ ലാറ്റിനമേരിക്കയില്‍ പുരോഗമിക്കുമ്പോള്‍ കാല്‍പ്പന്ത് ലോകത്തെ വാഴ്ത്തപ്പെട്ട താരമായ സാക്ഷാല്‍ ലിയോ മെസി തന്നെ മോശം പെരുമാറ്റത്തിന് വിലക്കപ്പെട്ട കാഴ്ച്ചയാണ്. അര്‍ജന്റീനയും ചിലിയും തമ്മില്‍ നടന്ന യോഗ്യതാ മല്‍സരത്തിനിടെ ബ്രസീലുകാരനായ ലൈന്‍ റഫറിയോട് മെസി മോശമായി പെരുമാറി എന്നതിന്റെ പേരില്‍ അദ്ദേഹത്തെ നാല് രാജ്യാന്തര മല്‍സരങ്ങളില്‍ നിന്നാണ് ഫിഫ വിലക്കിയിരിക്കുന്നത്. വിലക്ക് പ്രാബല്യത്തില്‍ വന്ന ആദ്യ മല്‍സരത്തില്‍ തന്നെ മെസിയെ കൂടാതെ കളിച്ച അര്‍ജന്റീന ബൊളീവിയയോട് പരാജയപ്പെടുകയും ചെയ്തു. ലാറ്റിനമേരിക്കന്‍ യോഗ്യതാ റൗണ്ടില്‍ നിലവില്‍ അഞ്ചാം സ്ഥാനത്ത് നില്‍ക്കുന്ന അര്‍ജന്റീനക്ക് അടുത്ത വര്‍ഷം ലോകകപ്പ് തന്നെ കളിക്കാനാവുമോ എന്ന ശക്തമായ സംശയവും ഉയരുന്നു. വന്‍കരയില്‍ നിന്നും ആദ്യ നാല് സ്ഥാനക്കാര്‍ക്ക് മാത്രമാണ് നേരിട്ട് യോഗ്യത. അഞ്ചാം സ്ഥാനത്ത് വരുന്നവര്‍ പ്ലേ ഓഫ് കളിക്കണം. മെസിയില്ലാതെയാണ് അടുത്ത മൂന്ന് മല്‍സരങ്ങള്‍ അര്‍ജന്റീന കളിക്കേണ്ടത്. പ്രതിയോഗികളാണെങ്കില്‍ ശക്തരുമാണ്. ഈ സാഹചര്യത്തില്‍ മുന്‍ ലോക ചാമ്പ്യന്മാരുടെ സംഘത്തെ റഷ്യയില്‍ കാണാനാവുമോ എന്ന സംശയം ഉയരുമ്പോള്‍ കളിക്കളത്തിലെ പെരുമാറ്റദൂഷ്യം ഗൗരവതരത്തില്‍ ചര്‍ച്ച ചെയ്യെപ്പടണം.
മെസി ഫുട്‌ബോളിന്റെ ബ്രാന്‍ഡ് അംബാസിഡറാണ്. കളിക്കളത്തില്‍ മാത്രമല്ല പുറത്തും മാന്യനായ താരം. അദ്ദേഹം ഒരു പ്രതിയോഗിയോടും റഫറിയോടും മോശമായി പെരുമാറിയതായി അറിവില്ല. പക്ഷേ ചിലിക്കെതിരായ മല്‍സരം കഴിഞ്ഞ ശേഷം മടങ്ങുമ്പോള്‍ അദ്ദേഹം റഫറിയോട് കയര്‍ക്കുന്നതിന്റെ വിഡീയോ വ്യക്തമാണ്. ഈ വീഡിയോയാണ് അദ്ദേഹത്തെ ചതിച്ചതും. 2006 ലെ ലോകകപ്പ് ഫൈനല്‍ ഫുട്‌ബോള്‍ ലോകം മറന്നിട്ടില്ല. അന്ന് കലാശപ്പോരാട്ടത്തില്‍ ഇറ്റലിയുടെ ഡിഫന്‍ഡര്‍ മാര്‍ക്കോ മറ്റരേസി ഫ്രാഞ്ച് നായകന്‍ സൈനുദ്ദിന്‍ സിദാനെ വാക്കുകളാല്‍ പ്രകോപിതനാക്കുകയും തുടര്‍ന്ന് സിദാന്‍ നടത്തിയ ഹെഡ് ബട്ടില്‍ അദ്ദേഹം തന്നെ ചുവപ്പ് കാര്‍ഡുമായി പുറത്താവുന്നതും എല്ലാവരും കണ്ടതാണ്. സിദാന്റെ നിറമുളള കരിയറിന് അത്തരത്തില്‍ ഒരു സമാപനം ആരും പ്രതീക്ഷിച്ചിരുന്നില്ല. അത് കളിക്കളത്തിലെ താരങ്ങള്‍ തമ്മിലുളള മോശം പെരുമാറ്റത്തിന്റെ ശക്തമായ തെളിവായിരുന്നു. മെസിയെ ആരോ പ്രകോപിപ്പിച്ചോ എന്ന് വ്യക്തമല്ല. പ്രകോപനം കൂടാതെ അദ്ദേഹം കയര്‍ക്കില്ല എന്നതും സത്യം. ഇത്തരത്തിലുള്ള സംഭവങ്ങള്‍ ആവര്‍ത്തിക്കപ്പെടുമ്പോള്‍ അത് കളിക്കളങ്ങളെ മോശമായി ബാധിക്കുമെന്ന യാഥാര്‍ത്ഥ്യം മനസ്സിലാക്കി ഫിഫയും മറ്റ് ഗെയിമുകളുടെ ആഗോള അസോസിയേഷനുകളും കര്‍ക്കശമായി തന്നെ കാര്യങ്ങളെ കാണണം. മെസിയെ പോലെ ഒരു താരത്തിനെതിരെ എടുത്ത നടപടി പക്ഷേ ഗെയിമിനെ തന്നെ ബാധിക്കുമെന്നിരിക്കെ മെസിയെ പോലെ ഒരാള്‍ ഏത് സ്വാധീനത്താലാണ് അത്തരത്തില്‍ പെരുമാറിയതെന്നും പരിശോധിക്കപ്പെടേണ്ടതും ശിക്ഷിക്കപ്പെടേണ്ടുതാണ്. കളിക്കളങ്ങള്‍ എന്നും മാന്യതയുടെ വേദികളാവണം. താരങ്ങള്‍ സൗഹൃദത്തിന്റെ അംബാസിഡര്‍മാരും.

Continue Reading
Advertisement
Click to comment

Leave a Reply

Your email address will not be published. Required fields are marked *

Culture

അരവണ നശിപ്പിക്കാന്‍ ടെന്‍ഡര്‍ ക്ഷണിച്ച് ദേവസ്വം ബോര്‍ഡ്

അരവണ നശിപ്പിക്കാന്‍ ടെന്‍ഡര്‍ ദേവസ്വം ബോര്‍ഡ്. ഏലക്കായി കീടനാശിനി സാന്നിധ്യം കണ്ടെത്തിയതിനെ തുടര്‍ന്ന് ഹൈക്കോടതി വില്‍പ്പന തടഞ്ഞ അരവണയാണ് നശിപ്പിക്കുന്നത്.

Published

on

അരവണ നശിപ്പിക്കാന്‍ ടെന്‍ഡര്‍ ദേവസ്വം ബോര്‍ഡ്. ഏലക്കായി കീടനാശിനി സാന്നിധ്യം കണ്ടെത്തിയതിനെ തുടര്‍ന്ന് ഹൈക്കോടതി വില്‍പ്പന തടഞ്ഞ അരവണയാണ് നശിപ്പിക്കുന്നത്. അഞ്ചു കോടിയില്‍ അധികം രൂപയുടെ അരവണയാണ് നശിപ്പിക്കേണ്ടത്. അരവണ ശാസ്ത്രീയമായി നശിപ്പിക്കാനാണ് ഏജന്‍സികളില്‍ നിന്ന് താല്പര്യപത്ര ക്ഷണിച്ചിരിക്കുന്നത്.

വന്യമൃഗങ്ങള്‍ ഉള്ളതിനാല്‍ പമ്പയ്ക്ക് പുറത്ത് എത്തിച്ച് അരവണ നശിപ്പിക്കണം. അരവണ ടിന്നുകളില്‍ അയ്യപ്പന്റെ ചിത്രം ഉള്ളതിനാല്‍ വിശ്വാസത്തിനു മുറിവ് ഏല്പ്പ്പിക്കാത്ത രീതിയില്‍ നശിപ്പിക്കണം എന്നും ടെന്‍ഡര്‍ നോട്ടീസില്‍ ദേവസ്വം ബോര്‍ഡ് പറയുന്നു. ആരോഗ്യ, പരിസ്ഥിതി സുരക്ഷാ നടപടികള്‍ പാലിച്ചുകൊണ്ടായിരിക്കണം ഇതിനുള്ള നടപടികള്‍ സ്വീകരിക്കേണ്ടത്.

ആകെ 6,65,127 ടിന്നുകളുണ്ട്. 21-ാം തീയതി വൈകുന്നേരം വരെയാണ് ടെണ്ടര്‍ സമര്‍പ്പിക്കാനുള്ള തീയതി. കരാര്‍ ലഭിച്ചാല്‍ 45 ദിവസത്തിനകം നടപടികള്‍ പൂര്‍ത്തിയാക്കണം. ശാസ്ത്രീയ വൈദഗ്ദ്യമുള്ള സ്ഥാപനങ്ങളില്‍ നിന്നാണ് തിരുവിതാംകൂര്‍ ദേവസ്വം ബോര്‍ഡ് താത്പര്യപത്രം ക്ഷണിച്ചത്. വിശദാംശങ്ങള്‍ വെബ്‌സൈറ്റില്‍ പ്രസിദ്ധീകരിക്കുകയും ചെയ്തു.

Continue Reading

Film

‘കൃത്യമായ രാഷ്ട്രീയ വീക്ഷണവും അഭിനയബോധവുമുള്ള മമ്മൂട്ടിയെ സംഘ്പരിവാർ ശക്തികൾ എത്ര ചാപ്പ കുത്താൻ ശ്രമിച്ചാലും നടക്കില്ല’: കെ.സി. വേണുഗോപാൽ

Published

on

കോഴിക്കോട്: സംഘ്പരിവാർ വിദ്വേഷ പ്രചാരണത്തിനും സൈബർ ആക്രമണത്തിനും ഇരയായ നടൻ മമ്മൂട്ടിക്ക് പിന്തുണയുമായി എ.ഐ.സി.സി ജനറൽ സെക്രട്ടറി കെ.സി. വേണുഗോപാൽ എം.പി. കൃത്യമായ രാഷ്ട്രീയ വീക്ഷണവും അഭിനയബോധവുമുള്ള മമ്മൂട്ടിയെ സംഘ്പരിവാർ ശക്തികൾ എത്ര ചാപ്പ കുത്താൻ ശ്രമിച്ചാലും കേരളത്തിന്‍റെ മതേതര സമൂഹം കൂട്ടുനിൽക്കില്ല. വിദ്വേഷ പ്രചാരണങ്ങളുടെ വിഷമേൽക്കാതെ മമ്മൂട്ടിയെ പൊതിഞ്ഞുപിടിക്കേണ്ടത് കേരളമാണെന്നും അതിന് രാഷ്ട്രീയത്തിന്‍റെ നിറം വേണ്ടെന്നും കെ.സി. വേണുഗോപാൽ ഫേസ്ബുക്കിൽ കുറിച്ചു.

കെ.സി. വേണുഗോപാലിന്‍റെ ഫേസ്ബുക്ക് പോസ്റ്റ്:

സത്യൻ മാഷിന്റെ അവസാന സിനിമയായ ‘അനുഭവങ്ങൾ പാളിച്ചകളി’ൽ മിനിറ്റുകൾ മാത്രമുള്ള ഒരു കുഞ്ഞുസീനിൽ നടൻ ബഹദൂറിന്റെ അരികിൽ ആദ്യമായി വെള്ളിവെളിച്ചത്തിൽ അങ്കലാപ്പോടെ നിന്ന ഇരുപതുകാരൻ പയ്യനിൽ നിന്നാണ് മലയാള സിനിമയുടെ ശബ്ദവും മുഖവുമായി അയാൾ മാറിയത്. തന്റെ അരനൂറ്റാണ്ട് അഭിനയകാലത്തിൽ മലയാള സിനിമയ്ക്ക് ലോക സിനിമയുടെ നെറുകയിൽ മനോഹരമായ മേൽവിലാസം നൽകിയ അഭിനേതാക്കളുടെ കൂട്ടത്തിൽ നിൽപ്പുണ്ട് മമ്മൂട്ടി എന്ന പേര്.ആ മനുഷ്യനെ ഒരു മതത്തിന്റെയും ജാതിയുടെയും ചട്ടക്കൂടുകളിലേക്ക് കെട്ടിയിടാൻ കഴിയില്ല.

മലയാളസിനിമ അതിന്റെ വളര്‍ച്ചയുടെ ചരിത്രസന്ധികളിലൂടെ കടന്നുപോകുമ്പോള്‍ പലപ്പോഴുമതിനെ ഒറ്റയ്ക്ക് ചുമലിലേറ്റി പരാധീനതകളെ മറികടക്കാന്‍ മമ്മൂട്ടി എന്ന അഭിനേതാവിനു കഴിഞ്ഞിരുന്നു. ഒരേസമയം ഭാസ്‌കര പട്ടേലരില്‍ അധികാര രൂപമാകാനും ‘പൊന്തന്‍മാട’യില്‍ അടിയാളരൂപമാകാനും കഴിഞ്ഞിട്ടുണ്ട് മമ്മൂട്ടിക്ക്. ആ മനുഷ്യനെ ഒരു മതത്തിന്റെയും ജാതിയുടെയും ചട്ടക്കൂടുകളിലേക്ക് കെട്ടിയിടാൻ കഴിയില്ല. അതിന് മുതിരുന്നത് കൃത്യമായ രാഷ്ട്രീയ ലക്ഷ്യമുള്ളവർ മാത്രമാണ്. മമ്മൂട്ടി ഇന്നും മുഹമ്മദ്‌ കുട്ടിയാവുന്നത് ആ വിദ്വേഷ പ്രചാരകരുടെ മനസ്സിലെ വെറുപ്പിൽ നിന്നുടലെടുക്കുന്നതാണ്.

കൃത്യമായ രാഷ്ട്രീയ വീക്ഷണവും അഭിനയബോധവുമുള്ള വ്യക്തിയെ എത്രയൊക്കെ ചാപ്പ കുത്താൻ ശ്രമിച്ചാലും കേരളത്തിന്റെ മതേതര സമൂഹം അതിന് കൂട്ടുനിൽക്കില്ല. അമ്പത് വർഷക്കാലം മലയാളി ഊണിലും ഉറക്കത്തിലും കേട്ട ശബ്ദവും കണ്ട മുഖവും മമ്മൂട്ടിയുടേതാണ്, ആ മമ്മൂട്ടിയുടെ ജാതിയും മതവും അടിമുടി സിനിമ തന്നെയാണ്. വിദ്വേഷ പ്രചാരണങ്ങളുടെ വിഷമേൽക്കാതെ മലയാളത്തിന്റെ മമ്മൂട്ടിയെ പൊതിഞ്ഞുപിടിക്കേണ്ടത് കേരളമാണ്. അതിന് രാഷ്ട്രീയത്തിന്റെ നിറമില്ല, നിറം വേണ്ട. മമ്മൂട്ടി എന്നൊരൊറ്റക്കാരണം മതി.

Continue Reading

Culture

സ്ഥാനക്കയറ്റം നൽകുന്നില്ല; മിൽമ പ്ലാൻറുകളിൽ ജീവനക്കാരുടെ സമരം

: മിൽമ തെക്കൻ മേഖലയിലെ പ്ലാൻറുകളിൽ ജീവനക്കാരുടെ സമരം.തിരുവനന്തപുരത്തും കൊല്ലത്തും പത്തനംതിട്ടയിലുമാണ് മിൽമ പ്ലാൻറുകളിൽ ഐഎൻടിയുസിയും സിഐടിയും ഉൾപ്പെടെയുള്ള തൊഴിലാളികൾ സമരം ചെയ്യുന്നത്

Published

on

തിരുവനന്തപുരം: മിൽമ തെക്കൻ മേഖലയിലെ പ്ലാൻറുകളിൽ ജീവനക്കാരുടെ സമരം.തിരുവനന്തപുരത്തും കൊല്ലത്തും പത്തനംതിട്ടയിലുമാണ് മിൽമ പ്ലാൻറുകളിൽ ഐഎൻടിയുസിയും സിഐടിയും ഉൾപ്പെടെയുള്ള തൊഴിലാളികൾ സമരം ചെയ്യുന്നത്.തൊഴിലാളികളുടെ സ്ഥാനക്കയറ്റവുമായി ബന്ധപ്പെട്ട വിഷയത്തിലാണ് സമരം ആരംഭിച്ചത്.

ഉയർന്ന തസ്തതികയിൽ ഉള്ളവർക്ക് മാത്രം സ്ഥാനക്കയറ്റം നൽകുന്നുവെന്നും നാലുവർഷമായി സാധാരണ ജീവനക്കാർക്ക് സ്ഥാനക്കയറ്റം നൽകുന്നില്ലെന്നും ആരോപിച്ചാണ് തൊഴിലാളി സംഘടനകൾ സംയുക്ത സമരം ആരംഭിച്ചത്. തിരുവനന്തപുരം അമ്പലത്തറയിലും കൊല്ലം തേവള്ളിയിലും പത്തനംതിട്ടയിലും ഐഎൻടിയുസി, സിഐടിയു പ്രവർത്തകർ രാവിലെ ആറു മണി മുതൽ സമരം ആരംഭിച്ചു. നേരത്തെ മിൽമ ഭരിച്ച കണ്ടല സഹകരണ ബാങ്ക് തട്ടിപ്പ് പ്രതി ഭാസുരാംഗൻറെ നേതൃത്വത്തിലുള്ള അഡ്മിനിസ്ട്രേറ്റീവ് ഭരണസമിതി ആണ് ജീവനക്കാർക്കെതിരെ എല്ലാ അട്ടിമറികളും നടത്തിയതെന്ന ആരോപണമാണ് ഇവർ ഉയർത്തുന്നത്.

പാലുമായി പോകേണ്ട ലോറികൾ ജീവനക്കാർ തടഞ്ഞിരിക്കുകയാണ്. രാവിലെ ആറുമണിവരെ പാലുമായി ലോറികൾ പോയതുകൊണ്ട് രാവിലെ പാൽ ക്ഷാമം നേരിട്ടിരുന്നില്ല. എന്നാൽ 11 മണി കഴിഞ്ഞതോടെ തിരുവനന്തപുരം, കൊല്ലം, പത്തനംതിട്ട ജില്ലകളിൽ പാൽ ക്ഷാമം നേരിട്ടുതുടങ്ങി. പ്രശ്‌നം ഉടനടി പരിഹരിച്ചില്ലെങ്കിൽ മൂന്നു ജില്ലകളിലും പാൽ ക്ഷാമം രൂക്ഷമാകും. തങ്ങൾക്കെതിരെ എടുത്തിരിക്കുന്ന കള്ളക്കേസുകൾ പിൻവലിച്ചുകൊണ്ട് പ്രശ്‌നപരിഹാരത്തിന് മാനേജ്മെന്റെ അടിയന്തരമായി ചർച്ച നടത്തണമെന്ന ആവശ്യമാണ് തൊഴിലാളി സംഘടനകൾ മുന്നോട്ടുവെക്കുന്നത്.

Continue Reading

Trending