അബുദാബി: ഗതാഗത പിഴകള്‍ക്ക് അനുവദിച്ചിട്ടുള്ള ഇളവുകള്‍ ജനുവരി 6ന് അവസാനിക്കുമെന്ന് അജ്മാന്‍ പൊലീസ് അറിയിച്ചു. 2022 നവംബര്‍ 21 മുതലാണ് അജ്മാന്‍ പൊലീസ് ഗതാഗത പിഴകള്‍ക്ക് ഇളവ് നല്‍കിയത്.
യുഎഇ ദേശീയദിനാഘോഷത്തോടനുബന്ധിച്ചാണ് ഗതാഗത പിഴകള്‍ക്ക് 50ശതമാനം ഇളവ് അനുവദിച്ചുകൊണ്ട് വിവിധ എമിറേറ്റുകളില്‍ ഉത്തരവ് പുറപ്പെടുവിച്ചത്. ഷാര്‍ജ, റാസല്‍ഖൈമ,ഫുജൈറ,ഉമ്മുല്‍ഖുവൈന്‍ എന്നീ എമിറേറ്റുകളിലും ഇളവ് അനുവദിച്ചിരുന്നു. അബുദാബിയില്‍ നേരത്തെത്തന്നെ ഇളവ് നിലവിലുണ്ട്.
നിരവധിപേരാണ് ഇളവ് ആനുകൂല്യം പ്രയോജനപ്പെടുത്തിയത്. അനുവദിച്ചതില്‍ കവിഞ്ഞ വേഗത്തില്‍ വാഹനമോടിച്ചതിനാണ് പലര്‍ക്കും കൂടുതല്‍ പിഴ അടയ്‌ക്കേണ്ടി വരുന്നത്. വിവിധ റോഡുകളില്‍ വേഗനിയന്ത്രണം വളരെ കര്‍ശനമായാണ് നടപ്പാക്കിയിട്ടുള്ളത്.