News
ചന്ദ്രയാന്‍ 3 അമ്പിളിയെ തൊടാന്‍ ഇനി അഞ്ചു ദിവസം
പ്രപ്പല്‍ഷന്‍ മൊഡ്യൂളില്‍ നിന്ന് വിജയകരമായി വേര്‍പ്പെട്ട് ചന്ദ്രയാന്‍ 3 ഒരു നിര്‍ണായക ഘട്ടം കൂടി കടന്നു.
ബെംഗളൂരു: പ്രപ്പല്‍ഷന്‍ മൊഡ്യൂളില്‍ നിന്ന് വിജയകരമായി വേര്‍പ്പെട്ട് ചന്ദ്രയാന്‍ 3 ഒരു നിര്‍ണായക ഘട്ടം കൂടി കടന്നു. അമ്പിളിയെ തൊടാനുള്ള കാത്തിരിപ്പിന് ഇനി അഞ്ചു ദിവസം മാത്രം. ആഗസ്ത് 23നാണ് ചന്ദ്രയാന്‍ 3 ചന്ദ്രോപരിതലത്തിലിറങ്ങുന്ന ചരിത്ര മുഹൂര്‍ത്തം. ഭൂമിയില്‍ നിന്ന് കുതിച്ചുയര്‍ന്നതു മുതല്‍ ഇതുവരേയുള്ള പേടകത്തിന്റെ യാത്രയകളെ നിയന്ത്രിച്ചിരുന്നത് പ്രപ്പല്‍ഷന്‍ മൊഡ്യൂള്‍ ആയിരുന്നു.
ചന്ദ്രനോട് ഏറ്റവും അടുത്ത അഞ്ചാമത്തെ ഭ്രമണ പഥത്തിലേക്ക് ഈ മാസം 16നാണ് പ്രപ്പല്‍ഷന്‍ മൊഡ്യുള്‍ പേടകത്തെ എത്തിച്ചത്. ഇതോടെ വിക്രം എന്ന പേരില്‍ അറിയപ്പെടുന്ന ലാന്‍ഡറും പ്രജ്ഞാന്‍ എന്ന പേരിലുള്ള റോവറും അടങ്ങുന്ന ചന്ദ്രയാന്‍ 3നെ വഹിക്കുന്നതിനുള്ള പ്രപ്പല്‍ഷന്‍ മൊഡ്യൂളിന്റെ ദൗത്യം പൂര്‍ത്തിയായി. തുടര്‍ന്നാണ് പേടകത്തെ വേര്‍പ്പെടുത്തിയത്.
പ്രപ്പല്‍ഷന്‍ മൊഡ്യൂള്‍ മാസങ്ങളോ വര്‍ഷങ്ങളോ ചന്ദ്രന്റെ ഭ്രമണ പഥത്തെ വലംവച്ചു കൊണ്ടിരിക്കുമെന്നാണ് ഐ.എസ്.ആര്‍.ഒ നല്‍കുന്ന വിവരം. അതേസമയം ലാന്‍ഡറും റോവറും അടങ്ങുന്ന ചന്ദ്രയാന്‍ 3 ഇന്ന് പുതിയ ലക്ഷ്യത്തിലേക്കുള്ള പ്രയാണം തുടങ്ങും. 150 കിലോമീറ്റര്‍ അകലെയുള്ള ചന്ദ്രന്റെ ഭ്രമണ പഥത്തില്‍ വലംവച്ചു കൊണ്ടിരിക്കുന്ന ചന്ദ്രയാന്‍ 3നെ ചന്ദ്രനോട് കൂടുതല്‍ അടുപ്പിക്കുന്നതാണ് അടുത്ത ഘട്ടം. ഇന്ന് വൈകീട്ട് നാലു മണിക്കാണ് ഇതിനുള്ള കുതിപ്പ് തുടങ്ങുക.
kerala
സ്‌കൂള്‍ പ്രവേശനോത്സവത്തില്‍ വിശിഷ്ടാതിഥിയായി എത്തിയത് പോക്‌സോ കേസ് പ്രതി മുകേഷ് എം നായര്‍
കേസുമായി ബന്ധപ്പെട്ട അന്വേഷണം പുരോഗമിക്കുന്നതിനിടെയാണ് മുകേഷ് നായര്‍ ഫോര്‍ട്ട് ഹൈസ്‌കൂളില്‍ പ്രവേശനോത്സവത്തില്‍ പങ്കെടുത്തത്.
തിരുവനന്തപുരത്ത് സ്‌കൂള്‍ പ്രവേശനോത്സവത്തിന് വിശിഷ്ടാതിഥിയായി എത്തിയത് പോക്‌സോ കേസ് പ്രതി. വ്‌ലോഗര്‍ മുകേഷ് എം നായരാണ് തിങ്കളാഴ്ച രാവിലെ സ്‌കൂളിലെ പ്രവേശനോത്സവ ചടങ്ങില്‍ പങ്കെടുത്തത്.
റീല്‍സ് ചിത്രീകരണത്തിനിടെ കോവളത്തെ റിസോര്‍ട്ടില്‍ വെച്ച് പ്രായപൂര്‍ത്തിയാകാത്ത പെണ്‍കുട്ടിക്ക് നേരെയുണ്ടായ അധിക്രമത്തില്‍ കുട്ടിയുടെ മാതാപിതാക്കള്‍ നല്‍കിയ പരാതിയുടെ അടിസ്ഥാനത്തില്‍ മുകേഷ് എം നായര്‍ക്കെതിരെ പോക്‌സോ കേസ് രജിസ്റ്റര്‍ ചെയ്തിരുന്നു.
കേസുമായി ബന്ധപ്പെട്ട അന്വേഷണം പുരോഗമിക്കുന്നതിനിടെയാണ് മുകേഷ് നായര്‍ ഫോര്‍ട്ട് ഹൈസ്‌കൂളില്‍ പ്രവേശനോത്സവത്തില്‍ പങ്കെടുത്തത്. എന്നാല്‍ മുകേഷ് വരുന്ന കാര്യം അറിയില്ലായിരുന്നുവെന്നും സ്‌കൂളുമായി സഹകരിച്ച് പ്രവര്‍ത്തിക്കുന്ന ഒരു സംഘടനയാണ് പരിപാടിക്കിടയില്‍ മുകേഷിനെ കൊണ്ടുവന്നതെന്നുമാണ് പ്രധാന അധ്യാപകന്റെ വിശദീകരണം.
kerala
ഒറ്റപ്പെട്ട ശക്തമായ മഴയ്ക്ക് സാധ്യത; നാല് ജില്ലകളില്‍ യെല്ലോ അലര്‍ട്ട്
24 മണിക്കൂറില്‍ 64.5 മില്ലിമീറ്റര്‍ മുതല്‍ 115.5 മില്ലിമീറ്റര്‍ വരെ മഴ ലഭിക്കാന്‍ സാധ്യതയുണ്ട്.
സംസ്ഥാനത്ത് ഇന്ന് ഒറ്റപ്പെട്ട ഇടങ്ങളില്‍ ശക്തമായ മഴയ്ക്ക് സാധ്യത. കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളില്‍ യെല്ലോ അലര്‍ട്ട് പ്രഖ്യാപിച്ചു. 24 മണിക്കൂറില്‍ 64.5 മില്ലിമീറ്റര്‍ മുതല്‍ 115.5 മില്ലിമീറ്റര്‍ വരെ മഴ ലഭിക്കാന്‍ സാധ്യതയുണ്ട്. മണിക്കൂറില്‍ 35 മുതല്‍ 55 കിലോമീറ്റര്‍ വരെ വേഗതയില്‍ ശക്തമായ കാറ്റിനും മോശം കാലാവസ്ഥയ്ക്കും സാധ്യതയുള്ളതിനാല്‍ ഇന്ന് കര്‍ണാടക തീരങ്ങളില്‍ മത്സ്യബന്ധനത്തിന് വിലക്കേര്‍പ്പെടുത്തി.
kerala
പ്ലസ് വണ്‍ പ്രവേശനം ഇന്ന് മുതല്‍
ആദ്യ അലോട്ട്‌മെന്റില്‍ പ്രവേശനം ലഭിച്ചവര്‍ക്ക് രാവിലെ 10 മണി മുതല്‍ വ്യാഴാഴ്ച വൈകിട്ട് 5 മണി വരെ പ്രവേശനം നേടാം.
സംസ്ഥാനത്ത് ഈ വര്‍ഷത്തെ പ്ലസ് വണ്‍ പ്രവേശനം ഇന്ന് മുതല്‍ ആരംഭിക്കും. ആദ്യ അലോട്ട്‌മെന്റില്‍ പ്രവേശനം ലഭിച്ചവര്‍ക്ക് രാവിലെ 10 മണി മുതല്‍ വ്യാഴാഴ്ച വൈകിട്ട് 5 മണി വരെ പ്രവേശനം നേടാം.
പത്താം ക്ലാസ് യോഗ്യത സര്‍ട്ടിഫിക്കറ്റിന്റെ സ്വയം സാക്ഷ്യപ്പെടുത്തിയ പകര്‍പ്പ് പ്രവേശനത്തിന് ആവശ്യമാണ്. അലോട്ട്‌മെന്റ് ലിസ്റ്റില്‍ ഉള്‍പ്പെട്ടവര്‍ സ്ഥിരം പ്രവേശനമൊ, താല്‍ക്കാലിക പ്രവേശനമോ നേടണം. താല്‍ക്കാലിക പ്രവേശനം നേടുന്നവര്‍ ഫീസ് അടയ്‌ക്കേണ്ടതില്ല. രണ്ടാംഘട്ട അലോട്ട്‌മെന്റ് ലിസ്റ്റ് ജൂണ്‍ 10നും, മൂന്നാം ഘട്ട അലോട്ട്‌മെന്റ് ലിസ്റ്റ് 16 നും പ്രസിദ്ധീകരിക്കും. 18നാണ് ഈ അധ്യായന വര്‍ഷത്തെ പ്ലസ് വണ്‍ ക്ലാസുകള്‍ ആരംഭിക്കുക.
-
kerala2 days agoസ്വകാര്യ ബസുകള് അനിശ്ചിതകാല സമരത്തിലേക്ക്
-
india2 days agoസംസ്ഥാനത്ത് വീണ്ടും കോവിഡ് മരണം; 24 വയസ്സുകാരി മരിച്ചു
-
GULF3 days agoഎംബിസെഡ്-അല്വര്ഖ റോഡ് ഉടനെ തുറക്കും; യാത്രാസമയം മൂന്നര മിനുട്ടായി ചുരുങ്ങും
-
india2 days agoഫലസ്തീന് അനുകൂല പ്രസംഗം; ഇന്ത്യന് വംശജയായ വിദ്യാര്ത്ഥിയെ ബിരുദദാന ചടങ്ങില്‍ നിന്ന് എംഐടി വിലക്കി
-
kerala2 days agoവീട്ടില് അതിക്രമിച്ചു കയറി യുവതിയെ പീഡിപ്പിക്കാന് ശ്രമം; പ്രതി അറസ്റ്റില്
-
india19 hours agoഅണ്ണാ സര്വകലാശാല ലൈംഗികാതിക്രമക്കേസ്: പ്രതിയ്ക്ക് ജീവപര്യന്തം
-
india19 hours agoപ്രതിഷേധം ഫലം: അടിമാലി സര്ക്കാര് സ്‌കൂളിലെ ഇംഗ്ലീഷ് മീഡിയം തുടരാന് തീരുമാനം
-
india21 hours agoഒരു മുസ്ലിമിനെയും ജിമ്മില് പ്രവേശിപ്പിക്കരുത്: വിദ്വേഷ പരാമര്ശവുമായി ഭോപ്പാല് സബ് ഇന്സ്പെക്ടര്