സൗജന്യമായി തൊഴില്‍ പരിശീലനം നേടാം

പുതുസംരംഭകര്‍ ആഗ്രഹിക്കുന്ന ഒരു പ്രധാന കാര്യമാണു സാങ്കേതിക തൊഴില്‍ പരിശീലനം. സൗജന്യമായി തൊഴില്‍ പരിശീലനം നല്‍കുന്ന കേന്ദ്രങ്ങള്‍ ലീഡ് ബാങ്കുകളുടെ മേല്‍നോട്ടത്തില്‍ എല്ലാ ജില്ലകളിലും പ്രവര്‍ത്തിക്കുന്നുണ്ട്. ആര്‍-സെറ്റി അഥവാ ഗ്രാമീണ സ്വയം തൊഴില്‍ പരിശീലന കേന്ദ്രം (R SETI Rural Self Employment Training Institute) എന്നറിയപ്പെടുന്ന ഇവ ആര്‍ക്കും പ്രയോജനപ്പെടുത്താം.

6 ദിവസം മുതല്‍ 45 ദിവസം വരെ നീണ്ടുനില്‍ക്കുന്നതാണ് കോഴ്‌സുകള്‍. ഏതാനും കോഴ്‌സുകളിലേക്കു പൊതുവായും അപേക്ഷകരുടെ ആവശ്യമനുസരിച്ച് പ്രത്യേകമായും പരിശീലനം ആസൂത്രണം ചെയ്തു നടപ്പാക്കുന്നു.

പൊതുവായി നല്‍കുന്ന പരിശീലനങ്ങള്‍

പൊതുവായി ജില്ല തോറും നടപ്പാക്കിവരുന്ന കോഴ്‌സുകള്‍ (ബ്രാക്കറ്റില്‍ ദൈര്‍ഘ്യം-ദിവസം) ഫൊട്ടോഗ്രഫി/വീഡിയോഗ്രഫി (30), മൊബൈല്‍ ഫോണ്‍ റിപ്പയറിങ് (30), അഗര്‍ബത്തി നിര്‍മ്മാണം (10), ഡയറി/വെര്‍മി കംപോസ്റ്റ് (10), ബ്യൂട്ടി ക്ലിനിക് (30), പേപ്പര്‍ കവര്‍/എന്‍വലപ് (10), വെല്‍ഡിങ്/ഫെബ്രിക്കേഷന്‍ (30), മെന്‍സ് ടൈലറിങ് (30), എംബ്രോയിഡറി/ഫേബ്രിക് പെയിന്റിങ് (30), ആഭരണ നിര്‍മ്മാണം (13), ഇരുചക്ര വാഹന മെക്കാനിസം (30), ഹോര്‍ട്ടികള്‍ച്ചര്‍ (13), വീട് വയറിങ് (30), മെന്‍സ് ബ്യൂട്ടി ക്ലിനിക്/സലൂണ്‍ (30), ടി.വി. ടെക്‌നീഷ്യന്‍ (30), വീട് പെയിന്റിങ് (10), കളിപ്പാട്ട നിര്‍മ്മാണം (13), ആടു വളര്‍ത്തല്‍ (10), കംപ്യൂട്ടറൈസ്ഡ് അക്കൗണ്ടിങ് (30), ചണ ഉല്‍പന്നങ്ങള്‍ (13), കോഴി വളര്‍ത്തല്‍ (10), പപ്പടം/അച്ചാര്‍, മസാലപ്പൊടികള്‍ (10), ഔഷധ സസ്യപരിപാലനം (10), റബ്ബര്‍ ടാപ്പിങ് (10), ഫാസ്റ്റ് ഫുഡ് (10), വനിതകള്‍ക്ക് തയ്യല്‍ (30), ഉഠജ (45), കംപ്യൂട്ടര്‍ ഹാര്‍ഡ്‌വെയര്‍ (45), മെഴുകുതിരി നിര്‍മാണം (10), സംരംഭകത്വ വികസന പരിപാടി (10), പന്നിവളര്‍ത്തല്‍ (10), പ്ലമിങ് & സാനിറ്ററി (30), റഫ്രിജറേഷന്‍ ആന്‍ഡ് എയര്‍കണ്ടീഷനിങ് (30), നഴ്‌സറി (10), തേനീച്ച വളര്‍ത്തല്‍ (10), ട്രാവല്‍ ആന്‍ഡ് ടൂറിസം (10), കൂണ്‍ വളര്‍ത്തല്‍ (10), ആയ പരിശീലനം (10), പോളി ഹൗസ് (10), അലുമിനിയം ഫാബ്രിക്കേഷന്‍ (30), ബേക്കറി (30), ഫോട്ടോ ഫ്രെയിമിങ്/ലാമിനേഷന്‍/സ്‌ക്രീന്‍ പ്രിന്റിങ് (10), മേയ്‌സന്‍ വര്‍ക്ക് (10), കാര്‍പെന്ററി (30), ഇഇഠഢ ക്യാമറ ഓപ്പറേഷന്‍സ് (13), ഫിഷ് ഫാമിങ് (10), ഷോപ്പ് കീപ്പര്‍ (10).

മതിയായ അപേക്ഷകരെ ലഭിച്ചാല്‍ മാത്രമേ ബാച്ചുകളായി പരിശീലന പരിപാടി ആവിഷ്‌കരിക്കുകയുള്ളൂ. കുറഞ്ഞത് 25-30 പേര്‍ വേണം. ഈ കേന്ദ്രങ്ങളില്‍ പരിശീലനം മാത്രമല്ല അതിനോടനുബന്ധിച്ചുള്ള സൗകര്യങ്ങളും സൗജന്യമായി ലഭിക്കും. സാധാരണ 9 മുതല്‍ വൈകിട്ട് 5 വരെയാണു പരിശീലനം. ഭക്ഷണത്തോടൊപ്പം താമസ സൗകര്യവും ഉണ്ട്. അതും സൗജന്യം. 18-45 വയസ്സാണ് സാധാരണ പ്രായപരിധി. എന്നാല്‍ പ്രത്യേക പരിശീലന പരിപാടികള്‍ക്ക് ഇതില്‍ ഇളവ് അനുവദിക്കുന്നു. പരിശീലന പരിപാടി പൂര്‍ത്തീകരിക്കുന്നവര്‍ക്ക് സ്വന്തം നിലയില്‍ സംരംഭങ്ങള്‍ തുടങ്ങുന്നതിനോ തൊഴില്‍ കണ്ടെത്തുന്നതിനോ ആവശ്യമായ സഹായങ്ങളും ആര്‍-സെറ്റികള്‍ നല്‍കിവരുന്നു.

ജില്ലയും ലീഡ് ബാങ്കും ആര്‍-സെറ്റി ഫോണ്‍ നമ്പറും:

തിരുവനന്തപുരം: (ഇന്ത്യന്‍ ഓവര്‍സീസ് ബാങ്ക്), 0471-2322430.
കൊല്ലം (സിന്‍ഡിക്കറ്റ് ബാങ്ക്), 0474-2537141, 9495245002.
പത്തനംതിട്ട (സ്‌റ്റേറ്റ് ബാങ്ക് ഓഫ് ഇന്ത്യ) 0468-2270244, 9847514259.
ആലപ്പുഴ (എസ്ബിഐ) 0477-2292427, 9446283414.
കോട്ടയം (എസ്ബിഐ) 0481-2303306, 9446481957.
ഇടുക്കി (യൂണിയന്‍ ബാങ്ക് ഓഫ് ഇന്ത്യ) 04868-234567, 9495590779.
എറണാകുളം (യൂണിയന്‍ ബാങ്ക്) 0484-2529344, 9946899705.
തൃശൂര്‍ (കാനറ ബാങ്ക്) 0487-2694412, 9447196324.
പാലക്കാട് (കാനറ) 0466-2285554, 9846917931.
മലപ്പുറം (കാനറ) 9495609928, 04931-247001.
കോഴിക്കോട് (കാനറ) 0495-2432470, 9446082241.
വയനാട് (എസ്ബിഐ) 04936-207132, 9884041040.
കണ്ണൂര്‍ (സിന്‍ഡിക്കറ്റ്) 0460-2226573, 9447483646.
കാസര്‍കോട് (ആന്ധ്ര ബാങ്ക്) 0467-2268240, 9497289100.