പാണക്കാട്: ഷെയ്ഡ് പൂക്കോയ തങ്ങള്‍ ഡയാലിസിസ് സെന്ററിനായി അല്‍ഖര്‍ജ് ടൗണ്‍ കെഎംസിസി പ്രഖ്യാപിച്ച ആര്‍.ഒ.പ്ലാന്റ് നിര്‍മ്മിക്കാനാവശ്യമായ മൂന്നര ലക്ഷം രൂപയുടെ ചെക്ക് അല്‍ഖര്‍ജ് കെഎംസിസി നേതാക്കള്‍ ഷെയ്ഡ് ചാരിറ്റബിള്‍ ട്രസ്റ്റ് ചെയര്‍മാന്‍ കൂടിയായ പാണക്കാട് മുനവ്വറലി ശിഹാബ് തങ്ങള്‍ക്കു കൈമാറി. മലപ്പുറം ജില്ലയിലെ പെരുവള്ളൂര്‍ പഞ്ചായത്തിലാണ് നിര്‍ധനരായ രോഗികള്‍ക്ക് വേണ്ടി സൗജന്യ ഡയാലിസ് സെന്റര്‍ പണി പൂര്‍ത്തിയായി വരുന്നത്.
വൃക്ക രോഗികളുടെ എണ്ണത്തിലുള്ള ക്രമാതീതമായ വര്‍ധന കണ്ടാണ് നിര്‍ധനരായ രോഗികളുടെ റിഹാബിലിറ്റേഷന്‍ ലക്ഷ്യമാക്കി ഷെയ്ഡ് ഈ പദ്ധതിക്ക് രൂപം നല്‍കിയത്. കേവല മിനുക്കു പണികളും മറ്റു യന്ത്ര സാമഗ്രികള്‍ കൂടി സജീകരിക്കുന്നതോടെ പദ്ധതി യാഥാര്‍ഥ്യമാകുമെന്നു ഭാരവാഹികളായ നസീം കാടപ്പടിയും ഹാരിസ് പെരുവള്ളൂരും അറിയിച്ചു.
അല്‍ ഖര്‍ജ് കെഎംസിസി നേതാക്കളായ അഷ്‌റഫ് മൗലവി, യൂസഫ് ഫൈസി, മുഹമ്മദ് പുന്നക്കാട്, ഷബീബ് കൊണ്ടോട്ടി, റൗഫല്‍ കുനിയില്‍ നജ്മുദ്ധീന്‍ മൊറയൂര്‍, ഇബ്രാഹിം പുലാക്കല്‍ ഷെയ്ഡ് ഭാരവാഹികളായ നസീം കാടപ്പടി, ഹാരിസ് പെരുവള്ളൂര്‍, കരീം സി.സി, ബഷീര്‍ പുല്‍പ്പാടന്‍, മുജീബ് ചെമ്പന്‍ തുടങ്ങിയവര്‍ പങ്കെടുത്തു.