2024 ആരംഭിച്ച് ഒരു മാസം കഴിയുമ്പോഴും യാതൊരു തരത്തിലുള്ള മാറ്റവുമില്ലാതെ സ്വർണവില. തുടര്‍ച്ചയായ രണ്ടാം ദിവസവും വില വര്‍ധിച്ചതോടെ കേരളത്തിലെ സ്വര്‍ണ വില കഴിഞ്ഞ ദിവസം പവന് 46,400 രൂപയിലെത്തിയിരുന്നു. ഇന്നും അതേ വിലയില്‍ തന്നെയാണ് സ്വർണ വിപണി നടക്കുന്നത്. ചൊവ്വാഴ്ച 160 രൂപയാണ് പവന് വര്‍ധിച്ചത്. ഗ്രാമിന് 20 രൂപ വര്‍ധിച്ച് 5,800 രൂപയിലെത്തി.
ജനുവരി രണ്ടിന് 47,000 രൂപയായിരുന്നു സ്വർണവില. ഈ മാസത്തെ ഏറ്റവും ഉയർന്ന നിരക്കും ഇതാണ്. തുടർന്ന് വില താഴുന്നതാണ് ദൃശ്യമായത്. 18ന് 45,920 രൂപയായി താഴ്ന്ന് ഈ മാസത്തെ ഏറ്റവും താഴ്ന്ന നിലവാരത്തിലേക്കും സ്വർണവില എത്തി.