അരിക്കൊമ്പനെ പറമ്പിക്കുളത്തേക്ക് മാറ്റുന്നതിനെതിരെ പ്രതിഷേധം കടുപ്പിക്കാനൊരുങ്ങി പ്രദേശവാസികള്‍. മുതലമട പഞ്ചായത്തില്‍ ഈ മാസം 11ന് ജനകീയ ഹര്‍ത്താലിന് ആഹ്വാനം ചെയ്തു. പഞ്ചായത്തു പരിധിയില്‍ രാവിലെ 6 മുതല്‍ വൈകീട്ട് 6 വരെയാണ് ഹര്‍ത്താല്‍.
ഇടുക്കി ചിന്നക്കനാലിലെ പ്രശ്‌നക്കാരനായ അരിക്കൊമ്പനെ പറമ്പിക്കുളത്തേക്ക് കൊണ്ടുവരുന്നതില്‍ നാട്ടുക്കാര്‍ക്കിടയില്‍ പ്രതിഷേധം ശക്തമാണ്. ആനയെ കൊണ്ടുവരുന്നത് തടയണമെന്ന് ആവശ്യപ്പെട്ട് കലക്ടര്‍ക്ക് നാട്ടുകാര്‍ നിവേദനം നല്‍കും.