ബഹ്‌റൈനില്‍ 9ാം ക്ലാസ് വിദ്യാര്‍ഥിനി ഹൃദയാഘാതത്തെ തുടര്‍ന്ന് മരിച്ചു. ബഹ്‌റൈനിലെ ഏഷ്യന്‍ സ്‌കൂളിലെ ഒമ്പതാം ക്ലാസ് വിദ്യാര്‍ഥിനിയായ സാറാ റേച്ചല്‍ അജി വര്‍ഗ്ഗീസ്(14) ആണ് ഇന്ന് രാവിലെ സല്‍മാനിയ ആശുപത്രിയില്‍ മരണമടഞ്ഞത്.
പത്തനംതിട്ട കല്ലശേരി സ്വദേശിനിയാണ് മരിച്ച സാറാ റേച്ചല്‍. ഇന്നലെ വൈകിട്ട് കുട്ടിക്ക് ചെറിയരീതിയില്‍ നെഞ്ച് വേദന അനുഭവപ്പെട്ടിരുന്നു. പിന്നീട് ഇന്ന് ഛര്‍ദ്ദിയും ഉണ്ടായി. തുടര്‍ന്ന് കുഴഞ്ഞുവീഴുകയായിരുന്നു. ഉടന്‍ തന്നെ ആംബുലന്‍സില്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ സാധിച്ചില്ല. മൃതദേഹം സല്‍മാനിയ മെഡിക്കല്‍ കോപ്ലക്‌സിലെ മോര്‍ച്ചറിയിലേക്ക് മാറ്റി. അജി കെ വര്‍ഗീസാണ് പിതാവ്. മാതാവ് മഞ്ജു വര്‍ഗീസ്.