ന്യൂഡല്‍ഹി: അമിതാഭ് ബച്ചനടക്കമുള്ള ബോളിവുഡ് താരങ്ങളും മറ്റു പ്രമുഖരും പങ്കെടുത്ത രാമക്ഷേത്ര പ്രതിഷ്ഠ പരിപാടിയില്‍ പിന്നാക്ക വിഭാഗത്തില്‍നിന്ന് ആരെങ്കിലുമുണ്ടായിരുന്നോയെന്ന് കോണ്‍ഗ്രസ് നേതാവും എം.പിയുമായ രാഹുല്‍ ഗാന്ധി. ബോളിവുഡ് താരങ്ങളായ അമിതാഭ് ബച്ചനും ഐശ്വര്യ റായിയും കഴിഞ്ഞ മാസം നടന്ന രാമക്ഷേത്ര ഉദ്ഘാടനച്ചടങ്ങില്‍ പങ്കെടുത്തപ്പോള്‍ ഒ.ബി.സിയിലോ ദലിത് വിഭാഗത്തിലോ ഉള്ള ഒരാളെ പോലും പരിപാടിയില്‍ പങ്കെടുപ്പിച്ചില്ലെന്നും രാഹുല്‍ കുറ്റപ്പെടുത്തി.
താഴ്ന്ന ജാതിക്കാര്‍ക്ക് പ്രാതിനിധ്യമില്ലാത്ത കാഴ്ചയായിരുന്നു രാമ പ്രതിഷ്ഠ ചടങ്ങ്. നിങ്ങള്‍ രാമക്ഷേത്രത്തിലെ പ്രാണ്‍ പ്രതിഷ്ഠാ ചടങ്ങ് കണ്ടോ ഒരു ഒ.ബി.സി മുഖം ഉണ്ടായിരുന്നോ അമിതാഭ് ബച്ചനും ഐശ്വര്യ റായിയും നരേന്ദ്ര മോദിയും ഉണ്ടായിരുന്നുവെന്നും രാഹുല്‍ പറഞ്ഞതായി ദേശീയ മാധ്യമങ്ങള്‍ റിപ്പോര്‍ട്ട് ചെയ്തു.