ന്യൂഡല്‍ഹി: അഞ്ഞൂറിന്റെയും ആയിരത്തിന്റെയും നോട്ടുകള്‍ അസാധുവാക്കിയതിനു പിന്നാലെ രാജ്യത്തെ പ്രധാന നഗരങ്ങളില്‍ ആദായ നികുതി വകുപ്പിന്റെ റെയ്ഡ്. ഡല്‍ഹി, മുംബൈ അടക്കമുള്ള നഗരങ്ങളിലാണ് റെയ്ഡ്. കള്ളപ്പണം കണ്ടെത്താനാണ് മിന്നല്‍ പരിശോധന.

അതേസമയം, രാജ്യത്തെ ബാങ്കുകളില്‍ നോട്ട് ആര്‍ബിഐ ഉദ്യോഗസ്ഥര്‍ മിന്നല്‍ പരിശോധന നടത്തും. ആയിരത്തിന്റെയും അഞ്ഞൂറിന്റെയും നോട്ട് കൈമാറ്റവും ബാങ്കുകളിലെ പ്രവര്‍ത്തനവും നിരീക്ഷിക്കുകയാണ് മിന്നല്‍ പരിശോധനയിലൂടെ ആര്‍ബിഐ ലക്ഷ്യമിടുന്നത്. പഴയ നോട്ടുകളില്‍ നിന്ന് പുതിയ നോട്ടുകളിലേക്കുള്ള മാറ്റത്തില്‍ ആര്‍ബിഐ കൃത്യമായ മേല്‍നോട്ടം വഹിക്കും. നിലവിലെ നോട്ട് പിന്‍വലിക്കലും പുതിയ സീരിസ് നോട്ട് ജനങ്ങളിലെത്തിക്കലുമാണ് ആര്‍ബിഐയുടെ പ്രധാന ചുമതല. എന്നാല്‍ ബാങ്കുകള്‍ക്ക് രജിസ്റ്റര്‍ മാറ്റാനുള്ള അവസരം നല്‍കാതിരിക്കലാണ് ബാങ്ക് നിരീക്ഷണത്തിലൂടെ ആര്‍ബിഐ ലക്ഷ്യമിടുന്നതെന്നാണ് സാമ്പത്തിക വിദഗ്ധര്‍ പറയുന്നത്.