മുംബൈ: കാത്തു കാത്തിരുന്ന ഇന്ത്യന്‍ പ്രീമിയര്‍ വനിതാ ലീഗ് ക്രിക്കറ്റിന് ഇന്ന് തുടക്കം. നവി മുംബൈയിലെ ഡി.വൈ പാട്ടില്‍ സ്‌റ്റേഡിയത്തില്‍ വൈകീട്ട് 7-30 ന് മുംബൈ ഇന്ത്യന്‍സും ഗുജറാത്ത്് ജയന്റ്‌സും ആദ്യ മല്‍സരത്തില്‍ ഏറ്റുമുട്ടും. രണ്ടാഴ്ച്ച മുമ്പ് ദക്ഷിണാഫ്രിക്കയില്‍ സമാപിച്ച വനിതാ ടി-20 ലോകകപ്പില്‍ പങ്കെടുത്ത പാക്കിസ്താന്‍ ഒഴികെയുള്ള രാജ്യങ്ങളില്‍ നിന്നുള്ള ടീമുകളിലെ താരങ്ങളാണ് വിവിധ ടീമുകളിലായി മാറ്റുരക്കുന്നത്.
നാളെ രണ്ട് മല്‍സരങ്ങളുണ്ട്. ആദ്യ മല്‍സരത്തില്‍ വൈകീട്ട് 3-30 ന് റോയല്‍ ചാലഞ്ചേഴ്‌സ് ബെംഗളൂരു ഡല്‍ഹി ക്യാപിറ്റല്‍സിനെയും രാത്രി 7-30ന് യു.പി വാരിയേഴ്‌സ് ഗുജറാത്് ജയന്റ്‌സിനെയും എതിരിടും. അഞ്ച് ടീമുകള്‍ മാറ്റുരക്കുന്ന പ്രാഥമിക റൗണ്ട് മാര്‍ച്ച് 21 ന് അവസാനിക്കും. 24ന് ആദ്യ എലിമിനേറ്റര്‍ നടക്കും. 26 നാണ് ഫൈനല്‍.