Connect with us

News

ഇന്ത്യന്‍ കായികം; ധ്യാന്‍ മുതല്‍ ധീരജ് വരെ

ഇനി മുന്നോട്ട് വന്ന് 1947 ന് ശേഷം 2022 വരെ നോക്കുക. കൂടുതല്‍ മുഖങ്ങള്‍ കാണാം. ഒളിംപിക്‌സില്‍ കിതച്ചും കുതിച്ചും ചില വ്യക്തിഗത സ്വര്‍ണങ്ങള്‍. 2008 ലെ ബെയ്ജിംഗ് ഒളിംപിക്‌സില്‍ അഭിനവ് ബിന്ദ്ര, 2021 ലെ ടോക്കിയോ ഒളിംപിക്‌സില്‍ നീരജ് ചോപ്ര…

Published

on

75 വര്‍ഷം പിറകോട്ട് ഒന്ന് നോക്കു……. കൂറെ മുഖങ്ങള്‍ അവിടെയുണ്ട്. അവരില്‍ തലയെടുപ്പോടെ ഹോക്കി മാന്ത്രികന്‍ ധ്യാന്‍ചന്ദ്. ഇന്ത്യക്കായി ആദ്യ ഒളിംപിക്‌സ് മെഡല്‍ നേടിയ നോര്‍മന്‍ പിച്ചാര്‍ഡ്, സെല്‍റ്റിക് എഫ്.സി എന്ന സ്‌ക്കോട്ടിഷ് വിഖ്യാത ഫുട്‌ബോള്‍ ക്ലബിന്റെ ജഴ്‌സിയില്‍ കളിച്ച മുഹമ്മദ് സലീം, 1928 മുതല്‍ ഒളിംപിക്‌സ് മുതല്‍ രാജ്യത്തെ പ്രതിനിധീകരിച്ച് സ്വര്‍ണം സ്വന്തമാക്കിയ ഹോക്കി സംഘത്തിലെ വിഖ്യാതര്‍, ക്രിക്കറ്റില്‍ വിജയ് മര്‍ച്ചന്റും സംഘവും, കുമാര്‍ ശ്രിരണ്‍ജിത് സിംഗ്ജി തുടങ്ങി നിരവധി പേര്‍….

ഇനി മുന്നോട്ട് വന്ന് 1947 ന് ശേഷം 2022 വരെ നോക്കുക. കൂടുതല്‍ മുഖങ്ങള്‍ കാണാം. ഒളിംപിക്‌സില്‍ കിതച്ചും കുതിച്ചും ചില വ്യക്തിഗത സ്വര്‍ണങ്ങള്‍. 2008 ലെ ബെയ്ജിംഗ് ഒളിംപിക്‌സില്‍ അഭിനവ് ബിന്ദ്ര, 2021 ലെ ടോക്കിയോ ഒളിംപിക്‌സില്‍ നീരജ് ചോപ്ര… ഫുട്‌ബോളില്‍ 56 ലെ മെല്‍ബണ്‍ ഒളിംപിക്‌സിലെ സെമി നേട്ടം, ക്രിക്കറ്റില്‍ 1983 ലെ കപില്‍ദേവ് സംഘത്തിന്റെ കന്നി ലോകകപ്പ്, ആ നേട്ടം ആവര്‍ത്തിച്ച് 2011 ല്‍ മഹേന്ദ്രസിംഗ് ധോണി, 2007 ലെ കന്നി ടി-20 ലോകകപ്പ് നേട്ടം, സച്ചിന്‍ ടെണ്ടുല്‍ക്കറെ പോലുള്ള ഇതിഹാസങ്ങള്‍.. ചെസില്‍ ഗ്രാന്‍ഡ് മാസ്റ്റര്‍ വിശ്വനാഥന്‍ ആനന്ദ്, ടെന്നിസില്‍ ലിയാന്‍ഡര്‍ പെയ്‌സും മഹേഷ് ഭൂപതിയും അവരുടെ ഡബിള്‍സ് നേട്ടങ്ങളും , സാനിയ മിര്‍സയുടെ യാത്ര, ബാഡ്മിന്റണില്‍ പ്രകാശ് പദുകോണും പി.വി സിന്ധുവും സൈന നെഹ്‌വാളും, ട്രാക്കില്‍ പി.ടി ഉഷയും സംഘവും അങ്ങനെ നേട്ടക്കാര്‍ നിരവധി. ഈയിടെ സമാപിച്ച ലോക ചാമ്പ്യന്‍ഷിപ്പിലും കോമണ്‍വെല്‍ത്ത് ഗെയിംസിലും വലിയ നേട്ടങ്ങള്‍ രാജ്യം സ്വന്തമാക്കി.

ലോക ചാമ്പ്യന്‍ഷിപ്പില്‍ നീരജ്, കോമണ്‍വെല്‍ത്തില്‍ മലയാളികളായ എല്‍ദോസ് പോളും അബ്ദുല്ല അബൂബക്കറും മുരളി ശ്രീശങ്കറും മെഡല്‍പ്പട്ടികയില്‍ വന്നു. ട്രിപ്പിള്‍ ജമ്പില്‍ 17 മീറ്റര്‍ എന്ന ദൂരം പിന്നിടാനായി. എന്നിട്ടും 75 ലെ കായിക യാത്രയില്‍ ലോകതലത്തില്‍ നോക്കുമ്പോള്‍ നമ്മള്‍ പിറകില്‍ തന്നെയാണ്. ഒളിംപിക്‌സ് വേദികളിലും ഏഷ്യന്‍ ഗെയിംസ്, കോമണ്‍വെല്‍ത്ത്് ഗെയിംസ് തുടങ്ങി രാജ്യാന്തര വേദികളില്‍ പിറകില്‍ തന്നെ. കാല്‍പ്പന്തില്‍ ഇപ്പോഴും ഒരു ലോകകപ്പ് സാന്നിദ്ധ്യമെന്നത് വിദൂര സ്വപ്‌നം മാത്രം. ഹോക്കിയില്‍ പണ്ടത്തെ കീര്‍ത്തിയൊന്നുമില്ല. സമീപകാലത്തെ വലിയ നേട്ടം ടോക്കിയോ ഒളിംപിക്‌സിലെ വെങ്കലം മാത്രം. 2018 ലെ ഗോള്‍ഡന്‍ കോസ്റ്റ് കോമണ്‍വെല്‍ത്ത് ഗെയിംസില്‍ ഇന്ത്യ മെഡല്‍പ്പട്ടികയില്‍ മൂന്നാമത് വന്നപ്പോള്‍ ബിര്‍മിംഗ്ഹാമിലത് നാലാം സ്ഥാനമായി. വലിയ വേദിയില്‍ മല്‍സരിക്കുമ്പോള്‍ അനുഭവസമ്പത്ത് മുഖ്യ ആയുധമാണ്. അത് നേടിവരുകയാണ് നിലവില്‍ നമ്മള്‍. നല്ല കുറെ താരങ്ങള്‍ വരുന്നുണ്ട്. ആത്മവിശ്വാസപാതയില്‍ ബഹുദൂരം നമ്മള്‍ മുന്നേറിയിരിക്കുന്നു. അപ്പോഴും ലോക നിലവാരവുമായി താരതമ്യം ചെയ്യുമ്പോള്‍ തൂലോം പിറകില്‍ തന്നെ. മുന്നോട്ടുള്ള കാല്‍വെപ്പിന് കൂടുതല്‍ ഊര്‍ജ്ജം വേണം. 75 ന്റെ കരുത്തില്‍ അത് നേടാനാവണം.

കായികാധികാരികള്‍ അതിനായി മുന്നിട്ടിറങ്ങണം. പ്ലാറ്റിനം ആഘോഷത്തിലും ലോകത്തെ ഏറ്റവും ജനപ്രിയ കായിക രൂപമായ ഫുട്‌ബോളിലാണ് ഇന്ത്യ എവിടെയുമെത്താത്തത്. തൊട്ടരികിലുള്ള ഖത്തര്‍ ലോകകപ്പിന് ആതിഥേയത്വം വഹിക്കുമ്പോഴും ഇന്ത്യ കാഴ്ച്ചക്കാരുടെ റോളിലാണ്. 1956 ലെ മെല്‍ബണ്‍ ഒളിംപിക്‌സില്‍ സെമി വരെ കളിച്ചിരുന്നു ഇന്ത്യന്‍ ഫുട്‌ബോളെങ്കില്‍ അതിന് ശേഷം ഇത് വരെ അത്തരത്തിലൊരു നേട്ടത്തില്‍ ഇന്ത്യന്‍ ഫുട്‌ബോള്‍ എത്തിയിട്ടില്ല. രണ്ട് തവണ ഏഷ്യന്‍ ഗെയിംസില്‍ ഒന്നാമന്മാരായി. സമീപകാലത്തായി ഇന്ത്യന്‍ സൂപ്പര്‍ ലീഗ് ഫുട്‌ബോള്‍ അരംഭിച്ചതിന് ശേഷം നമ്മുടെ ഫുട്‌ബോള്‍ സമീപനം മാറിയിട്ടുണ്ട്. അപ്പോഴും ഫിഫ റാങ്കിംഗില്‍ ഇന്ത്യ ഇപ്പോഴും 100 നരികിലാണ്.

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

മുന്നോട്ട് കുതിച്ച് ബാലകേരളം

വിദ്യാര്‍ത്ഥികളുടെ സര്‍ഗ്ഗാത്മകതക്ക് പ്രോത്സാഹനം നല്‍കി ഏറെ ശ്രദ്ധേയമായിക്കൊണ്ടാണ് ബാലകേരളം സംഘടിപ്പിക്കുന്നത്.

Published

on

എം.എസ്.എഫ് സംസ്ഥാന കമ്മിറ്റിയുടെ ബാല കേരളം പദ്ധതി വിലയിരുത്താനായി കോര്‍ഡിനേറ്റേര്‍സ് പാര്‍ലിമെന്റ് കോഴിക്കോട് ബാഫഖി യൂത്ത് സെന്ററില്‍ വെച്ച് സംഘടിപ്പിച്ചു. മലബാര്‍ മേഖലയിലെ പഞ്ചായത്ത് തലം മുതലുള്ള കോര്‍ഡിനേറ്റര്‍മാരാണ് പരിപാടിയില്‍ പങ്കെടുത്തത്. വിദ്യാര്‍ത്ഥികളുടെ സര്‍ഗ്ഗാത്മകതക്ക് പ്രോത്സാഹനം നല്‍കി ഏറെ ശ്രദ്ധേയമായിക്കൊണ്ടാണ് ബാലകേരളം സംഘടിപ്പിക്കുന്നത്.

വര്‍ത്തമാന കാലത്ത് നടന്നുകൊണ്ടിരിക്കുന്ന വിദ്യാര്‍ഥികളിലെ ലഹരി ഉപയോഗം ഉള്‍പ്പെടെയുള്ള ഭവിഷ്യത്തുകളെ നേരിടാന്‍ വിദ്യാര്‍ത്ഥികളില്‍ ക്രിയാത്മകമായ കൂട്ടായ്മകള്‍ രൂപപ്പെടേണ്ടത് അനിവാര്യമാണെന്നും ബാലകേരളത്തിലൂടെ അത് സാധ്യമാകുമെന്നും എംഎസ്എഫ് സംസ്ഥാന പ്രസിഡന്റ് പികെ നവാസ് യോഗം ഉദ്ഘാടനം ചെയ്തുകൊണ്ട് സംസാരിച്ചു. ഒക്ടോബര്‍ 1 മുതല്‍ 4 വരെ സംസ്ഥാനത്ത് ഉടനീളം ‘മാസ്സ് യൂണിറ്റ് ഫോര്‍മേഷന്‍’ എന്നപേരില്‍ ക്യാംപയിനിലൂടെ യൂണിറ്റ് രൂപീകരണം പൂര്‍ത്തിയാക്കുമെന്നും തുടര്‍ന്ന് പഞ്ചായത്ത്, മണ്ഡലം, ജില്ലാ, സംസ്ഥാന തലങ്ങളില്‍ സംഗമങ്ങള്‍ സംഘടിപ്പിച്ച് വിപുലമായ സംഘടനാ രംഗത്തേക്ക് ബാലകേരളത്തെ വിഭാവനം ചെയ്യുമെന്നും അദ്ദേഹം കൂട്ടിച്ചേര്‍ത്തു.

സംസ്ഥാന ജന. സെക്രട്ടറി സി.കെ നജാഫ്, ട്രഷറര്‍ അഷ്ഹര്‍ പെരുമുക്ക്, ബാലവേദി വിംഗ് കണ്‍വീനര്‍ വിഎം റഷാദ്, സംസ്ഥാന കമ്മിറ്റി അംഗങ്ങളായ നസീഫ് ഷെര്‍ഷ്, വസീം മാലിക്, പി മുസ്തഫ തുടങ്ങിയവര്‍ സംസാരിച്ചു.

Continue Reading

columns

നിലപാടില്‍ വേറിട്ടുനിന്ന വ്യക്തിത്വം- എഡിറ്റോറിയല്‍

രാഷ്ട്രീയ നിലപാടില്‍ പലരും അദ്ദേഹത്തോട് വിയോജിക്കുന്നുണ്ടെങ്കിലും ഈ വിടവാങ്ങല്‍ ഇസ്‌ലാമിക ലോകത്തിന് കനത്ത നഷ്ടമാണ്.

Published

on

നിലപാട്‌കൊണ്ട് ചരിത്രം രചിച്ച ലോക പ്രശസ്ത ഇസ്‌ലാമിക പണ്ഡിതനായിരുന്നു ഇന്നലെ അന്തരിച്ച ശൈഖ് യൂസഫ് അല്‍ ഖര്‍ളാവി. സമഗ്ര ഇസ്‌ലാമിക വ്യവസ്ഥയെ കാലികമായി സമര്‍പ്പിച്ച ഖര്‍ളാവി ആധുനിക ലോകത്ത് ബഹുമത സംവാദത്തിന്റെ പ്രാധാന്യം ഊന്നിപ്പറയുകയും ചെയ്തു. സമകാലിക ഇസ്‌ലാമിക സമൂഹത്തിന്റെ പ്രശ്‌നങ്ങളില്‍ അദ്ദേഹത്തിന്റെ നിലപാടുകള്‍ മുസ്‌ലിം ലോകത്തിന്റെ തന്നെ നിലപാടെന്ന നിലക്കാണ് വിലയിരുത്തപ്പെടാറുള്ളത്. ഒട്ടേറെ ഇസ്‌ലാമിക വിഷയങ്ങളില്‍ അദ്ദേഹം നല്‍കിയ ഫത്‌വ ശ്രദ്ധേയമാണ്. ചെറുപ്പത്തില്‍ തന്നെ പഠനകാര്യങ്ങളില്‍ വൈഭവം കാട്ടിയ അദ്ദേഹം ഒമ്പതാം വയസില്‍ ഖുര്‍ആന്‍ ഹൃദിസ്ഥമാക്കിയിരുന്നു.

തന്റെ നിലപാട് കാരണം ജന്മനാടായ ഈജിപ്തില്‍ നിന്നും ഓടിപ്പോകേണ്ടിവന്നു. പിന്നീട് മരണം വരെ ഖത്തറിലായിരുന്നു താമസിച്ചിരുന്നത്. ഈജിപ്തിലെ ഇമാം ശഹീദ് ഹസനുല്‍ ബന്നയുടെ പ്രസ്ഥാനമായ മുസ്‌ലിം ബ്രദര്‍ഹുഡില്‍ ആകൃഷ്ടനായ അദ്ദേഹത്തെ നിരവധി തവണ ഭരണകൂടം തടവിലിട്ടിട്ടുണ്ട്. 1949, 54, 56 കാലങ്ങളില്‍ ജയില്‍വാസമനുഷ്ഠിച്ചു. കര്‍ക്കശമായ സാമ്രാജ്യത്വവിരുദ്ധ നിലപാടുകളായിരുന്നു സ്വീകരിച്ചിരുന്നത്. അന്തര്‍ദേശീയ മുസ്‌ലിം പണ്ഡിതസഭയുടെ രൂപവത്കരണ യോഗത്തില്‍ പങ്കെടുക്കാനായി ബ്രിട്ടനിലെത്തിയെങ്കിലും ബ്രിട്ടനും അമേരിക്കയും ഫ്രാന്‍സും വിസാനിരോധമേര്‍പ്പെടുത്തുകയായിരുന്നു. 2008 ഫെബ്രുവരി ഏഴിന് അദ്ദേഹത്തിന്റെ വിസാ അപേക്ഷ ബ്രിട്ടന്‍ നിരസിക്കുകയുണ്ടായി. ചികിത്സാര്‍ഥമാണ് അദ്ദേഹം സന്ദര്‍ശനാനുമതി തേടിയത്. സംഘടനാ, രാഷ്ട്രീയ ഭേദമന്യേ അദ്ദേഹം ഉയര്‍ത്തിപ്പിടിച്ച സാമ്രാജ്യത്വ വിരുദ്ധ സമീപനങ്ങള്‍ ശ്രദ്ധേയമായിരുന്നു. ഇസ്രാഈലുമായി യാതൊരു വിട്ടുവീഴ്ചക്കും തയാറായിരുന്നില്ല. ഫലസ്തീനില്‍ പോരാടുന്ന ജനതക്കൊപ്പമായിരുന്നു. എന്നാല്‍ തീവ്രവാദത്തെ ഒരിക്കലും അംഗീകരിച്ചിരുന്നുമില്ല. 2004 ലാണ് ഖര്‍ളാവി അവസാനമായി ബ്രിട്ടന്‍ സന്ദര്‍ശിച്ചത്. അന്തര്‍ദേശീയ മുസ്‌ലിം പണ്ഡിതസഭയുടെ രൂപവത്കരണ യോഗത്തില്‍ പങ്കെടുക്കാനായിരുന്നു യാത്ര. അന്നത് ബ്രിട്ടനില്‍ വന്‍ വിവാദത്തിന് തിരികൊളുത്തിയിരുന്നു. ഫലസ്തീനിലെ ചാവേറാക്രമണത്തെ പിന്തുണക്കുന്നതിനാല്‍ വിസയനുവദിക്കരുതെന്ന് തീവ്ര വലതുപക്ഷ കക്ഷികള്‍ ടോണിബ്ലയര്‍ സര്‍ക്കാറിനോടാവശ്യപ്പെട്ടു. ലണ്ടന്‍ മേയര്‍ കെന്‍ ലിവിങ്സ്റ്റണ്‍ ഈ സമയത്ത് അദ്ദേഹവുമായി വേദി പങ്കിടുകയും അദ്ദേഹത്തെ ന്യായീകരിക്കുകയുമാണ് ചെയ്തത്. ഫലസ്തീനില്‍ അധിനിവേശം നടത്തി നിലവില്‍ വന്ന ഇസ്രാഈലിന്റെ അസ്തിത്വം പോലും അംഗീകരിക്കരുതെന്ന വാദക്കാരനാണദ്ദേഹം. സയണിസ്റ്റുകളുമായുള്ള ചര്‍ച്ചകളെയും അദ്ദേഹം നിരാകരിച്ചു.

ഏകാധിപതികള്‍ അടക്കി വാണിരുന്ന നാടുകളില്‍ ജനാധിപത്യത്തിന്റെ തിരികൊളുത്താന്‍ അദ്ദേഹത്തിന്റെ വാക്കുകള്‍ക്ക് സാധിച്ചിട്ടുണ്ട്. അറബ് ലോകത്തും മധ്യ പൗരസ്ത്യ ദേശങ്ങളിലും രൂപപ്പെട്ട സ്വേച്ഛാധിപരായ ഭരണാധികാരികള്‍ക്കെതിരെയുണ്ടായ ജനകീയ സ്വാതന്ത്ര്യ പോരാട്ടങ്ങളെ ശക്തമായി പിന്തുണച്ചു. സമകാലിക അറബ് ലോകത്ത് സയണിസ്റ്റ് വിരുദ്ധ വികാരം വളര്‍ത്തുന്നതില്‍ അദ്ദേഹത്തിന് വലിയ സ്വാധീനമുണ്ട്. വര്‍ത്തമാന ഇസ്‌ലാമിക ലോകത്തെ മധ്യമനിലപാടിന്റെ മുന്നണിപ്പോരാളിയായ അദ്ദേഹം പക്ഷേ ഭരണാധികാരികള്‍ക്ക് സ്തുതിഗീതമോതാന്‍ ഒരിക്കലും തയ്യാറായില്ല. സമഗ്ര ഇസ്‌ലാമിക വ്യവസ്ഥയെ കാലികമായി സമര്‍പ്പിച്ചു. മുസ്‌ലിം ഐക്യത്തിന്റെ ശക്തനായ വക്താവായ ഖര്‍ളാവി വിവിധ ഇസ്‌ലാമിക ചിന്താധാരകള്‍ക്കിടയില്‍ സംവാദ പരിപാടികള്‍ക്ക് മുന്‍കൈയെടുക്കുന്നു. ആധുനിക ലോകത്ത് ബഹുമത സംവാദത്തിന്റെ പ്രാധാന്യം ഊന്നിപ്പറയുകയും ചെയ്തു. ലോകത്തിന്റെ വിവിധ ഭാഗങ്ങളിലേക്ക് ശൈഖ് ഖര്‍ളാവിയുടെ ആശയധാര പരന്നുകിടക്കുന്നുണ്ട്. എന്നാല്‍ അദ്ദേഹത്തിന്റെ എല്ലാ നിലപാടുകളും മുസ്‌ലിം ലോകത്തിന് അംഗീകരിക്കാനാകുന്നതായിരുന്നില്ല. പല നിലപാടുകളും വിമര്‍ശന വിധേയമായിട്ടുണ്ട്. പല രചനകള്‍ക്കും ചില രാജ്യങ്ങളില്‍ വിലക്കുമുണ്ട്. സര്‍വ മത നിന്ദക്കെതിരായ അദ്ദേഹത്തിന്റെ നിലപാടുകള്‍ ശ്രദ്ധേയമാണ്. വിവിധ രാജ്യങ്ങളില്‍ പരന്നുകിടക്കുന്ന നിരവധി ശിഷ്യന്‍മാര്‍ അദ്ദേഹത്തിനുണ്ട്. കേരളത്തില്‍ രണ്ട് തവണ സന്ദര്‍ശനം നടത്തി. നൂറിലേറെ ഗ്രന്ഥങ്ങളുടെ കര്‍ത്താവാണ്. പല പുസ്തകങ്ങളും മലയാളത്തിലേക്ക് പരിവര്‍ത്തനം ചെയ്യപ്പെട്ടിട്ടുണ്ട്. രാഷ്ട്രീയ നിലപാടില്‍ പലരും അദ്ദേഹത്തോട് വിയോജിക്കുന്നുണ്ടെങ്കിലും ഈ വിടവാങ്ങല്‍ ഇസ്‌ലാമിക ലോകത്തിന് കനത്ത നഷ്ടമാണ്.

Continue Reading

kerala

നടന്‍ ശ്രീനാഥ് ഭാസിക്ക് സിനിമയില്‍ താല്‍ക്കാലിക വിലക്ക്

ഫിലിം പ്രൊഡ്യൂസേഴ്‌സ് അസോസിയേഷന്റേതാണ് തീരുമാനം.

Published

on

ഓണ്‍ലൈന്‍ മാധ്യമപ്രവര്‍ത്തകയെ അഭിമുഖത്തിനിടെ അപമാനിച്ച നടന്‍ ശ്രീനാഥ് ഭാസിക്ക് വിലക്കേര്‍പ്പെടുത്തി സിനിമ നിര്‍മാതാക്കളുടെ സംഘടന. ഫിലിം പ്രൊഡ്യൂസേഴ്‌സ് അസോസിയേഷന്റേതാണ് തീരുമാനം. നടനെ സിനിമയില്‍ നിന്ന് താല്‍ക്കാലികമായി  മാറ്റിനിര്‍ത്തുമെന്ന് സംഘടന അറിയിച്ചു.

തെറ്റ് പറ്റിയതായി ശ്രീനാഥ് ഭാസി സമ്മതിച്ചു. ഇനി ആവര്‍ത്തിക്കില്ലെന്ന് പറഞ്ഞെങ്കിലും നടപടി സ്വീകരിക്കുകയാണെന്ന് സംഘടന വ്യക്തമാക്കി. നിലവില്‍ അഭിനയിക്കുന്ന സിനിമകള്‍ പൂര്‍ത്തിയാക്കിയാല്‍ ശ്രീനാഥ് ഭാസിയോട് മാറിനില്‍ക്കാന്‍ ആവശ്യപ്പെടും. പോലീസിന് പരാതി നല്‍കിയതിനൊപ്പം സിനിമ നിര്‍മാതാക്കളുടെ സംഘടനയ്ക്കും  യുവതി പരാതി നല്‍കിയിരുന്നു. ഇത് പരിഗണിച്ചാണ് സംഘടന തീരുമാനമെടുത്തത്.

ഓണ്‍ലൈന്‍ മാധ്യമപ്രവര്‍ത്തകയോട് അഭിമുഖത്തിനിടെ അസഭ്യം പറഞ്ഞെന്ന കേസില്‍ കഴിഞ്ഞ ദിവസമാണ് ശ്രീനാഥ് ഭാസിയെ അറസ്റ്റ് ചെയ്ത് ജാമ്യത്തില്‍ വിട്ടയച്ചത്.  മരട് പോലീസ് സ്‌റ്റേഷനിലായുന്നു നടന്‍ ചോദ്യം ചെയ്യലിന് ഹാജരായത്. സ്‌റ്റേഷന്‍ ജാമ്യത്തിലാണ് വിട്ടയച്ചത്. സ്ത്രീത്വത്തെ അപമാനിച്ചുവെന്നതാണ് നടനെതിരെയുള്ള  കേസ്.

Continue Reading

Trending