Connect with us

Culture

ട്രംപിനെതിരായ അന്വേഷണങ്ങള്‍ക്ക് ലോസ് ആഞ്ചലസ് കൗണ്‍സിലിന്റെ സമ്പൂര്‍ണ പിന്തുണ

Published

on

ലോസ് ആഞ്ചലസ്: ഇംപീച്ച്‌മെന്റടക്കമുള്ള നടപടികള്‍ കൈക്കൊള്ളാവുന്ന കുറ്റകൃത്യങ്ങളില്‍ ഡൊണാള്‍ഡ് ട്രംപ് അന്വേഷണവിധേയനാവണമെന്ന പ്രമേയത്തിന് ലോസ് ആഞ്ചലസ് സിറ്റി കൗണ്‍സിലിന്റെ പരിപൂര്‍ണ പിന്തുണ. സിറ്റിയുടെ 2017-2018 നിയമകാര്യപദ്ധതികളിലുള്‍പ്പെടുത്തിയാണ് യു.എസ് ഭരണഘടനയുടെ വിദേശ വരുമാനത്തെ മോശമായി ബാധിക്കുന്ന നടപടികളോ കുറ്റകരമായ നിലപാടുകളോ ട്രംപിന്റെ പക്കല്‍ നിന്നുണ്ടായിട്ടുണ്ടെങ്കില്‍ അന്വേഷണത്തിന് തയാറായവണമെന്ന് പ്രമേയം പാസ്സാക്കിയത്.

കൗണ്‍സിലിലെ മുഴുവന്‍ അംഗങ്ങളും പ്രമേയത്തിന് അനുകൂലമായാണ് നിലപാടെടുത്തത്.

വിപുലമായ റിയല്‍ എസ്റ്റേറ്റ് സാമ്രാജ്യവുമായി ഡൊണാള്‍ഡ് ട്രംപിനുള്ള ബന്ധത്തെപ്പറ്റി ട്രംപ് ഭരണത്തിലേറിയ സമയത്ത് ഏറെ വിമര്‍ശനങ്ങളുയര്‍ന്നിരുന്നു. വിദേശ രാഷ്ട്രങ്ങളില്‍ നിന്നോ വിദേശീയരായ നേതാക്കളില്‍ നിന്നോ എന്തെങ്കിലും പ്രതിഫലമോ മറ്റോ സ്വീകരിക്കുന്നതില്‍ നിന്നും സര്‍ക്കാര്‍ ഉദ്യോഗസ്ഥരെ വിലക്കിക്കൊണ്ടുള്ള ഭരണഘടന ചട്ടത്തിനെതിരാണ് ട്രംപിന്റെ അത്തരം ബന്ധങ്ങളെന്നായിരുന്നു വിമര്‍ശകരുടെ വാദം.

വിദേശ നിക്ഷേപങ്ങളടക്കമുള്ള വിഷയങ്ങളില്‍ ട്രംപിന്റെ കരങ്ങള്‍ ശുദ്ധമാണെന്ന് തുറന്നുകാട്ടാനുള്ള സന്നദ്ധത പ്രസിഡന്റ് പ്രകടിപ്പിക്കണം. അതിന് തയാറാകാത്ത പക്ഷം പ്രശ്‌നത്തില്‍ അന്വേഷണം നടത്താനുള്ള അധികാരം കോണ്‍ഗ്രസിന് ഉണ്ടാവണമെന്നാണ് ഞങ്ങളുടെ ആവശ്യം -പ്രമേയമവതരിപ്പിച്ച കൗണ്‍സിലംഗം ബോബ് ബ്ലൂമെന്‍ഫീല്‍ഡ് പറഞ്ഞു. ഈ പ്രമേയത്തില്‍ അനുകൂലമായ തീരുമാനം വരുന്നതോടെ ട്രംപിന്റെ അന്താരാഷ്ട്ര സാമ്പത്തിക ബന്ധങ്ങളെ സംബന്ധിച്ച അന്വേഷണമടക്കം രാഷ്ട്രത്തിന്റെ നന്മയാണ് സെനറ്റ് അംഗങ്ങള്‍ ആഗ്രഹിക്കുന്നത്. സ്വന്തം പോക്കറ്റ് വീര്‍പ്പിക്കാനല്ല, അമേരിക്കന്‍ ജനതയുടെ അഭിവൃദ്ധിക്ക് വേണ്ടിയാണ് പ്രസിഡന്റ് പ്രവര്‍ത്തിക്കുന്നതെന്ന് ഉറപ്പുവരുത്തുകയാണ് ഇതിന്റെ ലക്ഷ്യമെന്നും അദ്ദേഹം കൂട്ടിച്ചേര്‍ത്തു.

10-0 വോട്ടിനാണ് നിര്‍ണായകമായ പ്രമേയം പാസ്സായത്. ലോസ് ആഞ്ചലസ് സിറ്റി കൗണ്‍സിലിലെ ഏക റിപ്പബ്ലിക്കന്‍ അംഗമായ മിഷേല്‍ എഗ്ലണ്ടര്‍ വോട്ടിനിട്ട സമയത്തുണ്ടായിരുന്നില്ല. എന്നാല്‍, പ്രമേയത്തിന് വോട്ട് ചെയ്യാതെ വിട്ടുനിന്നതിനെക്കുറിച്ച് പ്രതികരിക്കാന്‍ എഗ്ലണ്ടര്‍ തയാറായതുമില്ല.

വെസ്റ്റ് വാലി റെസിസ്റ്റന്‍സ് എന്ന പേരുള്ള സംഘടനയുടെ ഡസന്‍ കണക്കിന് ആളുകള്‍ വോട്ടിന് സാക്ഷികളായുണ്ടായിരുന്നു. കയ്യടികളോടെയാണ് അവര്‍ പ്രമേയം വോട്ടിനിട്ട് പാസ്സാക്കിയതിനെ എതിരേറ്റത്. ഇത്തരമൊരു പ്രമേയത്തിന് തന്നെ പ്രേരിപ്പിച്ച സംഘടനയെ പ്രശംസിക്കാനും ബ്ലൂമെന്‍ഫീല്‍ഡ് മറന്നില്ല.

നേരത്തെ, ജനുവരിയില്‍ വാഷിങ്ടണ്‍ ഡിസിയിലെ സിറ്റിസന്‍സ് ഫോര്‍ റെസ്‌പോണ്‍സിബിലിറ്റി ആന്‍ഡ് എതിക്‌സ് ട്രംപ് അനധികൃത വരുമാനം നേടുന്നുവെന്ന് ആരോപിച്ച് ഒരു ഹര്‍ജി സമര്‍പ്പിച്ചിരുന്നു. ഏതായാലും ട്രംപിന് അപ്രതീക്ഷിതമായ ഏറ്റ തിരിച്ചടിയായാണ് കൗണ്‍സിലിന്റെ നിലപാട് വിലയിരുത്തപ്പെടുന്നത്.

Continue Reading
Advertisement
Click to comment

Leave a Reply

Your email address will not be published. Required fields are marked *

Film

ട്രാഫിക് റൂള്‍സ് തെറ്റിച്ചു; ചോദ്യം ചെയ്ത ട്രാഫിക് പൊലീസിനെ കൈയ്യേറ്റം ചെയ്ത് നടി സൗമ്യ ജാനു- വീഡിയോ

കൃത്യനിർവഹണം തടസ്സപ്പെടുത്തിയതിനും നിയമം ലംഘിച്ചതിനും താരത്തിനെതിരെ പൊലീസ് കേസെടുത്തു

Published

on

ഹൈദരാബാദ് ∙ റോഡ് നിയമം ലംഘിച്ചുള്ള യാത്ര തടഞ്ഞതിന് ട്രാഫിക് പൊലീസ് ഉദ്യോഗസ്ഥനുമായി കലഹിച്ച് തെലുങ്ക് നടി സൗമ്യ ജാനു. ഇതിന്റെ ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിക്കുന്നുണ്ട്. കൃത്യനിർവഹണം തടസ്സപ്പെടുത്തിയതിനും നിയമം ലംഘിച്ചതിനും താരത്തിനെതിരെ പൊലീസ് കേസെടുത്തു.

നടി എതിർവശത്തെ റോഡിലൂടെ വാഹനമോടിച്ചു വരുന്ന വഴിയാണ് പൊലീസ് വണ്ടി നിർത്താൻ ആവശ്യപ്പെട്ടത്. ഇതോടെ ഉദ്യോഗസ്ഥന് നേരെ നടി കയർത്തു. വാക്കു തർക്കം കയ്യേറ്റം വരെയെത്തുകയും ചെയ്തു. റോഡിൽ കൂടിയ ജനം പ്രശ്നം പരിഹരിക്കാൻ ശ്രമിച്ചുവെങ്കിലും സൗമ്യ വഴങ്ങിയില്ല. കാര്‍ തെറ്റായ ദിശയിലാണ് വന്നതെന്ന് നടി സമ്മതിക്കുന്നത് വീഡിയോയിൽ കാണാനാകും.

കഴിഞ്ഞ 24ന് രാത്രി എട്ടിന് ഹൈദരാബാദിലെ ബഞ്ജാര ഹിൽസിലായിരുന്നു കേസിനാസ്‍പദമായ സംഭവം. തന്റെ ആഡംബര കാറിൽ സ്വയം ഡ്രൈവ് ചെയ്യുമ്പോഴാണു നിയമം തെറ്റിച്ച് വൺവേ റോഡിലൂടെ കടന്നുപോകാൻ താരം ശ്രമിച്ചത്. ഇതേതുടർന്ന്  പൊലീസ് തടഞ്ഞു. അത്യാവശ്യമായി പോകണമെന്ന് പറഞ്ഞു നടി അലറുകയും ഉദ്യോഗസ്ഥനെ അധിക്ഷേപിക്കുകയായിരുന്നു.

Continue Reading

Film

നടിയെ ആക്രമിച്ച കേസ്: ദിലീപിന് ആശ്വാസം; ജാമ്യം റദ്ദാക്കില്ല

ദിലീപിന്റെ ജാമ്യം റദ്ദാക്കണമെന്ന ഹർജിയിലെ കീഴ്ക്കോടതി നിരീക്ഷണങ്ങൾ പ്രധാന കേസിനെ ബാധിക്കരുതെന്ന് നിർദേശിച്ചു.

Published

on

നടിയെ ആക്രമിച്ച കേസിൽ ദിലീപിന്റെ ജാമ്യം റദ്ദാക്കണമെന്ന് പ്രോസിക്യൂഷന്റെ ആവശ്യം ഹൈക്കോടതി തള്ളി. ദിലീപിന്റെ ജാമ്യം റദ്ദാക്കണമെന്ന ഹർജിയിലെ കീഴ്ക്കോടതി നിരീക്ഷണങ്ങൾ പ്രധാന കേസിനെ ബാധിക്കരുതെന്ന് നിർദേശിച്ചു. കേസിൽ എട്ടാം പ്രതിയാണ് ദിലീപ്. ജസ്റ്റിസ് സോഫി തോമസ് അധ്യക്ഷയായ സിംഗിൾ ബെഞ്ചാണ് അപ്പീലിൽ വിധി പറഞ്ഞത്.

ജാമ്യത്തിൽ പുറത്തിറങ്ങിയതിന് ശേഷം സാക്ഷികളെ സ്വാധീനിക്കാൻ ദിലീപ് ശ്രമം നടത്തിയെന്നും തെളിവുകൾ അട്ടിമറിക്കാൻ ശ്രമിച്ചുവെന്നും ആരോപിച്ചാണ് ഹർജി നൽകിയത്.

ദിലീപിൻ്റെ ജാമ്യം റദ്ദാക്കണമെന്ന ആവശ്യവുമായി സർക്കാർ വിചാരണ കോടതിയെ സമീപിച്ചിരുന്നെങ്കിലും കോടതി അത് തള്ളിയിരുന്നു. ഇതിന് പിന്നാലെയാണ് ജാമ്യം റദ്ദാക്കണമെന്നാവശ്യപ്പെട്ട് സർക്കാർ ഹൈക്കോടതിയെ സമീപിച്ചത്.

Continue Reading

Film

മലയാള സിനിമ റിലീസ് തടയില്ല, തുടരും; നിലപാട് മാറ്റി ഫിയോക്

കാര്യങ്ങൾ മുമ്പത്തെ പോലെ മുന്നോട്ടു പോകുമെന്നും ദിലീപ് വ്യക്തമാക്കി.

Published

on

നിലപാടിൽ അയവ് വരുത്തി തിയേറ്റർ ഉടമകളുടെ സംഘടനയായ ഫിയോക്. മലയാള സിനിമകൾ കേരളത്തിലെ തിയേറ്ററുകളിൽ റിലീസ് തുടരുമെന്നും സിനിമ മേഖലയിലെ പ്രശ്നങ്ങൾ ചർച്ച ചെയ്ത് പരിഹരിക്കുമെന്നും ഫിയോക്ക് ചെയർമാൻ ദിലീപ് പറഞ്ഞു. കാര്യങ്ങൾ മുമ്പത്തെ പോലെ മുന്നോട്ടു പോകുമെന്നും ദിലീപ് വ്യക്തമാക്കി.

ഫെബ്രുവരി 22ന് മലയാള ചിത്രങ്ങൾ റിലീസ് ചെയ്യുമെന്ന് ഫിയോക്ക് വ്യക്തമാക്കിയിരുന്നു. സിനിമകള്‍ തിയേറ്ററില്‍ റിലീസ് ചെയ്ത് വളരെ വേഗം ഒടിടി പ്ലാറ്റുഫോമുകൾക്ക് വിട്ടുകൊടുക്കുന്നതാണ് സമരത്തിന്റെ പ്രധാനകാരണമായി തിയേറ്റര്‍ ഉടമകള്‍ ചൂണ്ടിക്കാണിച്ചത്.
ഇത് കൂടാതെ ഷെയറിങ് രീതികളിൽ മാറ്റം വരുത്തണം, പബ്ലിസിറ്റി കോൺട്രിബ്യൂഷൻ, പേസ്റ്റിങ് ചാർജ് എന്നിവ പൂർണ്ണമായും നിർത്തലാക്കണം, വിപിഎഫ് ചാർജ് പ്രൊഡ്യൂസറോ ഡിസ്ട്രിബ്യൂട്ടറോ നൽകണം എന്നിവയും ഫിയോക്ക് മുന്നോട്ടു വച്ച പ്രധാന ആവശ്യങ്ങളിൽ പറയുന്നു.

Continue Reading

Trending