എല്‍ഡിഎഫ് കണ്‍വീനര്‍ സ്ഥാനമൊഴിയാന്‍ സന്നദ്ധത അറിയിച്ചു ഇ പി ജയരാജന്‍. ആരോഗ്യപ്രശ്‌നമാണെന്നാണ് വിശദീകരണം. വെള്ളിയാഴ്ച നടക്കുന്ന സെക്രട്ടറിയേറ്റില്‍ പങ്കെടുക്കില്ലെന്ന് ഇ പി ജയരാജന്‍ പറഞ്ഞു.
തന്നെ ലക്ഷ്യം വെച്ചുകൊണ്ടുള്ള ചില നീക്കങ്ങള്‍ പാര്‍ട്ടിക്കുള്ളില്‍ നടക്കുന്നുണ്ടെന്ന പരാതി നേരത്തെ തന്നെ അദ്ദേഹത്തിന് ഉണ്ടായിരുന്നു. ദീര്‍ഘനാളത്തെ അവധിയെടുത്ത് അദ്ദേഹം പാര്‍ട്ടില്‍ നിന്ന് വിട്ട് നില്‍ക്കുകയായിരുന്നു. പാര്‍ട്ടി പദവികളും ഒഴിയാന്‍ തയ്യാറാണെന്ന് അദ്ദേഹം അറിയിച്ചതായും സൂചനയുണ്ട്.
കഴിഞ്ഞ ദിവസങ്ങളില്‍ പി ജയരാജന്‍ ഇ പി ജയരാജനെതിരെ സാമ്പത്തിക ക്രമക്കേടുകള്‍ അടക്കം ആരോപിച്ചിരുന്നു. ഇതിന് പിന്നാലെ് പാര്‍ട്ടിയുമായി ബന്ധപ്പെട്ട വലിയ രീതിയിലുള്ള ചര്‍ച്ചകള്‍ക്ക് ഇത് വഴിവെച്ചിരുന്നു.