മുംബൈ: ഇന്ത്യന്‍ പ്രീമിയര്‍ ലീഗ് പ്ലേ ഓഫ് ചിത്രം ഇന്ന് രാത്രിയോടെ വ്യക്തമാവും. ഗുജറാത്ത് ടൈറ്റന്‍സും ചെന്നൈ സൂപ്പര്‍ കിംഗ്‌സും ലക്‌നൗവും ടിക്കറ്റ് ഉറപ്പാക്കിയ ചാമ്പ്യന്‍ഷിപ്പിലെ നാലാം സ്ഥാനക്കാരുടെ കാര്യത്തില്‍ ഇന്ന് തീരുമാനമാവും.
ആദ്യ മല്‍സരത്തില്‍ ഹൈദരാബാദുമായി കളിക്കുന്ന മുംബൈ ഇന്ത്യന്‍സിന് ജയം അനിവാര്യം. ജയിച്ചാല്‍ പ്രതീക്ഷകളുണ്ട്. ഹൈദരാബാദ് പുറത്തായവരാണ്. രണ്ടാം മല്‍സരത്തില്‍ ഗുജറാത്തിനെ നേരിടുന്ന ബെംഗളുരുവിനും ജയിക്കണം. അങ്ങനെ വന്നാല്‍ റണ്‍റേറ്റ് മുഖ്യമാവും. എന്തായാലും ഇന്നലെ ലക്‌നൗ ജയിച്ചതോടെ രാജസ്ഥാന്റെ സാധ്യതകള്‍ അവസാനിച്ചു.