ഡല്‍ഹി: സാഹിത്യത്തിനുള്ള അഞ്ചാമത് ജെസിബി പുരസ്‌കാരം ഉറുദു എഴുത്തുകാരന്‍ പ്രൊഫ. ഖാലിദ് ജാവേദിന്. നിമത് ഖാനാ (ദി പാരഡൈസ് ഓഫ് ഫുഡ്) എന്ന നോവലാണ് ബഹുമതിക്ക് അര്‍ഹമായത്. 25 ലക്ഷം രൂപയും ശില്‍പവുമാണ് പുരസ്‌കാരം.
ബാരണ്‍ ഫാറൂഖിയാണ് നിമത് ഖാനാ ഉറുദുവില്‍ നിന്ന് ഇംഗ്ലീഷിലേക്ക് വിവര്‍ത്തനം ചെയ്തത്. പുരസ്‌കാര തുകയുടെ ഒരു ഭാഗം വിവര്‍ത്തകനും ലഭിക്കും. ഇടത്തരം മുസ്‌ലിം കൂട്ടുകുടുംബത്തിലെ അര നൂറ്റാണ്ടു കാലത്തെ ജീവിത യാത്രയുടെ കഥയാണ് ‘പാരഡൈസ് ഓഫ് ഫുഡ്’ പറയുന്നത്.